SKÝRSLAN: Stóðu af sér storminn til að landa þrem punktum
Hvað réði úrslitum?
Það voru Njarðvíkingar sem héldu út gegn Leiknismönnum í fyrstu umferð Lengjudeildarinnar. Njarðvíkingar leiddu með tveimur mörkum í hálfleik og það nokkuð sanngjarnt. Leiknir mættu hinsvegar grimmari til leiks í seinni hálfleik og náðu inn verðskulduðu marki undir lokin en mörg færi höfðu farið forgörðum áður en markið loksins datt. Njarðvík hinsvegar gerði frábærlega varnarlega og héldu út leikinn.
Bestu leikmenn
1. Aron Snær Friðriksson
Var góður í marki Njarðvíkur í kvöld. Þurfti ekki að hafa mikið fyrir fyrri hálfleiknum en hafði meira að gera í seinni hálfleik.
2. Sigurjón Már Markússon
Var traustur í vörn Njarðvíkur og í fyrri var að lyfta boltanum vel á bakvið vörn Leiknis sem skapaði hættur. Hefði líka verið hægt að nefna Björn Aron hérna sem skoraði fyrsta markið en Sigurjón Már edge-ar þetta.
Atvikið
Annað mark Njarðvíkur rétt fyrir hálfleikinn gaf gestunum mikið. Gátu komið örlítið afslappaðari út í seinni hálfleikinn. Annars er líka hægt að nefna nánast öll færin sem fóru forgörðum hjá Leikni. Skutu einusinni stöngin, bakið á Aron Snær og aftur fyrir.
Hvað þýða úrslitin?
Njarðvíkingar byrja á sigri og sækja þrjú stig á meðan heimamenn í Leikni fá ekkert stig.
Vondur dagur
Erfitt að henda einhverjum einum hérna en sóknarleikur Leiknismanna átti off dag í kvöld. Fullt af færum sem undir venjulegum kringumstæðum maður hefði séð liggja inni.
Dómarinn - 8
Komust vel frá sínu í kvöld dómarateymið og létu ekki veiða sig í neinar gildur. Sennilega eitthvað hægt að pikka út en ekkert sem skipti höfuð máli þegar uppi er staðið.