Grindavík nálægt því að stela þessu undir restina en renna boltanum framhjá einir á móti Aroni Snær.

Gunnar Oddur flautar svo til leiksloka og Njarðvíkingar sitja eftir með sárt ennið!

Aron Snær í baráttu við Adam Árna og hefur betur.

Njarðvíkingar flýta sér! Þeir trúa.

Njarðvíkingar herja á Grindvíkinga en ná ekki að koma boltanum á markið.

Veit ekki hverju er bætt við en við erum kominn inn í uppbótartíma.

Þetta er hægt og rólega að fjara frá Njarðvíkingum.

Njarðvíkingar búnir að ýta sínu liði upp og leita að marki.

Njarðvíkigar taka hornspyrnu á nærsvæðið þar sem Joao Ananias mætir en lyftir boltanum yfir markið.

Það er ekki mikið sem bendir til þess að Njarðvíkingarnir séu að fara koma sér aftur inn í þetta.

Símon Logi með skalla framhjá markinu.

Björn Aron aftur á ferðinni með gott skot en aftur er það Aron Dagur sem sér við honum.

Oumar Diouck vinnur vel tilbaka og skallar fyrirgjöf í innkast.

Björn Aron gerir vel og kemur inn á teig og á hörku skot sem Aron Dagur ver í slánna!

Grindavík að komast í flotta stöðu en Sölvi Snær lyftir boltanum yfir markið.

Aron Snær fer niður í grasið og leikurinn stöðvaður.

Gunnar Heiðar kallar á sína menn og tekur léttan fund með sínum mönnum.

Aron Snær með frábæra markvörslu eftir að Sölvi Snær kemst einn á hann.

Grindavík tekið yfir leikinn eftir að hafa komist yfir.

Adam Árni vinnur horn fyrir Grindavík.

Grindavík reyna að spila sig í gegnum vörn Njarðvíkinga en þéttur múr Njarðvíkinga stöðvar það.

Kristofer Konráðs með misheppnaða fyrirgjöf sem fer beint til Arons Snærs.

Kraftur í Njarðvíkingum þessa stundina.

Aron Dagur með hörku vörslu af stuttu færi frá Arnari Helga.

Fyrirgjöf fyrir markið hjá Grindavík og Kenneth Hogg skallar boltann í varnarmann líklega og útaf þar sem Njarðvíkingar á hornspyrnuna.

Sé ekki fljótu bragði neinar skiptingar hjá liðinum í hálfleik þegar Grindvíkingar koma þessu af stað aftur.

Það eru gestirnir úr Njarðvík sem leiða hérna í hálfleik.

Grindavík átt betri færi og eru sennilega yfir í xG bardaganum en það kemur ekki að sök.

Tökum stutta pásu og snúum svo aftur í síðari.

Það er bara ekki rétt. Gunnar Oddur neitar að flauta til hálfleiks. Komnar örugglega +4

Njarðvíkignar fá hornspyrnu sem verður líklega það síðasta sem við sjáum í fyrri.

Grindvíkingar hafa svo sannarlega fengið færin í þessum leik.

Sölvi Snær kemst upp að endamörkum og kemur með góðan bolta fyrir markið en Adam Árni hittir ekki boltann í hörku færi!

Afturelding að komast í 2-0 í Mosfellsbæ gegn ÍR.

Sem stendur þýðir það að ÍR missa af umspilsætinu eins og staðan er núna.

Grindavík verst vel en skot frá Kaj Leo fer af varnarmanni og aftur fyrir svo Njarðvíkingar fá annað horn.

Njarðvíkingar taka það horn stutt á Kaj Leo sem lyftir boltanum alltof hátt og hann fer yfir allan pakkann.

Njarðvíkignar að sækja sér hornspyrnu.

Oumar Diouck með flotta pressu og kemst fram fyrir Dennis Nieblas og er einn á moti Aron Degi en færið orðið þröngt og hann pikkar boltanum framhjá.

Afturelding eru komnir yfir gegn ÍR og Keflavík er búið að taka forystu gegn Fjölni.

Þetta þýðir að eins og staðan er núna verður Njarðvík að vinna til að komast í umspilssæti.

Josip Krznaric tekur spyrnuna og hann fer í vegginn en fær boltann aftur og þrumar boltanum aftur að marki og aftur er Aron Snær að bjarga Njarðvíkingum!

Grindvíkingar fá aukaspyrnu á flottum stað rétt fyrir utan teig. Gott skotfæri.

Bíðum enn eftir fyrsta markinu í þessari umferð svo eins og staðan er akkurat núna eru Njarðvíkingar utan umspils.

Njarðvíkignar að spila sig í góða stöðu en missa boltann aftur fyrir.

Skemmtilega útfærð hornspyrna og Njarðvíkingar að komast í skotfæri en Tómas Bjarki og Sigurjón Rúnarsson skella saman og leikurinn stöðvaður meðan hugað er að þeim.

Kaj Leo gerir vel og vinnur horn fyrir Njarðvíkinga.

Það er smá stress í Njarðvíkingum sem þeir þurfa að hrista af sér. Nokkrir tæknifeilar hérna í upphafi leiks.

Josip Krznaric með skot sem Aron Snær ver og Grindavík halda boltnum en Njarðvík vinna hann og keyra hratt upp en Kenneth Hogg er svo stövðaður þegar hann er að komast inn á teig.

Njarðvíkingar taka hana stutt og reyna að spila sig í markið en endar svo með skoti fyrir utan teig frá Svavari Erni hátt yfir.

