SKÝRSLAN: Dagur Dan kláraði Valsmenn
Hvað réði úrslitum?
Gæði Breiðabliks eru bara meiri. Leikurinn byrjaði erfiðlega og lítið um að vera en Blikar komust í þrígang yfir og ekki batnaði það svo fyrir Valsmenn að missa mann útaf í síðari hálfleik og Blikar sigldu þessu örugglega heim eftir það.
Bestu leikmenn
1. Dagur Dan Þórhallsson
Þrenna og tvö aukaspurnu mörk svo þetta var aldrei spurning. Var virkilega sprækur og kraftmikill að auki.
2. Viktor Karl Einarsson
Skoraði og lagði upp í dag. Átti nokkur færi líka og var hættulegur. Ísak Snær fær líka shout en Viktor Karl tekur þetta.
Atvikið
Aukaspyrnumörk Dags Dan voru nánast alveg eins. Svipað langt færi og alveig eins skot í sama hornið.
Hvað þýða úrslitin?
Breiðablik hafa þegar tryggt Íslandsmeistaratitilinn og Valsmenn eru áfram í 5.sætinu í bili hið minnsta.
Vondur dagur
Sebastian Hedlund fékk klaufalegt rautt og fékk dæmt á sig vítið sem gerði Valsmönnum enga greiða með því. Tekur þennan dálk fyrir það þó svo að Aron Jóhannsson fær líka shout hérna.
Dómarinn - 5
Var með allt í lagi tök á leiknum. Einstaka atriði sem hægt er að vera með smámunarsemi yfir og ég er kannski ekki full sannfærður á vítinu.