SKÝRSLAN: Njarðvíkingar verða í pottinum í 16-liða
Hvað réði úrslitum?
Gæði Njarðvíkinga voru einfaldlega bara meiri þegar uppi var staðið. Náðu að snúa lélegum fyrri hálfleik í þokkalegan síðari hálfleik og sækja fjögur mörk.
KFA eiga þó hrós skilið og eins og Mikael Nikulásson kom inná í viðtali eftir leik þá gefur markatalan ekki endilega rétta mynd af leiknum.
Bestu leikmenn
1. Marc McAusland
Skoraði tvö og ekki langt frá því að bæta við þriðja. Var stöðug ógn í föstum leikatriðum og var einnig flottur tilbaka hjá Njarðvíkingum.
2. Oumar Diouck
Kemur inná á 65. mín í stöðinni 1-0 og er leikbreytir fyrir Njarðvíkinga. Kæfði leikinn þegar KFA héldu að þeir væru að komast inn í leikinn aftur með líflínu undir lokin þá drap hann þá von með marki og stoðsendingu.
Atvikið
KFA vildu meina að þeir hefði skorað mark í fyrri hálfleik eftir klafs í teig Njarðvíkur þar sem boltinn virtist fara inn. Erfitt að leggja á það mat hvort hann hafi verið inni eða ekki.
Hvað þýða úrslitin?
Njarðvíkingar verða í pottinum þegar dregið verður í 16-liða úrslitum Mjólkubikarsins
Vondur dagur
Enginn sem stóð uppúr með slæman dag sérstaklega. Vodur dagur hjá KFA að nýta sér ekki meðbyrinn í fyrri hálfleik og varnarlínan sömuleiðis í síðari hálfleik að taka ekki betur á Marc McAusland sem hefði hæglega getað sett þrennu úr föstum leikatriðum.
Dómarinn - 6
Það voru einhver vafaatriði eins og t.d. atvikið í fyrri hálfleik. Ég get ekki fullyrt um hvort boltinn fari inn eða ekki. Ef hann fer inn þá eru það dýrkeypt mistök en ef þetta er allt hárrétt þá millifærum við einkunina upp í 8-9.