19:10 Liðin ganga nú til leiks. Ísland í sínum albláu búningum en welsku í rauðum treyjum og hvítum buxum. Nú koma þjóðsöngvar.

19:07 Það er búið að dimma ljósin, nú fara liðin að koma inná völlinn!

18:55 Íslenska liðið heldur nú inn í klefa fyrir lokaræðu þjálfarans og undirbúning. 20 mínútur í leik.

18:45 Nokkrar myndir frá Jónínu úr upphitun

18:30 Íslenska liðið er komið inn á völlinn og hefur nú upphitun undir undir breskri popptónlist.

Bretunum finnst kuldinn henta íslenska liðinu betur en því welska

Fitting Iceland are Wales’ visitors tonight because it’s freezing (literally) in Cardiff ???? #UWNL ???????????????????????????? ???????? pic.twitter.com/qG8puv00pu

— Phil Blanche ???????????????????????????? (@philblanche) December 1, 2023

Liðið kíkir á völlinn

Íslenska liðið er mætt á völlinn.

? Arrived at the Cardiff City Stadium.#dottir pic.twitter.com/jrbNIjABZu

— Knattspyrnusambandið (@footballiceland) December 1, 2023

Íslenska liðið klárt Þorsteinn Halldórsson þjálfari íslenska liðsins hefur gefið út byrjunarliðið sem mætir Wales í dag. Það er eins og við spáðum, sama lið og mætti Þýskalandi í lok október og má sjá hér að neðan.

Welska liðið klárt Wales hefur gefið út byrjunarliðið sitt, það má sjá hér vinstra megin við textann. Hlýtur að styttast í íslenska liðið.

Styttist í leik 18:00 Klukkutími og korter í leik. Liðin eru mætt á svæðið en upphitun ekki hafin ennþá. Það er kalt í Cardiff. -1 gráðu frost sem kemur ekki að sök, ólíkt Laugardalsvelli þá er hitun undir þessum velli.

Líklegt byrjunarlið Við giskum á sama byrjunarlið og tapaði 0 - 2 heima gegn Þýskalandi í síðusta mánuði.

Nokkrar fréttir í aðdraganda leiksins

   01.12.23 10:00

Nokkrir Íslendingar meðal 6000 áhorfenda

   01.12.23 09:00

Litlu jólin hjá starfsmönnum landsliðsins - Steini fékk jólapeysu

   01.12.23 07:00

'Jólatónlist mjög skemmtileg og gaman að breyta til'

   30.11.23 15:00

Ingibjörg æfði sig sem markvörður á æfingu Íslands

   30.11.23 11:00

Búfræðingur sem elskar klassíska tónlist dæmir hjá Íslandi á morgun

Þorsteinn Halldórsson þjálfari Íslands fyrir leik

   30.11.23 14:00

Steini: Kuldinn skiptir ekki máli en það verða læti í þeim

„Við reynum að fara af krafti í þennan leik og vitum að Wales kemur til með að pressa okkur hátt og það verða læti í þeim. Við verðum að vera tilbúin að takast á við það og mæta þeim í því. Mér fannst við gera það vel í síðustu tveimur leikjum og þurfum að halda því áfram og vera við sjálf inni á vellinum og þora að framkvæma þá hluti sem leikmenn geta og ef þær gera það þá fáum við góð úrslit."

Glódís Perla fyrirliði Íslands fyrir leik

   30.11.23 16:00

Glódís: Skiptir ekki höfuðmáli hvaða kerfi við spilum

„Við erum aðeins búin að fara betur yfir marga punkta og það hefur líka verið mikil bæting í okkar leik síðan við spiluðum á móti Wales. Það eru margir punktar sem við höfum lagt mikla áherslu á og mér hefur fundist við vera að bæta í leikjunum sem við höfum spilað hingað til. Við höldum áfram með það en það skiptir ekki alltaf höfuðmáli hvaða kerfi við spilum. Eins og ég sagði eftir þann leik er það viljinn og hausinn sem skiptir mestu máli fyrir okkur."

Dómarinn Dómari leiksins verður hin svissneska Esther Staubli sem hefur mikla reynslu og hefur verið FIFA dómari síðan 2006.

Staubli starfar sem búfræðingur en er einnig með fyrirlestra í háskóla. Hún er 44 ára gömul og hefur mikið dálæti á klassískri tónlist.

Hún dæmdi úrslitaleik Meistaradeildar kvenna árin 2015 og 2019 og hefur dæmt á síðustu þremur heimsmeistaramótum kvenna, 2015, 2019 og 2023.

Þá dæmdi hún úrslitaleik Hollands og Danmerkur á EM 2017 í Hollandi.

Góðan daginn og verið velkomin í beina textalýsingu frá Cardiff í Wales.

Hér sækir Ísland lið Wales heim í Þjóðadeild kvenna en leikurinn hefst klukkan 19:15.