SKÝRSLAN: Framarar rændir og sigurhefð Víkinga
Hvað réði úrslitum?
Það er bara mjög góð spurning sem er erfitt að svara. En ætli það sé ekki bara sigurhefði Víkinga sem réði þessum úrslitum. Þeir finna einhvernveginn alltaf leiðir til að vinna leiki. Auðvitað eru einhverjir dómar í leiknum sem voru rangir og hefðu breytt þróun leiksins. En staðreyndin er sú að Víkingar vinna ósanngjarnan sigur í kvöld.
Bestu leikmenn
1. Pablo Punyed
Eini maðurinn í Víkingstreyjunni sem gat eitthvað í kvöld að mínu mati. Skildi allt eftir inn á vellinum og sýndi það enn eina ferðina hvað hann er mikill sigurvegari. Ótrúlega klókur og býr til þetta sigurmark fyrir Víkinga með frábærri hreyfingu.
2. Már Ægisson
Var valinn besti maður Framara í kvöld af vallarþulinum og ég verð að vera smá sammála honum. Geggjaður í vinstri bakverðinum fannst mér í kvöld. Skapaði fullt af færum fyrir framara og varðist vel líka.
Atvikið
Ég myndi klárlega velja markið sem var tekið af Alexi Frey í fyrri hálfeik. Markið átti alltaf að standa og með hreinum ólíkindum að hann hafi dæmt hendi. Leikurinn hefði þróast allt öðruvísi ef markið hefði staðið. Síðan áttu Framarar líka að fá vítaspyrnu í lokin þegar Halldór Smári tekur Guðmund Magnússon niður
Hvað þýða úrslitin?
Víkingar eru með fullt hús stiga og ekki búnir að fá á sig mark í fyrstu tveimur leikjum deildarinnar en Framarar þrufa að sætta sig við svekkjandi tap í dag.
Vondur dagur
Verð því miður eins leiðinlegt og mér finnst að ræða dómara að velja Jóhann Inga. Alls ekki vel dæmdur leikur. Alltof mikið flautað. Línan var mjög furðuleg með spjöld, eins og hún hefur kannski verið í upphafi móts og stórar ákvarðanir sem hann tekur í kvöld voru ekki réttar. Markið átti að standa hjá Alexi og Framarar áttu að fá vítaspyrnu í lokin að mínu mati.
Dómarinn - 3
Verð því miður að gefa Jóhanni falleinkunn í dag. Ekki bara stóru ákvarðanirnar sem urðu honum að falli heldur líka mjög furðuleg lína. Mjög lélegt flæði fannst mér í leiknum, oft flautað og ekki vel dæmdur leikur í heildina að mínu mati.