Hér flautar Banari til leiksloka. 1-0 sigur Breiðabliks staðreynd. Ekki mikið fyrir augað þessi leikur og alls ekki merkilegur síðari hálfleikur hjá Blikum. Þeir fara þó með forystu í síðari leikinn á Kópavogsvelli eftir viku. Hvet alla til að mæta þangað, Blikar hljóta að bjóða uppá markaveislu þar!

Coloma fær aukaspyrnu á sínum eigin vítateig. Síðasti séns fyrir þá að jafna metin!

Það er ekki búið að gefa upp neinn uppbótartíma. Hann er sennilega bara klassískar þrjár mínútur. Nei fimm mínútum bætt við (Staðfest)

Skyndisókn hjá Blikum. Sowe með sendingu yfir á Jason Daða sem hefði getað komið sér í gott færi en of lengi að athafna sig og missir boltann.

Tiago Portuga með fína tilraun vel fyrir utan teig sem Anton Ari ver í horn.

Ísak reyndi bakfallsspyrnu en hitti ekki boltann.

Blikar að sækja í sig veðrið. Fá hér hornspyrnu.

Ohh! Blikar fengu aukaspyrnu á vinstri kanntinum. Boltinn fór manna á milli inn í teignum en endaði hjá Ísaki sem kom boltanum í netið en hann var dæmdur rangstæður!

Það voru einhverjar stimpingar inná teignum í aðdraganda aukaspyrnunnar og dómarinn fór að ræða við menn. Á meðan færðu Coloma menn boltann framar og dómarinn færði boltann aftur, þá fórnuðu Coloma menn höndum.

Eftir eitthvað svaka bíó gátu Santa Coloma loksins tekið aukaspyrnuna. Fyrirgjöfin endaði með skalla beint í fangið á Antoni.

Jason og Höskuldur spila vel á milli sín við teig Coloma og Jason á fyrirgjöfina úr þröngri stöðu beint í fangið á Priego.

Skalli yfir markið eftir hornspyrnu Coloma

Fyrsta sinn sem Blikar komast í færi hér í síðari hálfleik en Ísak hittir boltann illa og boltinn fer framhjá.

Virgili með skot sem fer af vörn Blika og Anton Ari ekki í vandræðum með að handsama knöttinn.

VÓÓÓ!! Fyrirgjöf hjá Coloma, virðist hættu lítil en Anton Ari er í vandræðum og þarf að slá boltann áður en hann nær tökum á honum. Coloma menn fórna höndum og vilja meina að boltinn hafi farið yfir línuna en mark ekki dæmt.

Damir virðist ekki geta haldið áfram eftir meiðslin í fyrri hálfleik. Blikar eru að undirbúa skiptingu.

Coloma fær hornspyrnu.

Blikar í tómum vandræðum hér í upphafi síðari hálfleiks, heppnir að Coloma hafi ekki náð að skapa sér betri færi.

Joel Paredes heppinn að sleppa með spjald hér.. Alltof seinn í Anton Ara, straujar hann niður.

Moldóvarnir enn og aftur að slá í gegn í dómgæslunni. Gísli Eyjólfs fær gamla góða olnbogaskotið beint í andlitið á miðjum vellinum og það er gult.

— Hrannar Már (@hrannaremm) July 7, 2022

Er þetta ekki samlandi snillingsins sem dæmdi hjá Vikes? #fotboltinet

— Bergmann Guðmundsson (@BergmannGudm) July 7, 2022

Blikar fara með 1-0 forystu í hálfleik! Vonandi setja þeir í annan gír í þeim síðari. Coloma menn fengið full mikið af góðum færum fyrir minn smekk!

Mínúta í uppbótartíma.

Aukaspyrnan beint í fangið á Antoni Ara.

Damir meiddist eitthvað við þetta og þarf á aðhlynningu að halda, vonandi ekkert alvarlegt! Hann er staðinn á fætur.

Jason Daði með skallann framhjá!

ÖSSSHHH!! Blikar heppnir þarna! Virgili lék sér af vörn Blika og á svo skotið rétt fyrir utan vítateig en boltinn hafnar í slánni!

Höskuldur með stungusendinguna ætlaða Ísaki en hún er aðeins of föst og endar í fanginu á Priego.

Blikarnir spila boltanum í rólegheitum á milli sín í öftustu línu, lítið að gerast.

Blikar fá hornspyrnu! Coloma menn koma boltanum frá.

Blikarnir eru að ná að pressa Priego í marki Coloma vel, neyða hann hér í að sparka boltanum útfyrir.

Flott byrjunarlið í nýrri Evróputreyju. Staðan 0:1. Þessi treyja er for keeps. pic.twitter.com/cQ6B1UWIoj

— Blikar.is (@blikar_is) July 7, 2022

FÆRI! Imad El Kabbou skyndilega kominn í dauðafæri en Anton Ari pressar vel og ver frá honum!

Hvað á ekkert að spjalda Ísak fyrir þetta suss!!?? :) #fotboltinet

— Geir Jonsson 💙💛💙💛 (@GeirJonsson) July 7, 2022

Skot af löngu færi úr aukaspyrnunni en vel yfir.

Santa Coloma er að valda usla með skyndisóknum sínum. Blikarnir í fínu færi en ná ekki skoti að marki, Andorra mennirnir bruna upp í skyndisókn og vinna aukaspyrnu.

Fyrsta sóknin. Coloma menn komast í skyndisókn sem endar með skoti að marki en það hægist á boltanum með viðkou í Damir og auðvelt fyrir Anton Ara að handsama knöttinn.

