SKÝRSLAN: Allt annað Blikalið kom út síðari hálfleikinn á Heimavelli Hamingjunnar.
Hvað réði úrslitum?
Hvernig Blikarnir komu út í síðari hálfleikinn, Blikarnir voru slakir í fyrri og sköpuðu sér voða lítið en það var bara allt annað lið sem kom út í síðari hálfleikinn, mættu með miklu meiri orku og náðu að skapa sér miklu meira og uppskáru 3-0 sigur,
Bestu leikmenn
1. Jason Daði Svanþórsson
Tölurnar tala sínu máli, mark og tvær stoðsendingar í kvöld og var bara frábær á hægri kantinum og átti stóran þátt í því að Blikarnir voru hættulegir í síðari hálfleiknum.
2. Dagur Dan Þórhallsson
Það er eitthvað við orkuna í þessum strák sem heillar mig í bland við gæðin sem hann hefur, hljóp eins og óður maður í dag og hefur stigið frábærlega upp í fjarveru Viktors Karls Einarssonar.
Atvikið
Það var eins og Víkingar fengu rothögg í andlitið eftir að Jason Daði skoraði í autt markið eftir sæmilega klaufaganginn í vörn Víkinga og eftir það var þetta alltaf að fara enda með sigri Blika.
Hvað þýða úrslitin?
Blikarnir ennþá með fullt hús stiga á toppi deildarinnar með 18 stig eftir 6 leiki en Víkingarnir eru með 7 leiki spilaða og aðeins 10 stig og sitja í 6. sæti. Næsti leikur Blika er gegn Fram (H) og Víkingar fara næst á Origo völlinn (Ú) og mæta Val.
Vondur dagur
Erfitt að velja einhvern einn í sóknarlínu Víkinga en þeir voru bara ekki með. Set þetta á Nikolaj Hansen sem sást ekkert í kvöld en hann var einnig bara ekki með í 4-1 sigrinum gegn Fram..
Dómarinn - 7
Solid 7 bara meira var það ekki. Ekkert risastórar ákvarðanir sem hann þurfti að díla við bara fínasta frammistaða.