SKÝRSLAN: Föstu leikatriðin urðu Stjörnunni að falli
Hvað réði úrslitum?
Föstu leikatriðin gerðu út um leikinn í dag. HK skorar úr þremur föstum leikatriðum og Stjarnan einu. Stjarnan skorar eftir um 30 sek en HK skorar svo úr þremur föstum leikatriðum á eftir. Stjarnan nær að jafna leikinn á ótrúlegum kafla undir restina en það var svo Atli Hrafn sem skoraði sigurmarkið frá miðjuboganum og tryggði HK stigin þrjú.
Bestu leikmenn
1. Þorsteinn Aron Antonsson
Varnarlína HK var frábær í dag og fórnaði sér fyrir málstaðin. Héldum að Þorsteinn Aron hefði skorað þriðja markið en það reyndist svo sjálfsmark. Fær heiðurinn fyrir hönd varnarlínu HK.
2. Emil Atlason
Kannski skrítið val miðað við þau færi sem fóru forgörðum en hann skoraði tvö og það var alltaf eitthvað um að vera þegar hann komst í færi við boltann. Þunn lína milli þess að vera skúrkur eða hetja mögulega. Hann er eflaust pirraður á að hafa ekki náð að gera meira og þetta val þætti hið eðlilegasta ef ekki hefði verið fyrir þessa sleggju frá miðju í uppbótartímanum svo ég held mig við Emil Atla hér.
Atvikið
Markið frá Atla Hrafn var rosalegur endir á þessum leik! Fengum alvöru þvælu þarna í lokin og þegar mómentið var með Stjörnunni voru það HK sem stigu upp og settu sigurmarkið í restina.
Hvað þýða úrslitin?
HK fer í 8.sætið og eru bara þremur stigum frá fjórða sætinu. Stjarnan eru í 5.sætinu áfram.
Vondur dagur
Varnarleikur Stjörnunnar í föstum leikatriðum. Eins og Jökull sagði eftir leik þá vegur þetta þungt og það má vel færa rök fyrir því að þetta var það sem skildi á milli þegar uppi er staðið.
Dómarinn - 7
Fínasta frammistaða hjá Pétri og hans teymi í dag. Rock solid 7-a.