Framarar stjórnuðu leiknum vel sérstaklega í fyrri hálfleik. Vestri kom aðeins til baka í seinni en sýndu ekki nóg til þess að minnka muninn. Rúnar Kristins virðist vera búinn að smíða gott lið í Úlfarsárdalnum

Adam Örn náði að bjarga marki á stórkostlegan hátt í uppbótartíma þegar Tufa virtist vera búinn að skora. Adam tók svakalegan sprett og potaði boltanum af marklínunni.

Framarar byrja tímabilið á góðum sigri og ná í mikilvæg þrjú stig. Vestri fer heim með ekkert úr leik sem þeir hefðu haldið að þeir gætu fengið eitthvað úr þar sem þeir hefðu getað mætt með krafti í sinn fyrsta leik í efstu deild.

Eiður Aron Sigurbjörnsson mun ekki eiga frábærar minningar af sínum fyrsta leik í Vestra treyjunni. Vörnin sem heild átti oft erfitt með hratt spil Framara og svo tókst Eið að skora sjálfsmark sem koma Fram í stöðuna 2-0

Vilhjálmur Alvar dómari leiksins átti ágætan leik þó pínu skrítinn. Það var enginn stór dómur sem hann missti af nema mögulega vítaspyrnudómur á 72. mínútu en ég held að það hafi verið rétt hjá Vilhjálmi að dæma ekki þar. Það sem dregur hann aðallega niður í einkunn var mikið af stoppum sem hann gerði í leiknum sem voru annaðhvort óþörf eða komu á skrítnum tímum þegar menn voru búnir að jafna sig og staðnir upp, og töfðu því bara flæðið í leiknum.