Dauðafæri fyrir Fjölni er síðasta snerting leiksins! Horn sem er sett inn í teig og þeir skalla ofan í jörðina og yfir markið. Þvílíkur leikur hér í Grafarvogi. Fullt af vafaatriðum. En nýliðarnir enda með sigurinn.

Skýrsla og viðtöl væntanleg seinna í kvöld.

En rangstaða. Flott sókn hjá Fjölni en línuvörðurinn flaggar.

ÍR eru sloppnir í gegn þrír á einn. Gils hleypur upp völlinn og ætlar bara ekki að gefa boltan. Þá nær Júlíus að ná honum og hann þrumar boltanum útaf. Var nálægt því að skora sjálfsmark þarna.

Fjölnismenn komast í fínt skotfæri fyrir utan teig en boltinn hátt yfir.

ÍR með góða aukaspyrnu inn á teig og þeir ná skallanum sem Fjölnismenn eru í smá vandræðum með en þeir hreinsa á endanum.

ÍR-ingar í fínni stöðu, reyna skot fyrir utan teig sem er fast en nokkuð vel yfir.

Fjölnismenn fá hér alveg nokkur góð færi í röð, Dagur endar þessa skothríð með skot í varnarmann.

Reynir tekur skotið úr spyrnunni það er fast en vel varið.

Fjölnismenn fá aukaspyrnu á hættulegum stað. Klaufalegt brot hjá Kristjáni.

Fín skyndisókn hjá Fjölni, þeir eru komnir fjórir á tvo en þá reynir Dagur sendingu yfir völlinn sem er aðeins of aftarlega fyrir Rafael. Rafael fer samt og reynir skotið fyrir utan teig en það misheppnast.

Fín sókn hjá Fjölni endar í skoti frá Reyni sem fer í varnarmann og Fjölnismenn fá horn.

Þeir setja boltan inn í teig úr horninu en beint í lúkurnar á Vilhelm.

ÍR með horn þar sem Kristján Atli nær fínum skalla í átt að marki. Fjölnismenn gera hinsvegar vel í að komast fyrir þennan bolta.

Fínt langt innkast hjá ÍR sem þeir skapa skotfæri úr en boltinn fer vel yfir markið.

Það er jafnt hér í hálfleik sem verður að teljast nokkuð sanngjarnt. Fjölnismenn byrjuðu leikinn miklu betur en ÍR komu sterkir til baka. Það var svo hér í enda seinni hálfleiks sem ÍR-ingar virkuðu mun líklegri. Verður spennandi að sjá hvernig þetta þróast í seinni.

Góður bolti inn í teig hjá ÍR og Bergvin nær skoti úr erfiðu færi en beint á Halldór.

Bergvin og Bragi spila skemmtilega á milli sín og Bergvin er kominn með boltan inn í teig. Hann fellur þá við eftir að Fjölnismaður kemur aftan í hann. Það er klárlega snerting þarna en ég held að Ívar metur það þannig að Fjölnismaðurinn hafi komist í boltan.

Renato er með boltan fyrir utan teig hægra megin og setur virkilega góðan bolta inn í tieg. Bergvin tekur þar skallan sem er á liðinni inn niður í nærhornið, en Halldór stekkur eins og köttur eftir þessum og nær að bjarga sínu liði.

Renato leggur boltan fyrir Martein rétt fyrir utan teig sem reynir skotið. Það er gott og Halldór þarf að teygja sig vel til að verja þennan.

Renato tekur skotið beint úr aukaspyrnunni en það fer beint á Halldór í markinu.

Leikurinn hefur aðeins róast eftir þetta jöfnunarmark. Bæði lið aðeins að þreifa á hvoru öðru. Fjölnir meira með boltan á meðan ÍR reynir að sækja hratt.

Renato dansar aðeins með boltan fyrir utan teig og lætur svo vaða en Halldór ver nokkuð örugglega. ÍR-ingar halda boltanum og koma honum aftur inn í teig þar sem Bragi nær að teygja sig í boltan og nær góðu skoti á markið. Halldór þarf að dýfa sér í öfuga átt við hvert hann var að fara og nær frábærri vörslu í 'full stretch'

Daníel Ingvar leggur góðan bolta inn á teig fyrir Axel sem er í þröngu færi. Hann reynir að renna sér í skotið en boltinn flýgur hátt yfir og framhjá.

