Brynjar Óli Ágústsson @brynjar_oli

- Meðalaldur 27 ár

- Meðalaldur 25 ár

Textalýsing Skýrslan

Hvað réði úrslitum? Fram var betri aðilinn í þessum leik, þá sérstaklega í fyrri hálfleik. FH fékk sín færi, sem komu flest í seinni og var þá hársbreidd frá því að jafna. Markið hans Más tryggði þó sigurinn fyrir Fram. Bestu leikmenn 1. Viktor Freyr Sigurðsson - Fram Viktor markvörður fékk traustið gegn erfiðum andstæðingum í bikarnum. Hann fór þó sannarlega vel með það traust og hélt hreinu gegn FH. 2. Kennie Chopart - Fram Fyrirliðinn var algjört skrímsli í þessum leik. Hann var allt í öllu og ég hélt í smástund að hann væri að spila sem framherji, þangað til að þeir bökkuðu í vörn og hann var kominn í hægri bakvörðinn. Atvikið Mark leiksins var algjör klaufaskapur og voru Framarar ákaflega heppnir að Mathias missti svona af boltanum. Svo svaraði Mathias fyrir klaufaskapinn með því að verja vítið frá Vuk.

Hvað þýða úrslitin? Fram eru komnir áfram í 16-liða úrslit á meðan FH situr eftir. Vondur dagur Þrátt fyrir að hafa skapað töluvert af færum, þá náðu FH-ingarnir ekki að koma boltanum inn í netið. Arnór Borg og Sigurður Bjartur voru alls ekki sérstakir í dag. Mathias á líka alla sök á markinu sem Fram skoraði, þótt hann lagaði það aðeins með því að verja víti stuttu seinna. Dómarinn - 9 Að mínu mati fannst mér Elías vera algjörlega frábær í þessum leik. Ég set smá spurningamerki fyrir vítadómin, en það er aðallega því maður er ekki vanur að sjá dómara dæma fyrir svona brot, en samt réttur dómur að mínu mati. Hann var með góða stjórn yfir leiknum og hélt sömu línunni yfir allan leikinn, sem var mjög góð lína.

- Meðalaldur 26 ár

- Meðalaldur 23 ár