Frábær og sanngjarn sigur Vestra er staðreynd. Vestri er á toppi Bestu deildarinnar og verður þangað til leik Breiðabliks og Stjörnunar lýkur hið minnsta.

Hlynur Sævar með hörkuskalla að marki eftir aukaspyrnu frá Vall. Hittir ekki markið. Síðasta tækifæri Skagamanna á marki í dag farinn?

Ekki hugmynd hver uppbótartíminn er en geri ráð fyrir lágmark 4 mínútum.

Það er virkilega gaman að sjá leikmenn Vestra á vellinum í kvöld. Fagna hverjum einasta unna bolta, góðri tæklingu og öllu öðru sem þeir sjá ástæðu til þess að fagna. Leikgleði út í gegn.

Máttlítill úr teignum og Guy ekki í teljandi vandræðum með að handsama boltann.

Morten Hansen hendir sér fyrir skot Viktors Jónssonar úr góðri stöðu. Einkennandi fyrir varnarleik Vestra í dag sem hefur verið því sem næst óaðfinnanlegur.

Boltinn fellur fyrir Vardic í teig Vestra sem nær góðu skoti sem Guy gerir vel i að verja í horn.

Oliver með sendingu fyrir markið úr djúpinu, Albert Hafsteinsson er mættur á fjær en nær ekki að stýra skallanum á markið.

Viktor í boltanum og vinnur aukaspyrnu á stórhættulegum stað. Rúnar tekur, hittir á markið en spyrnan kraftlaus og auðveld viðureignar fyrir Guy.

Langur bolti úr aukaspyrnu inn á teig Vestra fellur fyrir Oliver sem á skot sem smallur í hendinni á Daða Berg sem er nokkurn vegin með hendurnar með síðu. Náttúruleg staða eða ekki en víti ekki dæmt.

Skagamenn halda betur í boltann en gera voðlega lítið við hann. Ómarkviss sóknarleikur og það sem á annað borð á möguleika á að skapa hættu er hreinsað burtu af Eiði Aroni og co.

Góða 15 metra inn á eigin vallarhelmingi en reynir skotið. Árni Marinó langt út úr markinu en boltinn ekki á markið.

Skagamenn eru að reyna þeir mega eiga það. En það gengur lítið gegn baráttuglöðu liði Vestra.

Verið svolítið spegilmynd fyrri hálfleiks hér í upphafi. Skagamenn halda boltanum en voðalega lítið annað að frétta.

Gestirnir sparka okkur af stað á ný.

Það eru gestirnir frá Ísafirði sem ganga til búningsherbergja hér í hálfleik með tveggja marka forystu. Skagamenn verið meira með boltann en sóknarleikur þeirra hefur verið helst til bitlaus. Gestirnir hafa gert vel í að vera þolinmóðir og nýtt sína sókarsénsa gríðarlega vel. Þeir hafa átt nokkuð auðvelt með að leysa nokkur ómarkvissa pressu ÍA til þessa í leiknum og náð að brjótast hratt upp völlinn trekk í trekk.

Góð sókn endar með fyrirgjöf frá Jóni Gísla fyrir markið. Ómar Björn í fínasta skallafæri fyrstur á boltann en skallar beint á Guy í marki Vestra.

Leikurinn í járnum síðustu mínútur. Skagamenn sem fyrr haldið betur í boltann en lítið orðið úr til þessa.

Leikurinn stopp. Tufa liggur í grasinu og kennir sér meins. Virðist vera í nára og kæmi það mér ekki á óvart að hann sé búinn að ljúka hér leik. Nei hann reynir að halda leik áfram.

Vestramenn ná upp góðum spilkafla og teyma lið ÍA framar á völlinn. Boltinn gengur manna á milli í öftustu línu þar til þeir sprengja upp leikinn og bruna fram. Diego Montiel reynir að finna Kralj í teignum en sendingin aðeins of föst og fer afturfyrir.

Rúnar Már með aukaspyrnuna en setur boltann framhjá markinu.

Vestramenn aftur í færi. Af miklu harðfylgi skapar Daði færi í teig ÍA þar sem að boltinn fellur fyrir Kralj í teignum. Hann reynir skotið en boltinn í varnarmann og afturfyrir.

Anton Kralj með hættulegan bolta inn á teiginn. Tufa mættur í hlaupið en Hlynur Sævar bjargar í horn.

Aftur Vestri. Daði Berg lætur boltann fara sem reynist rétt, Tufa aleinn í teignum og með tíma og pláss. Daði fer sjálfur í hlaup inn á teiginn en Erik Tobias nær að komast fyrir sendingu Tufa til hans.

Marko Vardic tapar boltanum klaufalega á vallarhelmingi ÍA. Boltinn berst á Daða Berg sem tekur beina stefnu að marki gegn 4 Skagamönnum. Er hársbreidd frá því að prjóna sig í gegn en Skagamenn bjarga

Boltinn skallaður frá eftir hornið. Þar fellur hann fyrir Johannes Vall sem á sendingu frá vinstri yfir á fjærstöng. Þar er Hlynur Sævar mættur og nær skallanum í utanverða stöngina.

Skagamenn svo að segja einokað boltann í upphafi. Vinna hér hornspyrnu.

Lúmsk sending frá Jóni Gísla innfyrir á Steinar. Steinar í góðri stöðu hægra megin í teignum en Guy er mættur út á móti og ver. Heldur ekki boltanum sem fellur aftur fyrir Steinar sem reynir að setja boltann aftur á markið en Vestramenn hreinsa.

