SKÝRSLAN: Leiknir R. vann dramatískan sigur á KR
Hvað réði úrslitum?
Það sem réði úrslitum í dag var hvað Leiknir R. spiluðu skipulagðan varnarleik, þó þeir höfðu fengið 3 mörk á sig lá KR mikið á þeim og vörðust þeir vel. Skyndisóknir Leiknis R. voru einnig mjög vel útfærðar og skoruðu þeir sigurmark leiksins út frá slíku.
Bestu leikmenn
1. Zean Dalügge
Skoraði sigurmark leiksins sem var frábærlega afgreitt, Zean átti stóran þátt í sjálfsmarki KR en einnig var brotið á Zean í vítinu sem Leiknir fékk.
2. Kristinn Jónsson
Kristinn kom inn á af miklum krafti eftir erfið meiðsli hann sótti víti og skoraði gott mark. Þó skemmir fyrir að hann hafi brotið af sér í víti Leiknis R.
Atvikið
Mark Zean Dalügge á 86. mínútu til að kóróna frábærar lokamínútur leiksins. Hann fær boltann í gegn og klárar frábærlega í þaknetið.
Hvað þýða úrslitin?
Úrslitin þýða það að Leiknir R. er komið í 11. sæti deildarinnar en bæði FH og ÍA unnu sinn leik í þessari umferð svo þetta var gríðarlega mikilvægur sigur. Leiknir R. er aðeins einu stigi á eftir FH.
KR-ingar halda stöðu sinni í 6. sæti deildarinnar nú eru 3 stig í Stjörnuna sem er í 5. sæti.
Vondur dagur
Bræðurnir og fyrirliðarnir Bjarki og Arnór Sveinn, Aðalsteinssynir urðu fyrir því óláni að skora báðir sjálfsmörk í dag. Bæði þessi mörk voru mjög klaufaleg og gátu þeir báðir gert lítið í mörkunum sem þeir skoruðu í sitt eigið net.
Dómarinn - 6
Jóhann Ingi og félagar voru heilt yfir flottir í dag, spurning með hvort að það hafi verið brotið á Aroni Kristófer í teig Leiknis R. undir lok leiks.