SKÝRSLAN: Skagamenn sýndu klærnar
Hvað réði úrslitum?
Á 70. mínútu benti ekkert til þess að Skagamenn gætu komist inn í leikinn. Hinsvegar voru skiptingar Skagamanna mjög svo góðar á meðan skiptingar Eyjamanna voru ekki jafn góðar og riðluðu gott flæði liðsins. Þetta dæmigerða Skagabrjálæði náði svo sigurmarkinu yfir línuna undir lokin.
Bestu leikmenn
1. VIktor Jónsson
Mjög flottur framherji sem vinnur flest alla skallabolta og gaman að sjá þennan hæfileikaríka leikmann blómstra á ný eftir meiðsli. Mark og tvær stoðsendingar í dag
2. Ármann Ingi Finnbogason
Breytti algjörlega leiknum með innkomu sinni. Flottur leikmaður sem er óhræddur að keyra á menn og láta vaða á markið. Skoraði einnig stórglæsilegt mark. Gaman að sjá unga leikmenn blómsta í þessari deild.
Atvikið
Sigurmarkið í lokin var frábær endahnútur af þessari glæsilegu endurkomu ÍA. Gott móment fyrir Skagamenn til þess að fagna loksins
Hvað þýða úrslitin?
ÍBV tapar sínum fyrsta leik í neðra umspilinu og missa því af efsta sætinu sem þeir gerðu sér líklega vonir til þess að ná. Skagamenn lifa til að sjá annan dag en staðan er þó ennþá sú að möguleikarnir til þess að halda sér uppi eru gríðarlega litlir.
Vondur dagur
Skiptingar Hermanns Hreiðarssonar voru ekki góðar eins og hann benti sjálfur á í viðtali eftir leik. Hann fær þennan titil í dag.
Dómarinn - 6
Sigurður var heilt yfir fínn. Í lok leiks fannst mér hann þó eiga að benda á punktinn þegar Sigurður Hrannar féll til jarðar.