Fótbolti.net

Fótbolti.net / Fotbolti Ehf.

Newcastle vill læra af síðasta sumri - Arsenal í baráttu við PSG um leikmann - Man Utd búið að krækja í ungan leikmann

Í BEINNI

3. deild karla

Lengjudeild karla

Þór

1

1

HK

Sigurður Bibbi Sigurðarson @

0-1 Dagur Orri Garðarsson '6

Ibrahima Balde '45 1-1

02.05.2025 - 18:00
Boginn
Lengjudeild karla
Dómari: Twana Khalid Ahmed
Maður leiksins: Balde og Vilhelm

Byrjunarlið:

('71)

('71)

- Meðalaldur 24 ár

Varamenn:

('71)

('71)

- Meðalaldur 25 ár

Liðsstjórn:

Gul spjöld:

Ibrahima Balde ('51)

Orri Sigurjónsson ('58)

Sigfús Fannar Gunnarsson ('68)

Rauð spjöld:

Endurhlaða Skýrslan Viðtöl

95. mín

Gult spjald: Kristján Snær Frostason (HK)

Síðustu andartökin Eftir þunga sókn Þorsara náðu HK ingar að komast upp völlinn og halda boltanum þar. Þórsarar vinna boltann og Vilhelm fær flugbraut upp vinstra megin og kemur boltanum inn á hættusvæðið. Þar er enginn mættur. Kristján Snær uppsker gult fyrir brot í aðdraganda færisins. Þór vinnur strax aftur boltann og Atli setur skot rétt framhjá.

93. mín

Gult spjald: Atli Arnarson (HK)

Gult á HK

91. mín

Færi Þórsarar komast upp hægra megin og inn í teig þar sem er barningur um boltann. Hann berst til Balde sem er naumlega rangstæður.

Leik lokið!

Leik lokið með jafntefli.

86. mín

Höfuðmeiðsl HK hreinsar hornið upp í loft og tveir leikmenn Jóhann Þór og Kristófer, liggja í kjölfar skallaeinvígis en braggast og halda áfram leik.

85. mín

Dauðafæri Atli Þór sendi Balde í gegn með stórkostlegri sendingu og Balde nær skori á markið en Arnar ver vel í horn.

84. mín

Álitleg sókn Þórs Þórsarar komast upp að teig hjá fámennri HK vörn en frákast af varnarmanni endar hjá rangstæðum Aroni.

83. mín

Nýta breiddina Hemmi Hreiðars nýtir breiddina í hópnum og bætir ferskum löppum inn á.

82. mín

Inn:Hákon Ingi Jónsson (HK) Út:Dagur Orri Garðarsson (HK)

Tvöföld skipting hjá HK

82. mín

Inn:Kristján Snær Frostason (HK) Út:Dagur Ingi Axelsson (HK)

Tvöföld skipting hjá HK

78. mín

Gott færi Ingimar fær boltann við miðlínu og stingur varnarmenn HK af og kemst inn í teig. Arnar Freyr lokar vel á hann og Þór fær horn. Gott færi

75. mín

Þung sókn Þórsarar eru að herða tökin og halda góðri pressu á HK sem lýkur með því að Arnar Freyr fær boltann og hamrar honum fram á Jóhann sem vinnur vel á móti þremur varnarmönnum og fær innkast. HK getur andað léttar og fært liðið framar.

73. mín

Aukaspyrna þór fær aukaspyrnu við hliðarlínu og taka snöggt og Aron kemst inn í teig en bjargað í horn.

72. mín

Markskot Balde vinnur boltann og kemur honum á Kristófer sem nær ágætu skoti sem varnarmenn koma í burtu

71. mín

Inn:Ingimar Arnar Kristjánsson (Þór ) Út:Sigfús Fannar Gunnarsson (Þór )

Tvöföld skipting hjá Þór

71. mín

Inn:Kristófer Kristjánsson (Þór ) Út:Clement Bayiha (Þór )

Tvöföld skipting hjá Þór

68. mín

Gult spjald: Sigfús Fannar Gunnarsson (Þór )

Gult spjald á Sigfús Sigfús var að sleppa í gegn en missti boltann og fékk gult spjald sem margir voru hvumsa yfir. Fáir skyldu ástæðu spjaldsins.

66. mín

Víti Í annað sinn á stuttum tíma vilja HK víti en fá ekki. Menn detta full auðveldlega að mati dómarans.

65. mín

Breytingar hjá HK Hermann er greinilega ekki ánægður með gang mála og hefur gert þrjár breytingar á stuttum tíma.

65. mín

Inn:Atli Arnarson (HK) Út:Aron Kristófer Lárusson (HK)

Skipting hjá HK.

62. mín

Skyndisókn Sigfús geysist upp hægra megin og nær fram fyrir Brynjar en skotið er ekki gott og fer framhjá fjærstönginni í innkast.

