Þessum stórskemmtilega leik er hér lokið, Stjarnan verður í pottinum þegar dregið verður í 16-liða úrslit Mjólkurbikarsins. Augnablik sýndu hetjulega frammistöðu og komu eflaust flestum á óvart.

Afsakið þetta @Augnablikid ????Í hamangangnum í gærkvöldi láðist að hafa með mark Augnabliks í bikardramatíkinni gegn Stjörnunni????????Hér er taka 2???? pic.twitter.com/F9cYe2bvnb

— RÚV Íþróttir (@ruvithrottir) April 25, 2024

Stjarnan fær aukaspyrnu rétt fyrir utan teig.

Stjarnan heldur vel í boltann, heimamenn greinilega orðnir úrvinda.

Emil Atla með skot sem fer af varnarmanni og í horn.

Guðnundur Baldvin við það að sleppa einn í gegn en Eysteinn með frábæra varnartilburði og kemst í boltann.

Rosenörn er ekki í markinu og Stjarnan reynir að spila frá marki, Jónþór Atli kemst í boltann og reynir skotið í fyrsta en boltinn fer rétt framhjá tómu markinu.
Þarna munaði litlu!

Aron Ernir kemur sér í fínasta færi en skotið er kraftlítið og Rosenörn ver örugglega.

Stjarnan sækir og sækir en Augnablik eru þéttir og verjast vel.

Hilmar Árni með skot við D-boga sem hafnar í stönginni eftir frábært spil Stjörnunnar.

Guðni Rafn liggur niðri, leikurinn stopp á meðan.

Emil Atla með skot úr teignum eftir frábæran undirbúning Róberts Frosta en enn ver Darri!

Hilmar Árni með skot úr teignum en Darri ver vel.

Guðmundur Páll dæmir brot og leikmenn hópast að honum og skyndilega fellur Brynjar Óli niður eins og hann hafi fengið eitthvað högg, sá ekki almennilega hvað gerðist.

Halldór Atli liggur niðri og er kominn með krampa, enda búinn að vera harðduglegur í leiknum.

Augnablik fær aukaspyrnu hjá vítateigshorninu, Gabríel tekur og gefur fyrir en Stjörnumenn skalla frá.

Róbert Frosti þræðir boltann frábærlega í gegn á Þorlák Breka sem reynir að sóla Darra markvörð en Darri nær að komast í boltann.
Stuðningsmenn Augnabliks syngja ,,Það var Darri sem bjargaði mér".
Frábærlega gert hjá Darra.

Stjarnan byrjar með boltann.

Kári Ársæls stýrir sláarkeppni í hálfleik með hátt í 20 keppendum.

Guðmundur Páll flautar til hálfleiks, leikurinn búinn að vera jafnari en ég bjóst við en Stjarnan leiðir með einu marki gegn engu.

Daníel Finns tekur aukaspyrnuna fast yfir vegginn og Darri þarf að hafa sig allan til svo að hann verji spyrnuna.

Kjartan Már fær sendingu í gegn og kemst framhjá Darra markvarðar Augnabliks og setur boltann í stöngina, þaðan fer boltinn af Eysteini Þorra og rúllar meðfram línunni áður en Darri nær að handsama boltann.

Viktor Andri kemst í skotið eftir laglegt samspil Augnblika, en skotið fer beint á Rosenörn í marki gestanna.

Stjarnan fær fyrsta horn leiksins. Sindri Þór fær boltann óvaldaður í teignum og skallar að marki en boltinn fer af varnarmanni Augnabliks og svo ná þeir að koma hættunni frá.

Óli Valur enn og aftur að hóta, nú fer skot hans í varnarmann og Augnablik kemur hættunni frá.
Stjarnan er að ná tökum á leiknum.

Óli Valur aftur með skot sem fer beint á Darra Bergmann markvörð Augnabliks sem er í engum vandræðum með að handsama boltann.

Óli Valur með skot fyrir utan teig sem fer rétt framhjá.

Augnablik fær aukaspyrnu í fyrirgjafastöðu en sendingin fer yfir allan pakkann og í markspyrnu.

Guðni á góða sendingu á Halldór sem tekur skot úr teignum en boltinn fer rétt yfir markið. Augnablik að byrja þetta betur.

Guðni Rafn þræðir Halldór Atla í gegn sem kemst í afbragðsfæri en flaggaður rangstæður. Það er greinilegt að Augnablik ætlar bara að spila sinn bolta í dag, pressa vel á Stjörnuna.

Það er rífandi stemning í fífunni!

