Eftir hræðilegan fyrri hálfleik gerðu KRingar talsvert betur í þeim síðari. Heimamenn vissulega slakað ögn á klónni í stöðunni 4-0 en tökum það jávæða úr þessu leik sem hægt er. Takk fyrir samfylgdina í dag og eigið öll gott kvöld.

Uppbótartími er að lágmarki 3 mínútur.

Bichakhchyann með skot úr teignum en af Pontus og afturfyrir. Eftir hornið Benedikt Zech í færi en boltinn upp í stúku.

Kamil Grosicki í fínu skotfæro við vítateig ögn til vinstri en setur boltann framhjá markinu.

Vahan Bichakhchyan í fínu færi í teig KR en skot hans yfir markið.

Sigurður Bjartur í færi í teignum en Stipica ver, hafði minnsta hugmynd um það sjálfur samt. Upp úr horninu kemur ekkert.

Dante Stipica framarlega í markinu. Kennie sér það og lætur vaða frá miðju en boltinn yfir markið.

Sebastian Kowalczyk með alvöru sprett, tekur þríhyrning við Grosicki sem finnur hann í teignum en skot hans yfir markið.

Sigurður Bjartur í hörkufæri undir Víkingaklappi Pólverja! Stipica ver frá honum með höfðinu eftir skot úr þröngu færi.

Kamil Drygas aleinn á fjærstöng eftir hornið en Arnór nær að henda sér fyrir skallann og boltinn í annað horn.

Enn fær Pogon hornspyrnu

Grosicki og Aron Kristófer í kapphlaupi um boltann sem Aron vinnur og kemur boltanum í horn. Kjartan Henry kemur boltanum frá eftir hornið.

Kamil Grosicki fær að valsa inn á teiginn í samspili við Zahovic en Beitir nær fingri á boltann og ver í horn.

Sjö mínútur og sjö horn komin í síðari hálfleik. Gestirnir með sitt fjórða og skapa usla en KR hreinsar.

Grosicki sækir horn fyrir heimamenn.

Boltinn skoppar manna á milli í teignum og dettur fyrir fætur Grétars sem hittir ekki boltann. Heimamenn setja boltann afturfyrir í annað horn og skalla hana í þá þriðju sem ekkert verður úr. Allt í áttina hjá KR

KR fær sína fyrstu hornspyrnu í leiknum.

Seinni hálfleikur hafinn Vonum að Rúnar hafi blásið sínum mönnum smá anda í brjóst og að þeir nái að halda í við þá Pólsku í seinni hálfleik.

Löngum fyrri hálfleik fyrir KR lokið. Getumunurinn í dag all svakalegur og KR liðið þarf að endurskipuleggja sinn leik í hálfleik. Viljum ekki sjá svipaðar tölur og gegn Molde hér um árið.

Pressa heimamanna heldur bara áfram. Finna alltaf mann í eða við teiginn. Grosicki með skot í varnarmann, frákastið berst til Bartkowski sem reynir sig aftur en skotið framhjá markinu.

Klárt brot á Þorsteini Má upp við endalínu á sóknarhelming KR. Fær sóla í legginn eftir að hafa spyrnt boltanum. Albaninn sér ekki ástæðu þó til þess að flauta.

Grosicki reynir að taka boltann á lofti í teignum eftir fyrirgjöf Mata. Hittir boltann ekkert sérlega vel sem fer víðsfjarri markinu.

Hallur brýtur á Sebastian Kowalczyk þeim pólska til lítillar gleði. Heimamenn með aukaspyrnu á ágætum stað en KR hreinsar frá

KR liðið haldið boltanum betur síðustu mínútur og það er vel.Hafa ekki náð þó að ógna Pogon á neinn hátt.

Zhaovic í þröngu færi á markteig en hittir boltann illa sem fer þægilega í fang Beitis

Heimamenn verið 79% með boltann hér á fyrstu 20. Á ekki von á því að þessi tölfræði breytist mikið.

Heimamenn að finna samherja aleina í teignum trekk í trekk, hending ein að Arnór og Pontus eru að ná að henda sér fyrir boltann. Hriplekir í öftustu línu.

Pálmi Rafn með boltann á lofti af 30 metrum í átt að marki en boltinn beint í dómarann, hann stöðvar leikinn og færir KR boltann á ný.

Damian Dabrowski með skotið frá vítateigslínu en rétt framhjá markinu.

KR sækir, Kennie með boltann úti hægra megin með þrjá í teignum en heimamenn skalla fyrirgjöf hans frá.