61. mín

Inn:Tumi Þorvarsson (HK) Út:Karl Ágúst Karlsson (HK)

Skiptingar hjá HK

61. mín

Inn:Birnir Breki Burknason (HK) Út:Ívar Örn Jónsson (HK)

Skiptingar hjá HK

58. mín

Gult spjald: Orri Sigurjónsson (Þór )

Samskeytin og gult Atli á stórkostlegt skot rétt utan teigs vinstra megin í samskeytin fjær. Þar skall hurð nærri hælum hjá HK. HK nær skyndisókn sem Orri stoppar og uppsker gult spjald.

57. mín

Dauðafæri Balde vinnur boltann á miðjunni og sendir á Clement, fær boltann aftur og sendir á Aron sem spilar Vilhelm í gegn. Villi setur boltann á fjær á Balde sem vinnur skallaeinvígi en rétt framhjá.

54. mín

Horn - sóknir - dauðafæri Aron Ingi tekur hornið á fjær en HK vinnur boltann og ná skyndisókn sem fjarar út og Þór svarar með skyndisókn sem líka fjarar út, en halda boltanum. Ragnar fær boltann úti hægra megin og setur hann fyrir á ATla Þór sem reynir að taka aukasnertingu sem mistekst í dauðafæri

53. mín

Horn hjá Þór Vilhelm fær góða sendingu upp vinstra megin og nær fyrirgjöf sem HK verst með því að senda boltann aftur fyrir

51. mín

Gult spjald: Ibrahima Balde (Þór )

Balde gult Balde fær gult fyrir tiltölulega litlar sakir á miðsvæðinu. Þetta var minna brot en mörg önnur sem hafa litið dagsins ljós.

49. mín

HK byrjar vel HK hefur náð vopnum sínum í hálfleik og sækja mun meira en í fyrri hálfleik. Þeir byrjuðu líka vel í fyrri hálfleik.

47. mín

Dauðafæri Jóhann Þór fær boltann upp vinstra megin og tekur varnarmann Þórsara á en skilur boltann eftir fyrir Karl sem kemur boltanum fyrir á Dag Orra sem hittir ekki boltann og hættan líður hjá.

46. mín

Seinni hálfleikur Óbreytt lið hefja seinni hálfleikinn.

46. mín

Leikur hafinn

Seinni hálfleikur HK byrjar með boltann eftir skemmtilegan og spennandi fyrri hálfleik.

45. mín

Hálfleikur

Fyrri hálfleikur Fyrri hálfleikur hefur verið eign Þórsara eftir að HK komst yfir. Þeir hafa pressað HK vel og haldið boltanum innan liðsins. Þeir jöfnuðu svo verðskuldað með lokaspyrnu hálfleiksins.
HK hefur reynt að sækja enda með mjög fljóta og flinka leikmenn fram á við, þá Karl og Jóhann sem ekki má líta af.

Seinni hálfleikurinn verður spennandi.

45. mín

MARK!

Ibrahima Balde (Þór )

Þórsarar vilja víti en skora svo 45+3

Atli tekinn niður en ekkert dæmt. Þórsarar vinna boltann og koma honum á Balde sem lúrir á stönginni hægra megin og setur boltann undir Arnar Frey.

45. mín

N 1 sóknin Þórsarar sækja enn einu sinni og nú upp hægra megin þar sem Juan og Aron Ingi koma boltanum fyrir en rangstæða dæmd.

43. mín

Gott skot Clement fær boltann hægra meginn og tók Brynjar á og náði góðu skoti rétt framhjá stönginni fjær.

42. mín

Horn Hornið fjarar út og Þórsarar fá aukaspyrnu eftir barning utan við teiginn.

41. mín

Færi Jóhann Þór fær góða sendingu fram og stingur sér fram fyrir varnarmenn Þórs en Aron Birkir kemur á móti og lokar vel á hann. HK fær horn.

40. mín

Fyrirgjöf Clement kemst upp hægra megin við vítateigshornið og setur fastan bolta þvert fyrir markið en enginn Þórsari á svæðinu.

38. mín

Skot og aftur skot. Einar er einn fyrir utan teig og enginn kemur á móti honum þannig að Einar lætur vaða á markið sem ARnar ver niðri. Þórsarar vinna boltann aftur og aftur fær Einar boltann utan teigs og aftur lætur hann vaða og aftur ver Arnar.

36. mín

Þung sókn Enn sækja Þórsarar og það vantar bara herslumuninn. HK nær alltaf að bjarga málunum rétt áður en alvöru færi gefst.

34. mín

Stungusending Aron Ingi með stungusendingu á Sigfús en aðeins of fast. Arnar kemur út og hirðir boltann af tánum á Sigfúsi.

33. mín

´Sókn Balde kemst upp hægra megin með góða fyrirgjöf á milli markmanns og varnar en enginn er mættur til að skora. Mjög góð fyrirgjöf (alla vega ef einhver hefði verið þarna.)

