Erfitt að segja nákvæmnlega en ætli það hafi ekki bara verið þessi 10 mínútna kafli þar sem KR-ingar komast í 4-1. Fylkismenn steinsofandi í þessum mörkum en ég tek ekkert af KR. Þetta var mjög skrýtinn fyrri hálfleikur. Ekkert mikið að frétta og KR dálítið brothættir varnarlega en í lok dags er KR bara með betra lið en Fylkir og áttu alltaf að vinna í dag miðað við hvernig hann þróaðist að mínu mati. Var þetta þessi frægi Ryder ball sem við munum sjá í sumar. Mörk og stemning.

Klárlega markið hans Luke Rae. Innkast hjá Aroni, hælsending í loftinu hjá Kristjáni inn fyrir í gegn á Luke Rae sem tekur skotið í fyrsta í samskeytin. Sturlað mark sem verður klárlega contender í mark tímabilsins.

KR byrjar tímabilið á þremur stigum en Fylkismenn á tapi. Það er þó margt sem KR þarf að laga fyrir næsta leik sem er gegn Stjörnunni.

Verð því miður að setja þetta á Ómar Björn Stefánsson. Það var hann sem tapaði boltanum inni í hans eigin vítateig sýndist mér þegar KR tóku forystuna. Ég sá ekki beint hvað hann var að reyna að gera með boltann en hann var bara klaufi.

Mér fannst hann dæma þetta mjög vel. Nokkrar ákvarðanir sem mér fannst hann geta gert betur en bara fínasti leikur hjá teyminu. Fylkismenn eru væntanlega mjög ósammála mér.