Þórsarar vinna á Dalvík!

Tómas Þórðarson með skalla rétt framhjá.

Birkir með sitt sirka sjöunda skot beint úr aukaspyrnu en hann hefur aldrei ógnað af neinu ráði með skotum sínum.

Tilraun frá heimamönnum sem er langt frá því að skapa hættu.

Birkir reynir skot en það fer vel yfir mark heimamanna.

Þórsarar vilja seinna gula á Bissi en ekkert spjald fer á loft.

Rúnar með tilraun en Kristófer kemst fyrir.

Rúnar með sendingu á Abdul sem á fyrirgjöf sem Birgir slæsar yfir mark Þórsara. Árni fær aðhlynningu.

Langur bolti á Áka sem reynir skot í fyrsta en skotið fer vel yfir mark Þórsara.

Bissi með tilraun úr Þórsteignum en hún var alveg mislukkuð.

Sigfús með frábæra fyrirgjöf frá hægri yfir á fjærsvæðið. Þar er hinn efnilegi Egill Orri á ferðinni og nær til boltans, hann á skot af stuttu færi en Lalic lokar rammanum vel.

Alexander í mjög góðu færi eftir undirbúning Ingimars en skotið er eilítið mislukkað og Elvar Freyr kemst fyrir. Svo á Birkir þrumuskot sem fer rétt yfir.

Ragnar Óli í smá brasi og Abdul vinnur boltann af honum. Framherjinn keyrir inn á teiginn og á skot en það fer framhjá - í hliðarnetið utanvert.

Virkilega gott skot frá Abdul sem Aron Birkir ver frábærlega, öflugur úlnliður þarna!

Birgir verst frábærlega gegn Abdul og Þórsarar snúa vörn í sókn.

Freyr Jónsson fær aðhlynningu.

Nikola vinnur boltann af Birki og Dalvíkingar sækja. Abdul með fyrirgjöf en Þórsarar hreinsa. Rafael vinnur svo aukaspyrnu á vallarhelmingi Dalvíkur.

Kristófer vinnur hornspyrnu fyrir Þór. Fannar tekur og Rafael er í baráttunni. Boltinn fellur út fyrir teig og Árni reynir að taka boltann á loftið en skotið fer hátt yfir.

Það er svoleiðis rjómablíðan á Dalvík!

Það er frábærlega mætt og stuðningssveitirnar láta vel í sér heyra þessa stundina.

Áki með skot fyrir utan teig en það er nokkuð þægilegt fyrir Aron í marki Þórs.

Bissi með skalla eftir horn og vill meina að það hafi verið togað í hann, ekkert dæmt.

Zambrano með hörkuskot sem Aron nær að verja aftur fyrir.

Engar mannabreytingar en það styttist í Borja sýnist mér.

Þórsarar leiða verðskuldað í hléi.

Dalvíkingar fá horn. Áki tekur spyrnuna og hún er góð. Aron Birkir rétt nær að slá boltann aftur fyrir.

Flott upphlaup hjá heimamönnum, Abdul finnur Nikola en hann nær ekki að finna Dagbjart sem var í dauðafæri og Þórsarar hreinsa.

Frábær fyrirgjöf frá Rafael en Alexander finnur ekki markið með höfðinu.

Birkir í fínu færi eftir fyrirgjöf Elmars en Dalvíkingar henda sér fyrir.

Þórsarar eru með öll tök á leiknum.

Fannar með hornspyrnuna, Rafael skallar, Birkir er fyrstur á lausan bolta og á skot en Lalic ver meistaralega!

Birkir lætur vaða úr aukaspyrnunni en skotið hátt yfir.

Gunnlaugur dæmdur brotlegur gegn Alexander, Arnar metur þetta sem háskaleik.

Áki með fasta fyrirgjöf yfir allan pakkann. Heimamenn vilja hornspyrnu en markspyrna niðurstaðan.

Árni Elvar fær aðhlynningu. Dalvík á hins vegar aukaspyrnu.

Sigfús Fannar lék auðvitað á láni hjá D/R í fyrra.

Arnar er að dæma eins lítið og hann getur núna í upphafi leiks.