Marc Priego í markinu hjá Santa Coloma ansi rólegur á boltanum og Ísak Snær pressar hann vel og nær boltanum en hann rúllar aftur fyrir endamörk.

Það er ekki fjölmennt í stúkunni virðist vera en það heyrist vel í einhverjum stuðningsmönnum Breiðabliks sem eru mættir á völlinn!

Blikar spila boltanum rólega á milli sín og Coloma menn mæta þeim fast, nokkrar aukaspyrnur hér í upphafi leiks en ekkert færi litið dagsins ljós.

Blikarnir starta þessu! KOMA SVO!

Útsendingin hafin á Stöð 2 Sport 4. UEFA.com segir að Santa Coloma stilli upp í 4-4-2/4-2-2-2 og Blikar í 4-3-3.

Mikið um að vera í íslenska boltanum þessa dagana. Vanda Sigurgeirsdóttir formaður KSÍ er stödd á Englandi þar sem EM kvenna fer fram. Hún sendir kveðju á Blika og KRinga sem mæta pólska liðinu Pogon Szczecin síðar í dag.

Í fyrradag var ég Víkingur, í dag Bliki og KR-ingur. Komaaa svooo!

Í öðrum fréttum er það helst að hér í Crewe er fínasta veður og liðsandinn í topplagi hjá stelpunum okkar 🇮🇸

— Vanda Sigurgeirsdóttir (@vandasig) July 7, 2022

Dómarinn Dómari leiksins er Vaecaslav Banari og kemur frá Moldóvu. Hann hefur dæmt 18 leiki í undankeppni Evrópukeppni félagsliða. Þá á hann þrjá leiki í undankeppni EM og einn í undankeppni HM. Honum til aðstoðar verða landar hans, þeir Andrei Bodean og Anatolie Basiui.

Tæpur klukkutími í leik UE Santa Coloma og Breiðabliks í góða veðrinu í Andorra. Flautað til leiks kl. 15:00! Leikurinn er sýndur á Stöð 2 Sport 4. Þessi snillingar hefja leik fyrir græan 💚 pic.twitter.com/K6TnokzG2H

— Blikar.is (@blikar_is) July 7, 2022

Klefinn okkar í Andorra orðinn vel merktur og leikfær.
Áfram Blikar🤝 pic.twitter.com/Naa8t9L22e

— Blikar.is (@blikar_is) July 7, 2022

Byrjunarliðið Anton Logi Lúðvíksson er í byrjunarliði Blika og Oliver Sigurjónsson byrjar á bekknum. Anton Logi hefur leikið vel að undanförnu og fær hér stórt tækifæri. Það er ein breyting á byrjunarliði Breiðabliks frá síðasta deildarleik. Viktor Karl Einarsson kemur inn fyrir Dag Dan Þórhallsson sem fer á bekkinn.

Breiðablik - U.E. Santa Coloma á Estadi Nacional í Andorra la Vella á morgun. Þetta er fyrri leikur liðanna í undankeppni Sambandsdeildar UEFA.

Síðari leikurinn fer fram á Kópavogsvelli fimmtudaginn 14.júlí!

Leikurinn byrjar kl.15:00 í beinni útsendingu á Stöð 2 Sport 4. pic.twitter.com/V1ouOFokes

— Breiðablik FC (@BreidablikFC) July 6, 2022

Svipmyndir af æfingu í Andorra í dag, leikur á morgun 😊⚽️✅ pic.twitter.com/2ekvQAk3MJ

— Breiðablik FC (@BreidablikFC) July 6, 2022

Hafa mæst áður Þetta er ekki fyrsta viðureign Santa Coloma og Breiðabliks, liðin mættust í undankeppni Evrópudeildarinnar árið 2013 og þá hafði Breiðablik betur, 0-0 úti og 4-0 sigur Blika á Kópavogsvelli. Ellert Hreinsson gerði tvö, Guðjón Pétur Lýðsson og Þórður Steinar Hreiðarsson skoruðu sitt markið hvor. Árið 2018 mættu Santa Coloma menn aftur hingað til lands, þá á Hlíðarenda þar sem liðið mætti Val í undankeppni Evrópudeildarinnar. Þeir höfðu sigrað heimaleikinn 1-0 en Valsarar hefndu fyrir það á Hlíðarenda og unnu 3-0. Lið Breiðabliks sem mætti Santa Coloma árið 2013

Blikar talsvert líklegri Óskar Hrafn Þorvaldsson sagði í viðtali við Fótbolta.net á dögunum að það gæti allt gerst þó Blikar séu mögulega betra liðið á pappírunum. ,,Við eigum kannski að vera betra liðið á pappírunum en við sáum það hjá Víkingunum í forkeppni Meistaradeildarinnar að það er alls engin ávísun á að vinna leiki," sagði Óskar. Kópavogsliðið er talsvert sigurstranglegra í þessu einvígi og með sigri myndi það þá mæta Buducnost Podgorica frá Svartfjallalandi eða Llapi frá Kosóvó í 2. umferðinni.

Góðan daginn og verið velkomin í beina textalýsingu frá leik Santa Coloma og Breiðabliks í Forkeppni Sambandsdeildarinnar. Leikurinn fer fram í Andorra, heimalandi Santa Coloma en hann er í beinni útsendingu á Stöð 2 sport 4 og þessi textalýsing fer eftir þeirri útsendingu.