Lokatölur 2-1 fyrir ÍBV. Fyrstu stig Eyjamanna í hús og annað tap Breiðabliks á tímabilinu staðreynd!

ÍBV fær vítaspyrnu!

Sverrir Páll reynir fyrirgjöf, Viktor Örn rennir sér fyrir og fær boltann í höndina.

Fjórum mínútum bætt við.

ÍBV líklegra liðið þessar mínúturnar.

ÍBV á horn.

Sýnist Bjarki Björn eiga skalla sem rúllar framhjá.

Davíð Ingvarsson reynir skot í þröngu færi. Hittir ekki á markið.

Felix lætur vaða vel inn á eigin vallarhelmingi. Anton Ari grípur þetta. Skemmtileg tilraun samt.

Felix þrumar boltanum fyrir og Breki fer í boltann inn á markteignum og mokar honum einhvern veginn yfir. En var þessi bolti frá Felix á leiðinni inn áður en Breki fór í hann???

Stefán grípur í Elvis á sprettinum og aukaspyrna dæmd. Spjaldlykt af þessu.

Sverrir Páll gerir vel að vinna hornspyrnu.

Spyrnan frá Felix fer upp í vindinn og aftur fyrir hinu megin.

Spyrnan frá Tómas Bent framhjá fjærstönginni.

Hermann vinnur aukaspyrnu vinstra megin við vítateig Breiðabliks.

Halldór Jón er að fara af velli.

Stefán og Davíð að koma inn á hjá Blikum.

Halldór Jón liggur eftir návígi við Damir. Halldór hefur virkað alveg á síðustu dropunum síðustu mínútur og mögulega er þetta bara þreyta. Virkaði allavega ekki eins og brot við fyrstu sýn.

Við endursýningu vilja menn meina að það sé lykt af þessu (brot).

Ekkert alltof mikið að gerast síðustu mínútur. Blikar verið betri í seinni hálfleik heilt yfir.

Höskuldur með hornspyrnu, Damir kemst í boltann og reynir að flikka honum í fjær hornið. Rétt framhjá!

Gísli með skot við vítateigslínuna sem fer tiltölulega beint á Jón í markinu sem handsamar boltann í annarri tilraun.

Smá hiti eftir návígi Tómasar og Viktors Karls. Tómas eitthvað ósátur en þetta er stormur í vatnsglasi.

Felix með sendingu inn á teiginn og Alex Freyr Elísson skallar aftur fyrir, pínu skrítinn skalli.

ÍBV er með vindi og maður sér það á löngu sendingunum, þær eru eiginlega allar búnar að vera of langar.

312 áhorfendur samanlagt í stúkunum í dag. Ekkert sérstaklega mikið...

Frábær flétta hjá Blikum og Viktor Karl er í góðri fyrirgjafarstöðu í teignum. Hann reynir að koma boltanum á fjær en þar er Elvis sem hreinsar í horn.

Það er einhver vindur, ég geri mér ekki grein fyrir því hovrt það sé að hafa mikil áhrif á leikinn.

Jason með fyrirgjöf en Sigurður nær til boltans og kemur honum út úr teignum.

Eftir að miðjan var tekin flautaði Jóhann til hálfleiks.

Eyjamenn heilt yfir verið ívið betri en það er allt jafnt í hálfleik.

45+1

Einni mínútu bætt við fyrri hálfleikinn.

Eyjamönnum gengur illa að hreinsa og Höskuldur nær til boltans rétt fyrir utan vítateig heimamanna. Fyrirliðinn lætur vaða, skotið er fast en það fer talsvert framhjá marki heimamanna.

Oliver Sigurjónsson með spyrnuna inn á vítateig ÍBV. Patrik nær til boltans, flikkar honum í átt að marki og Jón Kristinn rétt nær að blaka boltanum yfir.

Elvis dæmdur brotlegur í návígi við Ágúst Hlyns. Ekkert spjald á loft en aukaspyrna fyrir Breiðablik á vallarhelmingi ÍBV.

Smá bras í varnarleik Breiðabliks eftir langt innkast. Viktor Örn setur boltann í hornspyrnu, skrítin ákvörðun.

Hætta inn á teig ÍBV og aftur fær Breiðablik horn. Ekkert kom úr tveimur fyrirgjöfum frá Viktori Karli og svo missir Jason Daði boltann aftur fyrir endamörk.

