Sanngjarn sigur.

Mikill fögnuður í Keflavík eðlilega.

Vel gert

Selfoss fær horn.

Ekkert verður úr því.

Mistök hjá Mikaelu í vörninni, Embla Dís sleppur innfyrir en skotið rétt framhjá. Þarna munaði litlu, skotið rétt framhjá stönginni

Dröfn líkleg í teignum, skotið af varnarmanni afturfyrir.
Ekkert verður úr horninu

Heimamenn sjá fram á sæti í Bestu deildinni á næstu leiktíð. Peppa sínar stelpur inn í síðustu 10 mínúturnar

Dröfn komin út hægra megin, fyrirgjöf sem endar sem skot, framhjá

Þórhildur með skot langt fyrir utan teig sem stefndi framhjá. Karen ver.

Eftir hornið á Ameera skalla framhjá.

Ameera fellur í teignum eftir samstuð við Karen.
Sýndist þetta vera víti héðan sem ég sit.

Soffía segir nei

Fyrirgjöf frá Dröfn og Melanie fellur í teignum. Ekkert dæmt

Melanie stuttu síðar með skot fyrir utan teig en framhjá. Keflavík að hóta öðru marki

Skot úr teignum vinstra megin, ekki nógu gott skot sem fer framhjá.

Keflavík líklegri að bæta við þessa stundina.
Melanie með hornið sem er skot og Karen þarf að hafa fyrir því að verja það.

Síðara hornið afturfyrir endamörk

Sandra með fyrirgjöf frá hægri, yfir Karen í Selfoss markinu en heimastúlkur ná ekki að gera sér mat úr því

Madison brýtur á Unni við bekk Selfoss. Réttilega dæmt aukapsyrna, það er að færast harka í þetta

Katla María brýtur á Ameeru inn á miðjunni, stúkan vill spjald en Soffía ekki sammála

Madison með gamla góða Zidane snúninginn en endar á samherja sínum. Ekki vel framkvæmt en hugmyndin góð.

Fáum okkur kaffi og komum aftur með síðari hálfleikinn héðan úr Keflavík

Katla María með fína aukaspyrnu en enginn hleypur inn í þá sendingu og boltinn afturfyrir.

Við erum komin í uppbótartíma

Sif brýtur á sér á miðjum vallarhelmingi sínum.
Skalli frá Söndru en laus skalli og beint á Karen í markinu.

Það þarf mikið að gerast svo að Keflavík fari niður. Yfir í sínum leik og Tindastóll yfir fyrir norðan

Unnur Dóra er tæp í bakverðinum á spjaldi. Fór í tæklingu en Soffia dómari notar hagnaðinn. Unnur verður að passa sig núna

Dröfn að spila ótrúlega vel á vinstri kantinum hjá Keflavík. Sending inn í teig sem Áslaug Dóra sparkar í átt að sínu marki. Karen Rós gerir vel í markinu og kemur í veg fyrir slysalegt mark

Dröfn fær frábært færi stuttu síðar en Karen ver vel. Þarna munaði ekki miklu að heimakonur kæmust í 2-0

Katla með hornið sem er skallað í burtu

Árekstur, Katla María liggur eftir samstuð en kemur strax aftur inná.

Sif með skot frá 40 metrunum en vel framhjá. Hún ætlar að klára þetta tímabil með trompi

Sif með aukaspyrnu sem fer afturfyrir endamörk

Melanie með hornið sem er skallað afturfyrir. Annað horn frá hægri sem fer beint afturfyrir endamörk

Virðist vera hliðarvindur. Mikil stöðubarátta þessar mínúturnar. Farnir að mynast pollar á vellinum

Bæði lið virðast vera í 4-3-3
Keflavík:
Vera
Kristrún-Anita-Mikaela-Caroline
Þórhildur-Ameera
Madison
Dröfn-Melanie-Sandra

Selfoss:
Karen
Íris-Sif-Áslaug-Unnur
Katla-Þóra
Guðrún
Jóhanna-Barbára-Hekla

Áslaug Dóra að kveinka sér, jafnar sig og áfram heldur leikurinn

Keflvíkingar byrja þetta örlítið betur, skot frá Melanie fyrir utan teig beint á Karen í markinu

Keflavík spilar í átt að Blue höllinni í fyrri hálfleik.

