Liðin ganga til vallar Þjóðsöngvarnir næst á dagskrá.

Ingó veðurguð meðal áhorfenda Er í skýjunum með að sinn maður sé í byrjunarliðinu.

Innlit í klefa Íslands

Steinke tók viðtal við þann virtasta

   21.03.2024 19:08

Virtur ísraelskur blaðamaður hefur áhyggjur af Alberti - „Allir í Ísrael eru að tala um hann"

Formaðurinn mættur til Búdapest

Toddi ekkert í VIPpinu að sulla í sig. Hann er að sjálfsögðu bara niðri á velli #fotboltinet pic.twitter.com/q2xP5rAFU2

— Elvar Geir Magnússon (@elvargeir) March 21, 2024

Daníel Leó og Gummi Tóta byrja Liðið hjá Hareide kemur aðeins á óvart. Fótbolti.net setti í aðdraganda leiksins upp líklegt byrjunarlið og eru tvær breytingar frá því liði. Daníel Leó Grétarsson er við hlið Sverris Inga í hjarta varnarinnar og Guðmundur Þórarinsson er í vinstri bakverði. Sverrir er með fyrirliðabandið í fjarveru Jóhanns Bergs Guðmundssonar.

(Staðfest) byrjunarlið Íslands

Sverrir Ingi er með fyrirliðabandið í kvöld

Age Hareide mætir úr rútunni

Sviðið er klárt

Nokkrar mínútur í að byrjunarlið Íslands verði opinberað Ef þið eigið eftir að hlusta á hlaðvarpsþátt okkar frá Búdapest sem tekinn var upp í dag þá er hann hér að neðan og á öllum veitum. Um 20 mínútna þáttur þar sem Stefán Árni Pálsson íþróttafréttamaður var gestur.

   21.03.2024 14:04

Beint frá Búdapest - Áfall að morgni leikdags

Tólfan heima á Íslandi?

Hvar hittist tólfan í Budapest? @12Tolfan pic.twitter.com/jUFyeKmTfp

— Bjarki Már Elísson (@bjarkiel4) March 21, 2024

Nýjustu tölur af miðasölu Ísraelskir fjölmiðlar greina frá því að miðasalan á landsleik Ísraels og Íslands hafi tekið kipp í dag. Rúmlega 1.300 áhorfendur á bandi Ísraela verði á Szusza Ferenc leikvangnum.

Í gær höfðu aðeins um 600 miðar verið seldir til stuðningsmanna Ísraels.

Það verða ekki margir Íslendingar á vellinum en samkvæmt nýjustu upplýsingum verða þeir um 100.

Óvæntir hlutir í byrjunarliði Ísraels
Ekki er búið að tilkynna íslenska byrjunarliðið fyrir leik kvöldsins en Ísraelar hafa hinsvegar tilkynnt sitt lið.

Þar vekur mesta athygli að Oscar Gloukh, einn hæfileikaríkasti leikmaður liðsins, er á bekknum.

Gloukh spilar fyrir Red Bull Salzburg, er nítján ára og er mikið efni. Hann hefur verið orðaður við Barcelona, Manchester United, Arsenal, Liverpool, Newcastle og fleiri félög.

Einnig er áhugavert að Mohammad Abu Fani er líka á bekknum en nær allir ísraelskir fjölmiðlar bjuggust við því að hann myndi byrja.

Komumst við áfram?

Jói Berg ekki með - Áfall fyrir Ísland
Ísland hefur orðið fyrir áfalli fyrir leikinn mikilvæga gegn Ísrael í kvöld því Jóhann Berg Guðmundsson verður ekki með vegna meiðsla.

Fókusinn á fótboltann
Umfjöllun í aðdraganda þessa leiks hefur svo sannarlega ekki snúist bara um fótbolta. Stríðsátökin í Ísrael og Palestínu og kynferðisbrotamál hafa verið áberandi. Það var þrúgandi andrúmsloft á fréttamannafundi í gær þar sem ísraelskir fjölmiðlar þjörmuðu að Age Hareide og í vikunni sendi sá norski frá sér stutta yfirlýsingu vegna ummæla sinna sem tengjast máli Alberts.

Vonandi er stutt í að fótboltinn fari í algjöran forgang í umræðunni í kringum landsliðið.

Það verða mun fleiri á bandi Ísrael í stúkunni

   20.03.2024 12:39

Döpur mæting hjá íslenskum stuðningsmönnum

Erlendir veðbankar telja Ísraelsmenn sigurstranglegri í komandi viðureign

   18.03.2024 12:55

Allir veðbankar telja Ísrael sigurstranglegra gegn Íslandi

Englendingar dæma
Enski úrvalsdeildardómarinn Anthony Taylor dæmir leikinn í kvöld. Enskir dómarar sjá alfarið um dómgæslu leiksins. Chris Kavanagh verður fjórði dómari og Stuart Attwell sér um VAR dómgæsluna. Aðstoðardómarar verða Gary Beswick og Adam Nunn.

Öll þjóðin verður að hafa trú
„Það má búast við hörkuleik, það er allt undir og bæði lið vita það. En þetta snýst líka um að koma með rétt spennustig í leikinn og stjórna því hvernig við förum inn í leikinn. Þetta verður líklega lokaður leikur í byrjun en svo munu liðin finna opnanirnar," segir Arnór Sigurðsson.

„Ég er búinn að vera byrja upp á síðkastið og búinn að spila vel með Blackburn á þessu tímabili. Auðvitað vonast maður til þess að byrja."

„Við erum búnir að fara yfir allt; bæði hvernig við ætlum að pressa og hvernig við ætlum að sækja. Þessir dagar eru búnir að vera mjög góðir, góður undirbúningur og maður finnur að liðið er klárt í þetta."

Er horft í leikina frá árinu 2022 í Þjóðadeildinni?

„Við höfum farið yfir þá, það er ekki svo langt síðan. Við fundum það þegar við spiluðum við þá að við hefðum léttilega átt að klára báða leikina. Við förum ekkert of mikið í þá leik samt því það eru tvö ár liðin síðan."

„Ég hef fulla trú á þessu, það verða allir í kringum liðin og öll þjóðin að hafa trú. Við vitum að við getum þetta og erum með leikmenn sem hafa gert þetta áður. Ég hef sjálfur bullandi trú á þessu og er mjög spenntur fyrir þessu."

„Þetta eru tveir leikir og þá ertu kominn á EM, þetta er dauðafæri. Ef menn eru ekki klárir núna, hvenær eru þeir þá klárir?"

   20.03.2024 14:33

„Ef menn eru ekki klárir núna, hvenær eru þeir þá klárir?"

Góðan og gleðilegan daginn Verið hjartanlega velkomin í þráðbeina textalýsingu frá Búdapest þar sem íslenska landsliðið mætir því ísraelska í umspilinu fyrir EM. Leikurinn hefst 19:45. Að staðartíma 20:45.

Leikið er til þrautar. Sigurliðið mætir Úkraínu eða Bosníu í úrslitaleik í næstu viku þar sem í boði er sæti á EM í Þýskalandi. Já takk!