Minningarstund Einnig er haldin mínútu þögn fyrir leik til minningar um Guðjón Jónsson sem lést á dögunum.

Heiðursgestir! Við erum með heiðursgesti í kvöld. Þá Aðalstein Aðalsteinsson og Guðmund Steinsson. Það er verið að þakka fyrir góð störf í þágu Fram og Víkings. Guðmundur Torfason, formaður knattspyrnudeildar Fram, og Heimir Gunnlaugsson, formaður knattspyrnudeildar Víkings, ganga til vallar með þessum toppmönnum, gefa þeim gjafir og þakka þeim fyrir góð störf í gegnum tíðina fyrir félögin.

Byrjunarliðstíðindi Arnar Gunnlaugsson, þjálfari Víkinga, gerir tvær breytingar á sínu liði frá sigrinum í opnunarleiknum gegn Stjörnunni. Gísli Gottskáld og Ari Sigurpálsson koma inn í byrjunarliðið fyrir þá Daniel Dejan Djuric og Matthías Vilhjálmsson.

Framarar eru greinilega sáttir með þá leikmenn sem byrjuðu gegn Vestra og gera einungis eina breytingu á sínu liði frá sigrinum gegn Vestra. Jannik Pohl er ekki í hóp og kemur Magnús Þórðarson inn í byrjunarliðið.

Vinna Víkingar í kvöld? Kristján Óli, sparkspekingur og fyrrum leikmaður, spáir í spilin fyrir leik kvöldsins.

Fram 1 - 3 Víkingur R. (19:15 í kvöld)
Hjartað segir jafntefli en hjartað mitt slær oft ekki í takt. Frammarar eru númeri of litlir til að geta veitt Víkingi keppni í þessum leik. 1-3 sigur Víkinga verður því miður staðreynd.

Bikarinn Þess má gamans geta að bæði þessi lið voru í pottinum í dag þegar það var dregið í 32-liða úrslit Mjólkurbikarsins.

Víkingur R. - Víðir Garði
Árbær - Fram

Leikir liðanna í fyrra Leikir liðanna í fyrra voru oftar en ekki ansi skemmtilegir. Mörk og læti. Víkingar unnu 3-1 sigur þegar liðin mættust í Víkinni.


Djuric bjargvættur Víkinga í fyrra
En það var aukaspyrnumark Daniel Djuric sem reddaði Víkingum þremur stigum í Úlfarsárdalnum í fyrra.

Viðureignir Fram og Víkings Fram og Víkingur R. hafa mæst samtals 87 sinnum samkvæmt KSÍ. Framarar hafa unnið 47 leiki gegn Víkingum, 13 leikir hafa endað með jafntefli en Víkingar hafa unnið 27 sinnum. Fram unnu seinast deildarleik gegn Víkingum árið 2013 en Víkingar hafa unnið seinustu þrjá leiki gegn Fram. Fyrsti leikur liðanna fór fram árið 1955 en þá unnu Víkingar 4-3 sigur.

Dómarateymið Jóhann Ingi Jónsson heldur utan um flautuna í kvöld. Honum til aðstoðar verða þeir Eysteinn Hrafnkelsson og Þórður Arnar Árnason. Arnar Þór Stefánsson sér um að róa mannskapinn á varamannabekkjunum og Viðar Helgason punktar eitthvað skemmtilegt niður í stílabókina sína.

Geta þeir gert það á köldu mánudagskvöldi í Úlfarsárdalnum? Víkingar byrjuðu deildina frábærlega með öruggum 2-0 sigri á Stjörnunni í opnunarleiknum. Gunnar Vatnhamar og Helgi Guðjónsson sáu um markaskorunina hjá Víkingum í þeim leik. Það er erfitt að stöðva þessa Víkingsvél sem heldur áfram að malla eftir stórmagnað fyrrasumar.


Ná Víkingar að halda uppteknum hætti?
Eftir frekar hljóðlátt undirbúningstímabil, eins og Arnar Gunnlaugs orðaði það eftir leikinn gegn Stjörnunni, eru Víkingar mættir aftur til leiks. Þeir unnu á dögunum, rétt áður en deildin byrjaði, Valsmenn í meistari meistaranna og tóku svo Stjörnuna 2-0. Það verður erfitt fyrir Fram að stöðva þessa Víkingsvél en geta Víkingar gert það á köldu mánudagskvöldi í Úlfarsárdalnum?
Komnir
Jón Guðni Fjóluson frá Hammarby
Valdimar Þór Ingimundarson frá Sogndal
Óskar Örn Hauksson frá Grindavík
Pálmi Rafn Arinbjörnsson frá Wolves
Bjarki Björn Gunnarsson frá ÍBV (var á láni)
Sveinn Gísli Þorkelsson frá Fylki (var á láni)

Farnir
Birnir Snær Ingason til Halmstad
Logi Tómasson til Strömsgodset
Kyle McLagan í Fram
Þórður Ingason hættur
Arnór Borg Guðjohnsen til FH (var á láni - seldur)

Framarar byrja vel Lærisveinar Rúnars Kristinssonar byrjuðu Bestu deildina mjög vel með sigri á Vestra á heimavelli í 1. umferð, 2-0. Leikurinn var ekkert mjög líflegur og Vestramenn voru meira með boltann en að lokum voru það Framarar sem sóttu stigin þrjú með mörkum frá Fred og sjálfsmarki hjá Eiði Aroni.


Koma Framarar á óvart í dag?
Allir helstu sérfræðingar Bestu deildarinnar spá því að Framarar verði í fallbaráttu í sumar. En fótbolti.net spáði þeim fyrir mót að þeir myndu enda í 8. sætinu. Þeir sýndu okkur það í fyrstu umferð að þeir gætu unnið lið sem verður í neðri helmingnum á heimavelli. Tekst þeim að stríða Víkingum í dag?

Komnir
Alex Freyr Elísson frá Breiðabliki (var á láni hjá KA)
Kyle McLagan frá Víkingir R.
Kennie Chopart frá KR
Þorri Stefán Þorbjörnsson á láni frá Lyngby
Freyr Sigurðsson frá Sindra
Stefán Þór Hannesson frá Ægi (var á láni)

Farnir
Aron Jóhannsson í Aftureldingu
Delphin Tshiembe til Danmerkur
Ion Perello til Grindavíkur
Þórir Guðjónsson
Viktor Bjarki Daðason til FCK (1. júlí)

Keli með PubQuiz - Skemmtileg umgjörð hjá Frömurum

   15.04.2024 06:00

Framarar hita upp fyrir leikinn í kvöld - Þorkell Gunnar með spurningakeppni

Estadio Ensalada! Lokaleikur 2. umferðar Bestu delidarinnar fer fram á Lambhagavellinum á morgun þegar Frammarar fá Víkinga í heimsókn. Bæði lið unnu sinn fyrsta leik í deildinni 2-0 og ætla sér væntanlega sigur í þessum leik líka.