Víkingar vinna hér þriðju deildarlið Magna frá Grenivík 6-2 og Víkingar verða í pottinum þegar dregið verður í 16-liða úrslitin. Takk fyrir mig í dag.

Birkir Hauksson brýtur á Sveini Gísla og Víkingar fá aukaspyrnu á góðum stað fyrir utan teig. Arnór Borg með aukaspyrnuna en boltinn yfir.

Birgir Valur gerir vel og kemur boltanum á Birki sem finnur Viktor Má fyrir utan sem reynir skot en boltinn beint á Þórð Ingason.

Sveinn Gísli kemur aftur með frábæra fyrirgjöf inn á teiginn á Arnór Borg sem skóflar boltanum rétt yfir!

Sveinn Gísli fær boltann upp vænginn vinstra megin og kemur með góða fyrirgjöf og boltinn á hausinn á Arnóri Borg sem skallar boltann framhjá.

Víkingar leiða inn í hálfleikinn 3-1.

Helgi Guðjónson skilur ekkert í þessari ákvörðun hjá dómarateyminu.

Djuric með aukaspyrnu fyrir utan teig Magna en boltinn fer framhjá.

Sveinn Gísli fær boltann út til hægri og kemur með mjög góða sendingu inn á Helga Guðjóns sem nær ekki að setja boltann í netið.

Ekkert að þessari tilraun frá Gísla.

Víkingar taka hornspyrnu stutt, boltinn á Luigi sem finnur Kalla inn á teignum en skalli hans framhjá.

Viktor staðinn á fætur og leikurinn farinn í gang aftur.

Lendir í baráttu við Sölva Stefánsson niður við hliðarlínu og þarf aðstoð. Virðist hafa fengið högg á ökklann.

Klaufagangur aftast hjá Magna og Helgi Guðjónsson fær boltann og á skot en Steinar ver það frábærlega!

Fær boltann og ætlar að reyna einhverja krúsidúllu og tapar boltanum og boltinn á Danijel Djuric sem nær ekki að koma skoti á markið. Steinar Adolf og Magnamenn heppnir þarna.

Smá vandræðagangur á Magna aftast og boltinn á Loga Tómasson sem á skot fyrir utan teig og boltinn af Helga Guðjóns og afturfyrir.

Víkingar verið með boltann þessar fyrstu sjö mínútur en hafa enþá ekki náð að skapa sér neitt. Magnamenn eru þéttir með alla fyrir aftan boltann.

Logi Tómasson lyftir boltanum upp á Helga Guðjónsson sem er flaggaður rangstæður.

Viktor Örlygur fyrirliði Víkinga sparkar þessu af stað.

Við stöndum vaktina á þessum fyrsta sumardegi ársins og verðum með alla leikina í beinum textalýsingum. 13:30 Njarðvík-KFA (Nettóhöllin-gervigras) 14:00 Ægir-FH (JÁVERK-völlurinn) 15:00 Kári-Þór (Akraneshöllin) 15:00 Víkingur R.-Magni (Víkingsvöllur) 15:00 Grindavík-Dalvík/Reynir (Grindavíkurvöllur) 16:00 Sindri-Fylkir (Mánavöllur) 19:15 HK-KFG (Kórinn) 19:15 Grótta-KH (Vivaldivöllurinn)

Þau má sjá hér til hliðanna. Arnar Gunnlaugsson þjálfari Víkinga hristir aðeins upp í þessu frá síðasta leik í Bestu deildinni og nokkrir fá tækifæri hér í dag.

Twana Khalid Ahmed verður með flautuna í dag og honum til aðstoðar verða þeir Antoníus Bjarki Halldórsson og Kári Mímisson. Twana Khalid Ahmed flautar til leiks klukkan 15:00

Bikarmeistarar Víkings frá Reykjavík unnu Mjólkurbikarinn í fyrra eftir sigur á FH í rosalegum úrslitaleik sem fram fór á Laugardalsvelli en Víkingar hafa unnið bikarinn tvö ár í röð og spurningin er hvað þeir gera í ár. Víkingar eins og alþjóð veit leika í Bestu deildinni og sitja lærisveinar Arnars Gunnlaugssonar á toppi deildarinnar eftir tvær umferðir spilaðar. Víkingar unnu bikarinn í fyrra.

Magni fékk Samherja í heimsókn í fyrsu umferð bikarsins og unnu þar þægilegan 4-0 sigur. Í 64-liða úrslitum fóru Magnaðir til Húsavíkur og vann liðið Völsung 0-1. Magnamenn féllu úr annari deildinni síðasta sumar og leika í þriðju deild í sumar og vænta má að liðið stefni beint upp aftur.

Gleðilegt sumar lesendur góðir og verið hjartanlega velkomin í beina textalýsingu frá heimavelli hamingjunnar. Hér í dag mætast bikarmeistarar Víkings Reykjavík og Magni frá Grenivík í 32-liða úrslitum Mjólkurbikarsins.