Máni Austmann kemur með frábæran bolta fram á við sem platar alla varnarmenn ÍR upp úr skónum. Axel Freyr er þá sloppinn í gegn en nær einhvernegin að flækjast í boltanum og klúðra þessu áður en línuvörðurinn lyftir flagginu. Rangstæða.

Fjölnismenn eru að spila ágætlega á milli sín en þá skoppar ein sending af varnarmanni og dettur fyrir Daníel Ingvar sem er allt í einu kominn í gott skotfæri. Daníel hittir þá boltan hræðilega og skýtur langt framhjá.

Fjölnismenn aftur í fínni sókn. Máni leggur boltan á Axel rétt fyrir utan teig sem reynir skotið en þetta er tiltölulega auðveldur bolti fyrir Vilhelm.

Fjölnismenn byrja sterkt. Rafel Máni nær fínu skoti inn í teig en Vilhelm sér við honum í markinu.

Fjölnismenn gera tvær breytingar frá því í síðasta leik en það er Dagur Austmann og Axel Freyr Harðarson sem koma inn í liðið. Vilhjámur Yngvi Hjálmarsson sest á bekkinn en Bjarni Þór Hafstein er í leikbanni.

ÍR gerir aðeins eina breytingu frá síðasta leik en það er Marteinn Theodórsson sem kemur inn í liðið á meðan Hákon Dagur Marrhíasson sest á bekkinn.

Guðmundur Magnússon leikmaður Fram var fenginn til að líta í kristalkúlu sína og spá fyrir leiki umferðarinnar. Svona heldur hann að þessi leikur muni fara.

Fjölnir 2 - 2 ÍR
Hörkuleikur milli tveggja liða sem vilja gera allt til að ná sér í play-off sæti. Mikið hrós til beggja liða fyrir spilamennskuna í sumar. Ekki margir sem sáu fyrir sér að Fjölnir yrðu eitt af toppliðunum og hvað þá að ÍR-ingar yrðu í baráttunni um að komast upp. Mikill baráttuleikur framundan og mikill hiti. ERA bræður, Axel Freyr og Máni Austmann með sitthvort markið, þriðji ERA bróðirinn, Reynir Haralds með stoðsendingu í báðum mörkunum. King Marc Mcausland skorar með skalla og Kristján Atli með skot fyrir utan teig fyrir ÍR-inga.

Ívar Orri Kristjánsson verður maðurinn með flautuna í þessum leik en honum til aðstoðar verða Sveinn Ingi Sigurjónsson Waage og Arnþór Helgi Gíslason.

Eftirlitsmaður KSÍ er Björn Guðbjörnsson.

ÍR eru nýliðar í þessari deild en þeir gætu hótað því að fara upp um deild strax eftir aðeins eitt tímabil í deildinni. Þeir eru í 5. sæti deildarinnar þegar aðeins 3 leikir eru eftir sem myndi gefa þeim sæti í umspilinu. Það er þó stutt í liðin í kringum þau þar sem Afturelding er aðeins stigi á eftir þeim í 6. sæti en Njarðvíkingar eru jafnir þeim á stigum í 4. sæti.

Bragi Karl Bjarkason er markahæsti leikmaður liðsins í sumar með 8 mörk.

Fjölnir er í 2. sæti Lengjudeildarinnar eftir virkilega góða fyrri umferð í deildinni. Formið hjá þeim hefur dalað all verulega upp á síðkastið og þeir eru ekki búnir að vinna leik í síðustu 5. Á þessu tímabili hafa þeir gert 4 jafntefli og tapað einum leik. Þar af leiðandi misstu þeir topp sætið fyrir ÍBV og lið eins og Keflavík eru að nálgast þá hratt.

Máni Austmann Hilmarsson er markahæsti leikmaður liðsins með 11 mörk en það gerir hann einnig næst markahæstan í deildinni ásamt tveimur öðrum sem eru líka með 11 mörk.

Góða kvöldið og verið velkomin í beina textalýsingu frá leik Fjölnis og ÍR í 19. umferð Lengjudeildar karla.

Leikurinn hefst klukkan 18:00 og verður spilaður á Extra vellinum.