Þetta er farið af stað í Akraneshöllinni. Það eru Skagamenn sem hefja hér leik.

Skagamenn eru tilneyddir til þess að gera eina breytingu á byrjunarliði sínu frá tapinu gegn Stjörnunni í síðustu umferð. Haukur Andri Haraldsson tekur út leikbann eftir að hafa fengið rauða spjaldið og kemur Ómar Björn Stefánsson inn í byrjunarliðið í hans stað en Ómar gerði tvö mörki í bikarsigri ÍA á Gróttu á dögunum Hjá Vestra er Davíð Smári Lamude ekki að breyta sigurliði en hann teflir fram óbreyttu byrjunarliði frá síðasta deildarleik er liðið bar sigurorð af FH á Ísafirði.

„Þetta verður hörkuleikur, það verður hörkubarátta eins og alltaf á milli þessara liða. Það leggst mjög vel í okkur," sagði Jón Þór Hauksson, þjálfari ÍA, um komandi leik. En hvað finnst honum um að leikurinn fari fram í Akraneshöllinni? „Vallarmálin á Akranesi eru bara mjög vandræðaleg og leiðinleg, leiðindarmál. Völlurinn er því miður handónýtur. Fyrst hann er ekki tilbúinn núna - við höfum unnið mikið í honum - eftir þennan vetur sem var mjög hagstæður, þá verður hann aldrei tilbúinn á þessum árstíma. Auðvitað er það fúlt að geta ekki spilað þar."

   22.04.2025 14:45

Jón Þór: Vallarmálin á Akranesi mjög vandræðaleg og leiðinleg

Þór Llorens Þórðarson spáir í þriðju umferðina sem fer af stað í kvöld með fjórum leikjum. Þór var hetja Káramanna í sigrinum óvænta gegn Fylki í Mjólkurbikarnum á dögunum en hann er með eitraðan vinstri fót. ÍA 3 - 0 Vestri Viktor Jóns elskar að skora í höllinni og opnar markareikninginn og kemur ÍA í 1-0. Stony ákveður svo að leika sér aðeins og tekur óvænt langskot 2-0. Það á enginn séns í Hlyn Sævar í föstu leikatriði og tryggir hann þeim þægilegan 3-0 sigur.

Helgi Mikael Jónasson er aðaldómari kvöldsins í Akraneshöllinni. Honum til aðstoðar eru þeir Ragnar Þór Bender og Eðvarð Eðvarðsson. Fjórði dómari leiksins er Gunnar Oddur Hafliðason sem var í miklum gír í Akraneshöllinni á dögunum er hann dæmdi bikarleik Kára og Fylkis og veifaði rauða spjaldinu alls þrisvar á Fylkismenn í leiknum. Eftirlitsmaður KSÍ er svo Hjalti Þór Halldórsson.

Etir 1-0 sigur á Fram með draumamarki frá Rúnari Má Sigurjónssyni í fyrstu umferð var liði ÍA kippt niður á jörðina gegn Stjörnunni í þeirri annari. Þótt það teljist varla slæmt að vera með 3 stig eftir tvo leiki eru samt margir á því að lið ÍA eigi heilmikið inni. Framlínan hefur ekki verið að virka sem skyldi og Viktor Jónsson sem fór hamförum fyrir framan mark andstæðinga ÍA í fyrra hefur ekki fundið markaskóna í byrjun móts. Breytist það í kvöld í Akraneshöllinni?

Vestri hefur farið vel af stað í Bestu deildinni til þessa. Liðið sem margir reiknuðu með að yrði í vandræðum í sumar hefur sótt fjögur stig í fyrstu tveimur leikjum sínum og hafa litið ágætlega út. Sterku jafntefli á útivelli gegn Val var fylgt eftir með heimasigri á FH í snjókomu á Ísafirði. Daði Berg Jónsson opnaði markareikning sinn fyrir Vestra í sigrinum á FH en Vestramenn binda miklar vonir við framherjann unga sem er á láni hjá Vestra frá Víkingum.

Þótt veðrið hafi leikið við okkur síðustu daga og sólin skinið sem aldrei fyrr er grasið á Norðurálsvellinum ekki leikhæft ennþá. Eins og oft verða vill á vorin hefur næsturfrostið enn ekki yfirgefið okkur og grasið því viðvæmara en ella fyrir skemmdum. Í samráði við sérfræðinga var því ákveðið að færa leikinn inn í Akraneshöllina. „Grassérfræðingar telja Akranesvöll ekki leikfæran að svo stöddu og að leikur á vellinum á þessum tímapunkti gæti skaðað hann til lengri tíma," segir í tilkynningu frá ÍA. Skiptar skoðanir hafa verið um hvort að Akraneshöllin sé yfir höfuð boðleg í Bestu deildinni og sagði Haraldur Hróðmarsson þjálfari Grindvíkinga og fyrrum aðstoðarþjálfari ÍA að höllin væri bara æfingarhöll í Innkastinu á síðasta tímabili.

   20.04.2025 14:12

Heimaleikur ÍA færður inn í Akraneshöllina - „Þetta er bara æfingahöll“

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik ÍA og Vestra í þriðju umferð Bestu deildar karla. Flautað verður til leiks í Akraneshöllinni klukkan 18:00.