Styttist Liðin ganga þá til vallar ásamt dómaratríóinu og klappa fyrir stuðningsfólkinu.

Stúkuvaktin Landsliðsþjálfarinn Þorsteinn Halldórsson, aðstoðarlandsliðsþjálfarinn Ásmundur Haraldsson og formaður knattspyrnusambandsins Þorvaldur Örlygsson eru að sjálfsögðu mættir upp í stúku.

Byrjunarliðin - Fámennir Blikar Byrjunarliðin eru komin í hús og eins og ég skrifaði í seinasta molanum mínum að þá eru Blikar fámennir og með einungis tvo á bekknum. Einnig er Katrín Ásbjörnsdóttir fjarri góði gamni vegna meiðsla. Það eru einnig einhver skakkaföll í liði Vals.

Blikar í fríi Það vantar nokkra leikmenn í Breiðablik í dag þar sem þær fengu frí þessa helgi fyrir löngu síðan en KSÍ ákvað á óskiljanlegan hátt að færa leikinn yfir á þennan dag. Þetta gæti orðið mjög áhugaverður leikur.

Enginn Pétur í dag Ég er að heyra að Pétur Pétursson verður ekki á hliðarlínunni í dag. Hann er skilst mér að fagna sextugsafmæli konunar.

Dómarateymið Arnar Ingi Ingvarsson fær það skemmtilega verkefni að dæma þennan úrslitaleik en honum til aðstoðar verða þeir Guðmundur Ingi Bjarnason og Hreinn Magnússon. Tomasz Piotr Zietal er varadómari leiksins en eftirlitsmaður KSÍ er Þórður Ingi Guðjónsson.

Viðureignir liðanna - Ekkert eðlilega jafnt Þessi tvö lið sem eru að mætast í dag eru kannski tvö bestu knattspyrnulið landsins í dag og síðustu ár. Þau hafa verið að vinna deildina oftar en aðrir á seinustu tímabilum. En þegar maður skoðar söguna og innbyrðis viðureignir liðanna, þá kemst maður að því að það munar engu á þessum liðum. Þetta er liggur við hnífjafnt.

En svona lítur þessi skemmtilega tölfræði út:

Leikir: 153
Breiðablik sigrar: 66 (43%)
Jafntefli: 22 (14%)
Valur sigrar: 65 (42%)

Markatalan: 275-278 Val í vil

Ferskir vindar hjá Breiðablik Nik Chamberlain tók við Breiðablik í vetur eftir að Ásmundur Arnarsson var látinn fara í fyrra. Það er augljóst að það er komin smá óþolinmæði í Smárann þar sem Breiðablik hefur ekki orðið Íslandsmeistari síðan 2020. Nik hefur gert magnaða hluti með Þróttaraliðið undanfarin tímabil og það verður áhugavert að sjá hvernig Blikaliðið spilar í dag og í sumar. Þá er maður kannski mest spenntastur að sjá hvort þetta 4-1-2-1-2 kerfi hjá Nik muni smella í sumar.

Leiðin í úrslitaleikinn
Breiðablik lentu í sama riðli og Valur í Lengjubikarnum en töpuðu 3-2 gegn þeim í lokaleik riðilsins. Það var eina tapið þeirra í riðlinum. Í undanúrslitunum tóku þær Þór/KA 6-3. Eftir að hafa verið 6-3 undir í hálfleik settu þær í gírinn.

Valskonur á góðu skriði Eins og flestir vita að þá eru Valskonur þrefaldir Bestu deildarmeistarar. Enda bara besta lið landsins seinustu ár, engin spurning. Komandi inn í þetta tímabil er Valur að fá miklu harðari samkeppni en þær fengu í fyrra. Eitt af þessum samkeppnisliðum þeirra er mótherji þeirra í dag, Breiðablik. Þess vegna verður áhugavert að sjá hvernig leik Valskonur spila í dag þegar það er stutt í mót.


Leiðin í úrslitaleikinn
Valskonur unnu Stjörnuna þægilega 4-0 á mánudaginn í undanúrslitunum. En Valur og Breiðablik voru í sama riðli fyrir úrsláttarkeppnina. Þar unnu Valskonur 3-2 sigur á Breiðablik. Ná þær að gera eitthvað slíkt í dag og halda áfram á þessu ótrúlega skriði?

Úrslitaleikur föstudaginn langa! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá úrslitaleik Vals og Breiðabliks í Lengjubikarnum. Leikið verður á heimavelli Vals, á Hlíðarenda.