Flott hröð sókn hjá heimamönnum, flott stungusending inn á Andul en hann nær ekki skoti á markið úr þröngu færi.

Rafael fellur við alveg við vítateigslínuna og Þórsarar vilja fá eitthvað en fá ekki neitt.

Kristófer gerir vel, finnur Sigfús sem á skot með vinstri inn á teignum en Dalvíkingar henda sér fyrir.

Kristófer í mjög góðu færi eftir fyrirgjöf Elmars en skotið fer hátt yfir.

Abdeen Temitope Abdul með skot úr teignum en það fer yfir. Flott sókn hjá heimamönnum.

Menn falla við í tveimur fyrirgjöfum í röð en Arnar dæmir ekkert.

Hætta inn á vítateig Þórsara, skalli sem Aron Birkir ver. Dalvíkingar fá horn.

Elmar brýtur á Frey Jónssyni og er heppinn að fá ekki gult.

Spyrnan frá Birki beint í vegginn.

Sigfús með flottan sprett og vinnur aukaspyrnu við vítateig Dalvíkinga.

Frábærar aðstæður á Dalvík í kvöld, blankalogn og mjög þægilegt hitastig.

Ein breyting er á liði Dalvíkur/Reynis frá tapinu gegn Grindavík. Nikola Kristinn Stojanovic, sem uppalinn er hjá Þór, er í byrjunarliði D/R. Hann er sonur þjálfarans Dragans. Nikola kemur inn í liðið fyrir Bjarma Fannar Óskarsson sem tekur sér sæti á bekknum.

Það eru fjórar breytingar á liði Þórsara frá tapleiknum gegn Leikni á laugardag. Egill Orri Arnarsson, Ingimar Arnar Kristjánsson og Ýmir Már Geirsson taka sér sæti á bekknum og Marc Sörensen er ekki í hópnum í dag. Inn koma Fannar Daði, Sigfús Fannar, Birgir Ómar og Elmar Þór.

,,Það þarf svo sannarlega svar (gegn Dalvík/Reyni), það eru margir sem áttu ekki góðan dag í dag sem þurfa að svara fyrir það á miðvikudag," sagði Sigurður Heiðar Höskuldsson, þjálfari Þórs, eftir síðasta leik Þórs.

Amin Guerrero Touiki verður ekki með D/R í kvöld þar sem hann var úrskurðaður í tveggja leikja bann í síðustu viku og tekur út seinni leikinn í kvöld. Kantmaðurinn kýldi Gunnlaug Fannar Guðmundsson, leikmann Keflavíkur, í punginn og uppskar réttilega rautt spjald fyrir það í leik liðanna fyrr í þessum mánuði.

Fyrir leikinn eru Dalvíkingar í níunda sæti með sjö stig eftir átta leiki. Þórsarar eru í ellefta æti með sex stig eftir sjö leiki. D/R hefur ekki unnið leik síðan í 1. umferð þegar Eyjamenn komu í heimsókn 4. maí. Dalvíkingar eru taplausir á heimavelli sínum, hafa fengið þar sex af sjö stigum sínum í sumar. Þórsarar unnu sinn eina sigur í deildinni í sumar gegn Aftureldingu þann 9. maí. Þór hefur einungis fengið tvö stig af tólf mögulegum á útivelli í sumar. Liðin hafa ekki mæst í deildarkeppni en hafa þrívegis mæst í bikarnum síðustu ár. Þór vann einn af þeim leikjum en D/R hefur unnið síðustu tvo.

Arnar Þór Stefánsson er með flautuna í dag. Honum til aðstoðar eru þeir Guðni Freyr Ingvason og Patrik Freyr Guðmundsson. Magnús Sigurður Sigurólason er eftirlitsmaður KSÍ.

Daníel Hafsteinsson, sem er leikmaður KA og lék nokkra leiki með Dalvík/Reyni sumarið 2016, spáir í leiki umferðarinnar. Dalvík/Reynir 2 - 0 Þór Ég á 3 leiki fyrir Dalvík Reyni og þess vegna, bara þess vegna, held ég.. þá verð ég að halda með Dalvík. Áki Sölva með 1 það er öruggt og Björgvin Máni setur slummu af svona c.a. 30 metrum beint úr aukaspyrnu.