Það er erfitt að horfa fram hjá áhrifum rauða spjaldsins sem Þorsteinn Aron fékk. Hafði það úrslitaáhrif um sigurvegara leiksins? Nei eflaust ekki en það sveiflaði pendúlnum duglega í átt til ÍA sem steig á bensínið eftir hægan og leiðinlegan fyrri hálfleik og kláraði dæmið.

Rauða spjaldið á Þorstein. Leikurinn var í miklu jafnvægi og fátt í spilunum þegar hann gerir afdrifarík mistök er hann ætlar að senda boltann til baka undir pressu. Hittir ekki boltann, missir mann framfyrir sig og brýtur á honum sem afasti maður. Rándýrt atvik fyrir HK

Skagamenn vinna sinn fyrsta sigur og fá sín fyrstu stig. Geta unað sér vel í 3.sæti deildarinnar fram á morgundaginn í það minnsta. HK með 1 stig í 9.sætinu

Erfitt að tilnefna annan en Þorstein Aron Antonsson. Alltaf vondur dagur þegar maður fær rautt spjald eftir að hafa reynt að bregðast við eigin mistökum.

Rauða spjaldið var réttur dómur frá mér séð og hef ég heyrt neinn kvarta ennþá í það minnsta. Þess utan var leikstjórnin hjá Erlendi Eiríkssyni með miklum sóma að mínu mati og samræmið gott.