Víkingar sigra hér en afslátturinn var lítill. Gáfu all svakalega eftir undir lok leiks og Keflavík gekk á lagið. Gráta það þó ekki um of enda líklega að tryggja sér sæti í efri hluta deildarinnar við skiptingu.

Keflavík fær horn. Síðasti séns? Hræðileg spyrna Melanie beint út af aftur

Mikill darraðardans í teig Víkinga og talsverð hætta. Boltinn siglir rétt framhjá markinu og markspyrna dæmd.

Stigin þrjú á leiðinni í Fossvoginn að því er virðist. Afskaplega lítið að gerast í þessu. Keflavíkurliðið full afslappað miðað við stöðu liðsins.

Keflavík vinnur horn Aníta Bergrán í fínu færi eftir hornið en hittir ekki boltann.

Víkingar heppnir. Melanie sleppur inn fyrir og á möguleika á að skjóta. Emma lokar á hana og neyðir hana í sendingu og Saorla sem er mætt í hlaupið í teignum. Sendingin fyrir aftan hana og ekkert verður úr.

Bergdís með slakt skot úr álitlegri stöðu sem fer vel framhjá markinu.

Melanie kemst inn á teiginn vinstra megin fyrir Keflavík. Emma gerir vel í að loka á hana og þvinga Melanie í að setja boltann innarlega fyrir markið. Boltinn í fang Kötlu í markinu.

Víkingar skarpari hér í upphafi síðari hálfleiks. Afgerandi færi þó ekki dottið inn.

Bergþóra Sól í ágætis skotfæri eftir snarpa sókn Víkings en hittir boltann illa sem fer vel framhjá.

Víkingar leiða hér í hálfleik eftir mark Bergdísar. Keflvíkingar geta nagað sig í handarbökin að hafa ekki nýtt sín tækifæri til þessa og ber þar misnotuð vítaspyrna hæst. Komum aftur eftir korter eða svo með síðari hálfleikinn

Erna Guðrún með skot að marki eftir hornspyrnu en hittir ekki markið.

Fast skot frá Bergdísi úr aukaspyrnu. Vera alls ekki með allt á hreinu í markinu og fær boltann hreinlega í sig og í horn.

Lið Keflavíkur hefur ef eitthvað er verið ögn ofaná svona heilt yfir. Sannarlega fengið færi til að jafna en nýtt þau afar illa. Oft einkenni liða í erfiðri stöðu.

Katla lögð af stað í hornið en Aníta lyftir boltanum himinhátt yfir markið.

Keflavík að fá vítaspyrnu. Rachel brýtur á Simonu og Selma bendir á punktinn. Réttur dómur.

Marín Rún að detta í dauðafæri eftir slaka sendingu í varnarlínu Víkinga. Ein gegn Kötlu hittir hún boltann illa og setur hann beint á markvörðinn

Hörkusprettur hjá Lindu Líf sem kemur sér inn á teig Keflavíkur af harðfylgi. Nær skotinu en Vera grípur.

Melanie með fínasta skot frá vinstra vítateigshorni. Reynir að snúa hann í hornið fjær en boltinn hárfínt framhjá stönginni.

Keflavík sækir upp völlinn, boltinn á Simono sem lætur bara vaða af talsverðu færi sem smellur í slánni. Virkaði hættulítil staða en annað kom á daginn.

Melanie í hörkufæri fyrir Keflavík eftir skyndisókn en Sigurborg Katla slæmir fingri í boltann og slær í horn.

Bergþór Sól með fínustu skot tilraun eftir snarpa sókn en setur boltann framhjá markinu. Vera virkaði með þetta allt á hreinu.

Keflavík hreinsar hornið frá en boltinn rakleitt inn á teig þeirra aftur. Bergþóra Sól reynir að finna Lindu Líf í markteignum en færið rennur út í sandinn.

Víkingar fá fyrsta horn leiksins.

Þetta er farið af stað hér í Keflavík. Það eru gestirnir sem hefja hér leik

Selma Dögg Björgvinsdóttir er ekki með liði Víkinga í dag. Hún ku vera veik og er því ekki með í dag. Munar um minna.

Keflavík á góðar minningar frá fyrri leik liðanna í sumar. Þar vann lið Keflavíkur 1-0 útisigur í miklum baráttuleik. Sigurbjörg Diljá Gunnarsdóttir gerði þar sigurmark Keflavíkur og sitt fyrsta mark í efstu deild.

Á vef KSÍ segir. Tveir sænskir dómarar verða að störfum á leik Keflavíkur og Víkings í Bestu deild kvenna. Í dómarateyminu í leiknum verður Selma Griberg með flautuna og Laura Rapp verður aðstoðardómari 2, en ásamt þeim verða í teyminu þær Eydís Ragna Einarsdóttir (aðstoðardómari 1) og Bríet Bragadóttir (fjórði dómari). Er þetta hluti af samstarfi knattspyrnusambanda á Norðurlöndunum um dómaraskipti.

Guðný Geirsdóttir, markvörður ÍBV, tók að sér það verkefni að spá í leikina sem eru í 16. umferð Keflavík 1 - 1 Víkingur R. Víkingar eru sterkari á blaði en úrslitin búin að vera í allar áttir í sumar. Það má svosem aldrei gleyma því að Keflavík er alltaf Keflavík í Keflavík. 1-1 lokatölur í Sunny Kef.

Verma botnsætið fyrir leik og þurfa nauðsynlega að fara að sækja stig á töfluna. Liðið hefur bjargað sér undanfarin tvö tímabil en hlutirnir þurfa að fara að gerast og það helst strax eigi ekki illa að fara. Liðið hefur styrkt sig í glugganum og nýjir leikmenn fengnir inn til þess að freista þess að snúa genginu við. Verður fróðlegt að sjá hvernig til tekst.

Fjórða sætið er þeirra sem stendur og sigur í dag því sem næst tryggir þeim sæti í efri hluta deildarinnar. Árangur sem verður að teljast viðunandi fyrir nýliða og vel það. Orðræðan úr Fossvoginum er þó á þá leið að liðið vilji meira á komandi árum.

Heil og sæl kæru lesendur og verið velkomin í þessa beinu textalýsingu Fótbolta.net frá leik Keflavíkur og Víkings. Flautað verður til leiks á HS Orkuvellinum klukkan 14:00