SKÝRSLAN: Langþráður sigur Njarðvíkur og brekkan orðin brött fyrir Gróttu
Hvað réði úrslitum?
Það mátti sjá greinileg merki um þreytu frá báðum liðum hér í kvöld. Mikil barátta á miðjunni og ekki mikið um einhverjar opnanir hjá báðum liðum lengst af. Það þurfti þrumufleyg frá Kaj Leo til að fá sigurvegara í þennan leik og þetta mark átti svo sannarlega skilið að vera sigurmark.
Bestu leikmenn
1. Kaj Leo Í Bartalstovu
Hann er sá sem skar úr um sigurvegarnn hér í kvöld. Leikurinn þurfti eitthvað sérstakt til að brjóta ísinn og Kaj Leo heldur betur kom með það að borðinu. Kaj Leo hefur verið drjúgur fyrir Njarðvíkinga í sumar.
2. Rafa? Stefán Daníelsson
Var frábær í marki Gróttu í kvöld. Varði í tvígang einn á móti einum og það þurfti sleggju til að sigra hann í kvöld.
Atvikið
Auðveldast að velja markið hjá Kaj Leo hérna. Boltinn berst til hans eftir horn og hann þrumar boltanum óverjandi framhjá Rafal Stefán sem átti góðan leik.
Hvað þýða úrslitin?
Njarðvíkingar halda sér í umspilsæti á meðan Grótta sitja áfram á botni deildarinnar þegar það eru bara þrjár umferðir eftir.
Vondur dagur
Amin Cosic fékk heldur betur færi til þess að skora í þessum leik. Komst í tvígang einn á móti markmanni en bæði skiptin lét hann verja frá sér. Amin Cosic átti skilið að skora en þetta bara féll ekki fyrir hann í kvöld. Fékk svo gult fyrir dýfu inn í teig.
Dómarinn - 6
Ákvarðanir og lína voru oft á gráu svæði hjá teyminu í dag. Ekkert sem hafði nein úrslita áhrif.