SKÝRSLAN: Þvæla þessi leikur
Hvað réði úrslitum?
Eftir mjög skemmtilegan fyrri hálfelik voru Stjörnumenn bara miklu betri í seinni hálfleik og hann spilaðist eflaust bara nákvæmlega eins og Stjörnumenn vildu fyrir utan kannski nokkrar mínútur alveg í lokin. Annars myndi ég bara segja hvernig Stjörnumenn byrjuðu seinni hálfleikinn og síðan var markið alveg í lokin hjá Adolfi gífurlega stórt.
Bestu leikmenn
1. Óli Valur Ómarsson
Skorar og leggur upp í hægri bakverði. Frábær varnarlega sem sóknarlega og átti nánast fullkomin leik fyrir hægri bakvörð. Án efa besti maður vallarins í kvöld hann Óli Valur.
2. Örvar Eggertsson
Ekki annað en hægt að velja hann. Skorar tvö mörk áður en hann fer meiddur af velli í seinni hálfleik. Kemur Stjörnumönnum á bragðið og var stanslaust að ógna inn fyrir vörn KR. Geggjaður í kvöld.
Atvikið
Myndi segja fyrsta mark leiksins þegar Örvar brýtur ísinn. Kom Stjörnumönnum á bragðið eftir skelfileg mistök í vörn KR.
Hvað þýða úrslitin?
Stjarnan verður í pottinum þegar dregið verður í 8-liða úrslit Mjólkurbikarsins en KR-ingarnir þurfa núna að einbeita sér að deildinni.
Vondur dagur
Auðveldlega hægt að velja allt KR-liðið eða Gregg Ryder en ef ég ætti að velja einn þá væri það Rúrik Gunnarsson. Fyrsta mark leiksins kom eftir mistök frá honum. Sending til baka sem var skelfileg og Örvar Eggerts refsaði. Hann er allavegana ekki að eiga góðan dag.
Dómarinn - 8
Ekkert mikið hægt að setja út á teymið í dag. Fannst allar stóru ákvarðanirnar nokkuð spot on. Mögulega var þetta rautt á Mathias í fyrri hálfleik en annars bara vel dæmdur leikur hjá Sigurði.