SKÝRSLAN: FH lyfti sér upp í 5. sætið
Hvað réði úrslitum?
FH mættu tilbúnari til leiks og spiluðu frábæran fyrri hálfleik þar sem pressuðu Selfyssinga ítrekað í vandræði. Eins og Guðni þjálfari sagði réttilega eftir leik þá sigruðu FH á grunnatriðum knattspyrnunnar í kvöld. Það var annað að sjá til Selfoss liðsins í seinni hálfleiknum en FH virtist líða nokkuð vel í stöðunni 1-0.
Bestu leikmenn
1. Shaina Faiena Ashouri - FH
Shaina var allt í öllu í uppspili FH og var líka vinnusöm til baka. Hildigunnur, Elísa og Esther spiluðu líka vel, voru beinskeyttar í sóknarleiknum og spiluðu vel í pressunni.
2. Colleen Kennedy - FH
Það er erfitt að taka einhvern út úr FH liðinu sem í heild spilaði vel í kvöld. Hægri vængur FH liðsins var öflugur, sérstaklega í fyrri hálfleiknum. Colleen átti mjög góðan leik og tók mikinn þátt í sóknarleiknum.
Atvikið
Á 80. mínútu leit út fyrir að Selfoss væri að jafna leikinn þegar Barbára fékk boltann á fjær fyrir opnu marki en missti af boltanum. Þarf að sjá aftur hvernig þetta gerðist. En mínútu síðar tvöfölduðu FH forystuna þegar Sara Montoro kom FH í 2-0. Það er stutt á milli í þessu!
Hvað þýða úrslitin?
FH lyftir sér upp í 5. sæti deildarinnar og eru komnar með 10 stig í pokann góða.
Selfoss er áfram í bullandi vandræðum í botnsæti deildarinnar með 4 stig.
Vondur dagur
Sóknarleikur Selfoss var alls ekki nógu góður í kvöld. Það virkaði einhver óþolinmæði í leikmönnum í uppspilinu og oft tilvikjunarkenndar sendingar upp völlinn. Skánaði í seinni hállfeik og það virtist vera meiri ró yfir þessu og þær sköpuðu sér þrjú góð færi sem þær náðu þó ekki að nýta sér. Geri ráð fyrir að Barbára og Unnur séu svekktar að hafa ekki náð að setja mark í seinni hálfleiknum.
Dómarinn - 8
Vel dæmdur leikur hjá Ásmundi. Það fór lítið fyrir honum og þannig viljum við hafa það.