Njarðvíkingar vinna hornspyrnu.

Ármann Ingi verið líflegur á hægri kannti hjá Grindavík þessar upphafsmínútur.

Grindavík að ógna marki Njarðvíkur og vinna horn.

Grindavík sækja hratt fram og Ármann Ingi finnur Ion Perelló sem lætur vaða en Aron Snær ver þetta virkilega vel!

Það eru gestirnir úr Njarðvík sem sparka þessu af stað!

Liðin ganga út á völl við intro-ið af Game of Thrones. Viðeigandi þar sem það verður hart barist í dag.

Rúta með Njarðvíkinga er runnin í hlað og þeir eru að koma sér fyrir í stúkunni. Fyrst um sinn virðist þetta ætla að vera græn stúka hérna í dag.

Viktor Jónsson, markahæsti leikmaður Lengjudeildarinnar í fyrra og í dag markahæsti leikmaður Bestu deildarinnar, spáir í spilin.

Grindavík 1 - 2 Njarðvík
Eins mikla trú og ég hef á mínum manni Halla Hróðmars þá held ég að Njarðvíkingar séu aldrei að fara tapa þessum leik, sama hverju er kastað í þá. Þeir vinna leikinn og tryggja sér sæti í umspilinu. Ármann Ingi þakkar Grindvíkingum fyrir sig og kemur þeim yfir.

Samkv. vef KSÍ hafa þessi lið 12 sinnum mæst í mótsleik á vegum KSÍ.

Njarðvík hefur unnið fjórum sinnum (33%).
Grindavík hefur unnið átta sinnum (67%).
Liðin hafa aldrei skilið jöfn.

Njarðvíkingar hafa skorað 23 mörk í þessum einvígjum og Grindavík hafa skorað 24.

Sömu sögu er hinsvegar ekki hægt að segja um gestina frá Njarðvík. Þeir standa frammi fyrir því að eiga möguleika á sögulegum árangri í sinni sögu. Þeir eru þegar búnir að jafna sinn besta árangur í sögunni sem er 6.sætið í næst efstu deild. Sigri Njarðvíkingar í dag er ljóst að þeir bæta sinn besta árangur í sögunni og um leið tryggja sig í umspilið um sæti í efstu deild.

Njarðvíkingar hafa eytt öllu tímabilinu í baráttu við toppinn eða í umspilsæti svo það yrði vafalaust svekkelsi í Njarðvík ef þeir myndu enda tímabilið fyrir utan umspilsæti.

Eftir frábæra byrjun á tímabilinu og lengst af verið það lið sem hafi skorað mest í sumar hefur gengið aðeins erfiðlegra að skora mörkin seinni part móts. Njarðvíkingar hafa skorað 32 mörk í sumar.

Mörk Njarðvíkinga hafa raðast á:

Dominik Radic - 11 mörk
Oumar Diouck - 8 mörk
Kaj Leo Í Bartalstovu - 5 mörk
*Aðrir minna

Grindvíkingar hafa að litlu að keppa í dag. Þeir geta mest lyft sér upp í 7.sætið í deildinni. Grindavík hafa þó verið að malla inn stigum í síðustu umferðum ef frá er talið skellurinn gegn ÍBV í síðustu umferð þar sem þeir töpuðu með sex mörkum gegn engu.

Grindavík hafa verið öflugir fyrir framan markið og skorað næst mest allra liða í deildinni í sumar eða 38 mörk. Aðeins Eyjamenn hafa skorað meira eða 49 mörk.

Markahæstu menn Grindavíkur:

Dagur Ingi Hammer Gunnarsson - 10 mörk
Kwame Quee - 5 mörk
Josip Krznaric - 4 mörk
Einar Karl Ingvarsson - 3 mörk
Adam Árni Róbertsson - 3 mörk
*Aðrir minna

Baráttan um efsta sætið er milli ÍBV og Fjölnis fyrir lokaumferðina í deildinni. Fjölnir eiga erfitt verkefni fyrir höndum en þeir fara suður með sjó og etja kappi við Keflavík í lokaumferðinni á meðan ÍBV fara í Breiðholtið og heimsækja Leikni R. sem hafa að litlu að keppa.

Baráttan um tvö síðustu umspilsætin er svo milli ÍR (35 stig), Aftureldingar (33 stig) og Njarðvíkur (32 stig).
ÍR og Afturelndig eigast við í Mosfellsbæ innbyrðis svo það gæti orðið hreinn úrslitaleikur ef Njarðvíkingar hafa betur í Safamýrinni gegn Grindavík. Það er því mikil spenna á efri hluta töflunnar.

Það er þegar ljóst að Grótta og Dalvík/Reynir falla í 2.deild.

Lokaumferðin

Dalvík/Reynir - Þróttur R.
Leiknir R. - ÍBV
Afturelding - ÍR
Keflavík - Fjölnir
Grindavík - Njarðvík
Grótta - Þór Ak.

Gunnar Oddur Hafliðason dæmir þennan leik og honum til aðstoðar verða Daníel Ingi Þórisson og Magnús Garðarsson.
Eftirlitsmaður KSÍ er Ingvar Örn Gíslason.

Verið hjartanlega velkomin í þessa þráðbeinu textalýsingu frá síðustu umferð Lengjudeildarinnar 2024.
Grindavík taka á móti nágrönnum sínum frá Njarðvík á Stakkavíkurvellinum í Safamýri þar sem allt er undir fyrir gestina.