Oliver með skottilraun fyrir utan teig í kjölfar hornspyrnu frá Höskuldi. Blikar fengu tvö horn í röð, hvorug spyrnan frábær.

Eiður Aron nokkuð kaldur að þora að skalla boltann til baka þó að hann viti af Jasoni í sníkjunni fyrir aftan sig. Skallinn er nægilega fastur svo að Jón Kristinn komist í boltann.

Felix með fasta fyrirgjöf sem Hermann náði ekki að hemja og missti boltann aftur fyrir endamörk. Þarna var möguleiki!

Heimamönnum finnst halla á sig í dómgæslunni til þessa. Hafa held ég eitthvað aðeins til síns máls.

Atgangur inn á vítateig gestanna. Hermann með skalla í samskeytin (sé ekki hvort Anton Ari náði fingri á boltann), Eiður Aron hitti ekki boltann í frákastinu, boltinn barst til Hermanns í dauðafæri sem á tilraun sem Oliver kemst fyrir.

Halldór Jón fellur við eftir návígi við Höskuld og Eyjamenn vilja víti. Erfitt að meta þetta.

Eyjamenn allt annað en sáttir að fá ekki aukaspyrnu. Virtist klárlega brotið á Sverri í miðjuhringnum en ekkert dæmt.

Tómas Bent með skemmtilega sendingu inn fyrir vörn Blika. Halldór Jón nálægt því að komast í dauðafæri en Viktor Örn nær að stíga fyrir hann og Blikar hreinsa.

Felix með hornspyrnuna, Tómas Bent á skallann og Anton Ari nær að handsama boltann á línunni. Þarna var hætta!

Það var Viktor Karl sem bjargaði á línunni og Anton Ari náði svo til boltans.

Sverrir Páll með skot sem Viktor Örn kemst fyrir og Eyjamenn eiga hornspyrnu.

Heimamenn náð að halda pressu á gestunum síðustu mínútur.

Mikill dugnaður í Halldóri Jóni og Viktor Örn neyðist til að setja boltann í innkast.

Anton
Höskuldur - Damir - Viktor - Alex
Viktor - Oliver - Gísli
Jason - Patrik - Ágúst

Hætta inn á vítateig Blika eftir langt innkast. Halldór er dæmdur brotlegur gegn Antoni Ara.

Alex Freyr með góða sendingu í gegn, Patrik reynir að ná til boltans en Jón Kristinn er vel vakandi og nær til boltans.

Jón Kristinn
Sigurður - Eiður - Jón Inga
Elvis - Tómas - Felix
Alex
Halldór - Sverrir - Hermann

Atgangur inn á teig Eyjamanna, Ágúst Hlynsson með tilraun í varnarmann og í kjölfarið fer svo flaggið á loft.

Blikar fá strax horn!

Sverrir Páll með upphafssparkið.

Þar sem heimabúningur ÍBV er hvítur leikur Breiðablik í sínum grænu heimabúningum í dag.

Breiðablik gerði eins og fyrr segir níu breytingar fyrir leikinn gegn Fjölni í bikarnum, vann þann leik 2-0 og eru sjö breytingar frá því liði. ÍBV fór alla leið í framlengingu gegn Stjörnunni og einungis tvær breytingar frá þeim leik. Báðir leikirnir fóru fram á miðvikudag.

Það rigndi í morgun í Eyjum, það er skýjað núna, úrkomulaust og fimm gráðu hiti. Hæg austanátt segja menn sem eru kunnugir staðhátum. Myndir af vellinum hér neðar.

Klæmint Olsen, lánsmaður hjá Breiðabliki frá NSÍ Runavík í Færeyjum, er áfram utan hóps í deildinni.

Það vekur athygli að Guðjón Ernir er á bekknum hjá ÍBV. Hann lék allar mínúturnar í fyrstu 22 umferðunum á síðasta tímabili og missti einungis af einum leik allt tímabilið - það var vegna leikbanns í úrslitakeppninni.

Hermann Hreiðarsson, þjálfari ÍBV, gerir tvær breytingar frá tapinu gegn Stjörnunni í bikarnum. Halldór Jón Sigurður og Tómas Bent koma inn í byrjunarliðið. Bjarki Björn Gunnarsson og Guðjón Ernir Hrafnkelsson taka sér sæti á bekknum.