Liðin að gera sig líkleg að rölta inn á.
Það rignir og það er rok. Þetta verður áhugavert

Keflvíkingar stilla upp sama byrjunarliði og í sigurleiknum gegn ÍBV í síðustu umferð.

Hjá gestunum eru tvær breytingar.
Bergrós Ásgeirsdóttir fer úr byrjunarliði síðastas leiks og Íris Una kemur inn.
Embla Dís fer á bekkinn og Guðrún Þóra kemur inn í byrjunarliðið

Gert er ráð fyrir suðvestan 14 m/s og talsverðri úrkomu þegar flautað verður til leiks á HS Orkuvellinum. Vissara að klæða sig vel og hafa með sér regnhlíf á völlinn.

Soffía Ummarin Kristinsdóttir er með flautuna í þessum mikilvæga leik á HS Orkuvellinum. Henni til aðstoðar eru Sigurður Schram og Bjarni Víðir Pálmason. Fjórðí dómari leiksins er Patryk Emanuel Jurczak og eftirlitsmaður KSÍ er Þórarinn Dúi Gunnarsson.

Staða liðanna

1. Tindastóll 23 stig markatala - 17
2. ÍBV 21 stig markatala - 12
3. Keflavík 21 stig markatala - 15
4. Selfoss 11 stig markatala - 27

Leikir umferðarinnar

Tindastóll - ÍBV
Keflavík - Selfoss

Hvað þarf Keflavík að gera?

Staðan er mjög einföld, vinni Keflavík er sæti liðsins í Bestu deildinni að ári tryggt óháð úrslitum í leik Tindastóls og ÍBV. Það má því segja að þær séu með örlög sín í eigin höndum.

Jafntefli gæti dugað þeim en þá þurfa þær að treysta á að Tindastóll vinni sinn leik gegn ÍBV. Jafntefli í báðum leikjum og Keflavík fellur á markatölu.

Tölfræðilega er mögulegt fyrir Keflavík að halda sæti sínu þrátt fyrir tap en þar þurfa þær aftur að treysta á Tindastól. Tapi Keflavík til að mynda 0-1 þarf Tindastóll að vinna ÍBV með fimm marka mun svo markatalan sveiflist nægjanlega til að Keflavík og ÍBV hafi sætaskipti. Ansi langsótt og raunhæft að ætla að tap þýði einfaldlega fall.

Keflavík situr í næst neðsta sæti deildarinnar fyrir þessa lokaumferð og er í bráðri fallhættu. Þær eru þrátt fyrir það með örlög sín í eigin höndum en víkjum að því ögn síðar.

Líkt og hjá gestunum hjá Selfossi hefur sóknarleikurinn verið þeirra helsti hausverkur þetta sumarið. Ellefu mörk skoruðu þær í hefðbundinni deildarkeppni og þurftu að bíta í það súra epli að missa sitt helsta sóknarvopn Linli Tu til Breiðabliks í glugganum.
Þær hafa þó bitið í skjaldarrendur þegar mest á reyndi og sigur þeirra á ÍBV setti allt í uppnám fyrir þessa lokaumferð neðri hluta deildarinnar.

Lið Selfoss er þegar fallið eftir mikið vonbrigðasumar svo ekki sé fastar að orði kveðið. Markmið liðsins voru í það minnsta háleitari en svo að fall yrði niðurstaðan. Þegar horft er til baka hefur sóknarleikurinn verið helsti hausverkur liðsins sem til að mynda skoraði aðeins tíu mörk í hefðbundinni deildarkeppni þetta árið.

Framundan er því leikur upp á stoltið hjá liðinu og uppbygging til framtíðar í Lengjudeildinni að ári. Alls er óvíst hvernig þjálfaramálum verður háttað og einnig hvort að leikmenn eins og Sif Atladóttir taki slaginn með liðinu í Lengjudeildinni.

Framundan er mikilvægur leikur í fallbaráttunni. Selfoss eru fallnar úr deildinni. Keflvíkingar þurfa sigur til að bjarga sér frá falli.

Verða þetta liðin sem fara saman niður í Lengjudeildina ?