Vörn KR sofandi í aukaspyrnu en Kjartan Henry vinnur vel til baka og kemur boltanum í horn. Beitir grípur svo hornið.

Heimamenn fá hornspyrnu og annað til. Hafa legið á KR í upphafi

Kamil Grosicki með boltann inná teiginn þar sem Drygaz hendir í bakfallsspyrnu. Boltinn á markið en beint á Beiti og KR hreinsar.

Rífandi stemming í stúkunni. Ekki fullsetið en alvöru læti frá þeim áhorfendum sem mættir eru.

Þetta er farið af stað í Szczecin. Það eru sem hefja hér leik.

Liðin mætt í hús KR tapaði síðasta leik sínum gegn Víkingi 3-0 en frá þeim leik gerir Rúnar Kristinsson tvær breytingar. Grétar Snær Gunnarsson og Þorsteinn Már Ragnarsson koma inn fyrir Ægir Jarl Jónasson og Theodór Elmar Bjarnason.

Dómarinn Eldorjan Hamiti 39 ára Albani heldur um flautuna í leik dagsins. Eflaust ágætur dómari en ekkert sérlega reynslumikill í alþjóðlegum fótbolta og hefur aðallega dæmt í forkeppnum og hjá ungmennaliðum ásamt u21 landsleikjum til þessa. Nertil Bregasi og Elvis Gjoka eru aðstoðardómarar og fjórði dómari er Kreshnik Cjapi en líkt og Eldorian koma þeir allir frá Albaníu.

KR KR bíður erfitt verkefni á Florian Krygier vellinum í Szczecin í dag. Verkefnið er þó alls ekki ómögulegt en þurfa Rúnar Kristinsson að eiga sinn allra allra besta dag til þess að ná úrslitum. Gengið heimafyrir hefur alls ekki verið gott til þessa í sumar miðað við þá staðla sem KR setur sjálfu sér og liðið ekki verið sannfærandi. Það getur þó talið liðinu til tekna enda kjörið tækifæri til þess að girða sig í brók og sýna úr hverju liðið er gert í svona leik. 7 vikur eru síðan tímabilinu í Póllandi lauk og leikmenn KR ættu að öllu eðlilegu að vera í betra leikformi en heimamenn sem skemmir ekki fyrir möguleikum KR. Það er skarð fyrir KR að Finnur Tómas Pálmason er ekki með KR vegna meiðsla í dag. Stefán Árni Geirsson að snúa aftur eftir meiðsli en enn er talsvert í að Kristján Flóki Finnbogason stigi aftur inn á völlinn með KR.

Stóra nafnið Stærsti prófíllinn í þessu Pólska liði er án efa vængmaðurinn reyndi Kamil Grosicki sem lék alls 86 leiki með Pólska landsliðinu á sínum landsliðsferli. Hann sneri aftur til Póllands fyrir síðasta tímabil eftir að hafa dvalið síðustu fimm ár þar á undan á Englandi hjá Hull og WBA.

Hafa komið til Íslands áður Pólska liðið er ekki alveg ókunnugt Íslandi og liðum héðan en árið 2001 mættu Pogon liði Fylkis í forkeppni UEFA Cup forvera Evrópudeildarinnar. Það einvígi fór ekki í sögubækurnar hjá þeim Pólsku en lið Fylkis gerði sér lítið fyrir og sló liðið úr leik með 2-1 heimasigri og 1-1 jafntefli í Póllandi. Eftir að hafa talað um strembið verkefni fyrir KR hér fyrir neðan er kannski rétt að mæta því með þeirri staðreynd að Pogon hefur aldrei sigrað Íslenskt lið í Evrópukeppni.

Pogon Szczecin Það er ljóst að KR liðið er á leið í ansi strembið verkefni í Póllandi nú í dag. Heimamenn í Pogon enduðu í þriðja sæti Ekstraklasa á síðustu leiktíð niu stigum á eftir meisturum Lech Poznan og tryggðu sér þar með sæti í forkeppni Sambandsdeildarinnar. Liðið hefur ekki beint verið fastagestur í Evrópu undanfarin ár en liðið lék einnig í forkeppni Sambandsdeildarinnar í fyrra og féll þar út gegn liði Osijek frá Króatíu í annari umferð forkeppninar.

Heil og sæl kæru leendur og verið velkomin í beina textalýsingu Fótbolta.net frá fyrri leik Pogon Szczecin og KR í forkeppni Sambandsdeildar Evrópu.