Óskar Hrafn Þorvaldsson gerði níu breytingar fyrir leikinn gegn Fjölni í bikarnum og því miðum við síðasta deildarleik í því tilviki. Frá sigrinum gegn Val eru tvær breytingar. Alex Freyr kemur inn fyrir Arnór Svein Aðalsteinsson og Oliver Sigurjónsson byrjar í stað Antons Loga Lúðvíkssonar. Hvorki Arnór né Anton Logi eru í hóp. Stefán Ingi Sigurðsson er áfram á bekknum.

Kristján Yngvi Karls­son, vall­ar­stjóri Há­steinsvall­ar, ræddi við mbl.is í liðinni viku.

„Ég hefði viljað spila síðasta sunnu­dag í stað þess að skipta leikn­um. Ástæðan fyr­ir því að við skipt­um þess­um leik er ekki út af gras­inu á vell­in­um held­ur vegna þess að það fuku all­ar girðing­ar síðasta haust og það er verið að færa þær aft­ar þannig að ef við mynd­um setja gervi­gras værum við með lög­lega stærð."

,,Svo er verið að steypa upp fyr­ir nýrri vall­ar­klukku og það er verið að laga fyr­ir fram­an skýl­in hjá okk­ur, setja dren og svo­leiðis. En grasið hérna er bara grænt og er búið að vera það í svona eina og hálfa viku,“ sagði Kristján Yngvi við mbl.is.

Leikurinn í dag er fyrsti heimaleikur Eyjamanna á tímabilinu. Liðið átti að spila geng KA á Hásteinsvelli í 2. umferð en víxlaði á heimaleikjum við þá gulu og bláu og eiga því heimaeleikinn gegn KA seinna í sumar.

Jóhann Ingi Jónsson er með flautuna í dag. Honum til aðstoðar eru þeir Bryngeir Valdimarsson og Guðmundur Ingi Bjarnason. Jón Magnús Guðjónsson er eftirlitsmaður KSÍ og
Arnar Þór Stefánsson er fjórði dómari.

Felix Örn Friðriksson er eini markaskorari ÍBV til þessa á tímabilinu. Hann skoraði fyrsta mark leiksins gegn Val en Valsarar komu til baka og unnu sigur.

Breiðablik hefur skorað fimm mörk í deildinni til þessa. Stefán Ingi Sigurðarson og Gísli Eyjólfsson hafa skorað tvö mörk hvor og Höskuldur Gunnlaugsson hefur skorað eitt.

Skagamaðurinn Arnór Smárason spáir í leiki umferðarinnar.

ÍBV 1 - 1 Breiðablik
Þetta verður leikurinn þar sem eyjapeyjar ná í sitt fyrsta stig í ár. Búnir að byrja á 2 töpum í deild, detta út í bikar eftir erfiðar 120 mín, hópurinn lítill og það er akkurat þá sem Hemmi og co. stíga upp og stela stigi af Íslandsmeisturunum. Hjaltested vélin byrjar að malla (LOKSINS!!)

Í miðri viku var leikið í 32-liða úrslitum Mjólkurbikarsins. Breiðablik heimsótti Grafarvoginn og fór þaðan með 0-2 útisigur. Ágúst Orri Þorsteinsson og Oliver Sigurjónsson skoruðu mörk liðsins.

ÍBV heimsótti Garðabæinn og tapaði 1-0 eftir framlengdan leik gegn Stjörnunni og er því úr leik í bikarnum.

Góðan daginn lesendur góðir og veriði velkomnir í beina textalýsingu frá leik ÍBV og Breiðabliks í 3. umferð Bestu deildar karla. Sem stendur er ÍBV í neðsta sæti með núll stig og -4 í markatölu. Breiðablik er í sjötta sæti með þrjú stig og +1 í markatölu.

Breiðablik vann Val í síðustu umferð, 0-2 á Origo vellinum eftir að hafa tapað gegn HK í fyrstu umferðinni í sjö marka leik, 3-4. ÍBV tapaði sannfærandi gegn KA í síðustu umferð, 3-0 á Greifavellinum fyrir norðan. Í fyrstu umferð tapaði liðið 2-1 á Origo vellinum.


(Svona leit Hásteinsvöllur út í júlí í fyrra)