Heimamenn byrja með boltann.

Liðin ganga inná völlinn og þá munar ekki um minna en að Sigmar Ingi formaður Augnabliks rífi upp gítarinn og spili liðin inn!
Kári Ársælsson kynnir svo liðin inn, svona á að gera þetta!

Stjarnan vann góðan sigur á Val í síðustu umferð í Bestu-deildinni, Jökull Elísarbetarson hristir vel í liðinu frá þeim leik og gerir 9 breytingar á liði sínu.

Augnablik teflir sínu sterkasta liði sem völ er á, en eitthvað er um forföll. Hrannar Bogi þjálfari liðsins verður til taks á bekknum. Hrannar sagði í upphitun fyrir leik að þeir ætluðu að spila leikinn á þeirra forsendum og ætla þeir að reyna að spila út frá marki.

Upphitun fyrir leik á morgun. Þjálfarar fara yfir stöðuna.
Sörens spyr Kela hvar ákveðin bæjarfélög eru á landinu.
Kaldur og hamborgari.
Allt í boði.

Erum svo í viðræðum við hönnuð þessa fonts um að búa til íslenska stafi. pic.twitter.com/LwaEQIF957

— Augnablik (@Augnablikid) April 23, 2024

Jökull Elísarbetarson er spenntur fyrir leiknum og vonaðist eftir að fá Augnablik þegar dregið var í 32- liða úrslit Mjólkurbikarsins.

„Augnablik á stóran hluta af mínu hjarta og mun alltaf gera. Mér þykir vænt um þetta, dýrmætur tími og dýrmæt tengsl sem mynduðust þarna."

Jökull sagði í viðtali við Vísi að Augnablik væri eitt best spilandi lið á landinu og þeir þyrftu að halda einbeitingu þó að Augnablik séu nokkrum deildum neðar en Stjarnan.

Augnablik spilar í 3. deild en þeir enduðu í 6. sæti í deildinni á síðasta ári.

„Við köllum þetta Portúgal af því að Kári Ársæls mætir oft svona tveimur tímum í leik. Fyrsta sem hann gerir er að loka öllum hurðum í Fífunni og býr með því til mikinn hita þar inni."

„Ég veit ekki hversu oft ég hef lent í því að vera spila á heitum júnídegi inni í Fífu og andstæðingurinn er að tala um það í miðjum leik hvað það sé heitt í Fífunni. Í hálfleik fara svo bara andstæðingarnir út til að fá sér ferskt loft. Við elskum þetta, elskum að spila í góðum hita inni í Portúgal."

„Kári er mikið fyrir hitann. Hann er búinn að taka sig mikið á núna, er kominn í sturlað stand, greinilega búinn að vera mikið í góðum hita inni í World Class sölum," sagði Arnar Laufdal Arnarsson leikmaður Augnabliks við Fótbolta.net í síðustu viku.

   22.04.2024 12:00

Útskýrir af hverju Fífan er kölluð Portúgal

Þjálfarar beggja liða eru miklir fótboltahugsuðir og má búast við taktískri skák úr sjöundu vídd í Fífunni í kvöld.

Tveir fótboltahugsuðir. Lærisveinninn gegn læriföðurnum. Taktísk skák á háu stigi.
Einungis fyrir fótboltapúrasta...https://t.co/lzlao2uKhD pic.twitter.com/mLa7hZzaIV

— Augnablik (@Augnablikid) April 22, 2024

Jökull Elísabetarson þjálfari Stjörnunnar mætir sínum gömlu félögum í Augnablik, hann stýrði þeim frá 2018 til 2021 og var það hans fyrsta þjálfarastarf.
Jökull stýrði liðinu við góðan orðstýr en núverandi þjálfari Augnabliks, Hrannar Bogi Jónsson var leikmaður liðsins á þeim tíma.

Tengingarnar milli liðanna eru fleiri en Sindri Þór Ingimarsson varnarmaður Stjörnunnar er einn dáðasti sonur Augnabliks og á hann 70 leiki fyrir þá grænklæddu.

   15.04.2024 15:20

Draumadráttur Jökuls: Augnablik á stóran hluta af mínu hjarta og mun alltaf gera

Komiði sæl og blessuð og veriði hjartanlega velkomin í þráðbeina textalýsingu beint úr Fífunni, þar sem Augnablik tekur á móti Stjörnunni í 32- liða úrslitum Mjólkurbikarsins.

   17.04.2024 16:05

Bestur í Mjólkurbikarnum: Vakinn með símhringingu - „Á Jölla mikið að þakka"