31. mín

Aukaspyrna Einar og Aron standa við boltann rétt utan teigs vinstra megin.

Einar tekur spyrnuna en beint á Arnar sem missir boltann en nær honum strax aftur. Föst aukaspyrna sem hefði mátt vera örlítið til hliðar og láta reyna á Arnar.

Er kominn tími á pizzu? Nú er stutt í hálfleik og fullkominn tími til að panta pizzu til að njóta með seinni hálfleiknum! Kíktu á Dominos.is

30. mín

Gult spjald: Dagur Ingi Axelsson (HK)

Aukaspyrna Sigfús kemst einn á móti einum en Dagur Ingi brýtur og uppsker gult spjald

28. mín

Hornspyrna Aron tekur horn frá vinstri en kemur boltanum ekki yfir fyrsta varnarmann sem skallar í burtu. Þórsarar vinna hann strax en sóknin fjarar út.

28. mín

Aukaspyrnan Aron tekur aukaspyrnuna sjálfur og setur boltann á fjær en Arnar er vakandi og kýlir boltann burtu. Þórsarar ná honum og sækja hornspyrnu.

27. mín

Aukaspyrna Aron Ingi sækir aukaspyrnu rétt utan teigs hægra megin

23. mín

Þung sókn Þórsarar sækja upp hægra megin og setja pressu á HK. Einar nær skoti að marki en varnarmenn verjast því. Þórsarar halda boltanum og herja á HK inga.

22. mín

Sókn Þ'orsara Þórsarar sækja upp hægra megin og ná góðri fyrirgjöf á fjærstöngina sem er svo komið fyrir aftur en boltinn endar hjá Arnari Frey.

21. mín

Innkast HK á innkast vinstra megin við vítateig og setja boltann inn í teiginn en ekkert verður úr

19. mín

Sótt á báða bóga Þórsarar geysast upp vinstra megin og fjölmenna fram á við. HK kemst inn í sendingu og skellir í skyndisókn sem endar með stungusendingu sem vakandi Aron Birkir nær og spyrnir boltanum vel fram.

17. mín

Sókn gestanna HK sækir upp hægra megin sem endar með því að Karl Ágúst fær skotfæri utan teigs en setur boltann vel framhjá.

15. mín

Langt innkast Vilhelm tekur langt innkast á Ibra sem ætlar að skalla aftur fyrir sig en fær höfuðhögg þegar varnarmaður skallar í hnakkann á honum. Ekkert dæmt og HK á boltann.

14. mín

Horn Aron tekur hornið á fjærstöngina en Raggi fær dæmt á sig fyrir bakhrindingu. Þórsarar pressa þessa stundina.

14. mín

Skot Einar Freyr fær boltann lagðan út á sig í vítateignum hægra megin en í varnarmann og aftur fyrir

12. mín

Tiltal Einar fær tiltal hjá dómara leiksins eftir tiltölulega létt brot. Stuttu síðar er Clement hrint við hornfánann en ekkert dæmt.

11. mín

Dauðafæri Atli fær dauðafæri eftir innkastið. Nær skalla á markið sem Arnar Freyr ver. Þórsarar leita að jöfnunarmarkinu.

11. mín

Fjarar út Hornið fjarar út í innkast

10. mín

Horn Þórsarar sækja upp hægra megin og fá horn eftir að fyrirgjöf Atla er sett aftur fyrir

8. mín

Barátta Bæði lið pressa varnarmenn andstæðinga stíft og það er ekkert gefið eftir.

6. mín

MARK!

Dagur Orri Garðarsson (HK)

Mark Dagur skorar fyrsta mark leiksins eftir mistök í vörn Þórs. Vel afgreitt upp í þaknetið.

3. mín

Byrjunin lofar góðu Leikurinn og mótið fer svo sannarlega af stað með trukki og dýfu. Bæði lið hefðu getað verið búin að skora eftir tvær mínútur.

2. mín

Dauðafæri Þórsarar sækja hratt og fær Atli Þór dauðafæri einn fyrri framan markið en hittir ekki boltann.

1. mín

Dauðafæri Jóhann Þór kemst einn í gegn eftir mistök í Þórsvörninni og á tvær tilraunir, fyrst ver Aron Birkir vel frá honum en Jóhann nær frákastinu og setur boltann framhjá

1. mín

Leikur hafinn

Byrjað Þórsarar byrja með boltann.

Fyrir leik

Þórsarar leika í suðurátt - að miðbænum og HK sækir því í norðurátt.
Leikurinn hefst með minningu um Ólaf Gísla Hilmarsson sem lést um aldur fram.

Mínútuþögn.

Fyrir leik

Þjálfararnir Þjálfarar beggja liða eru reynsluboltar og búnir að sanna sig sem góðir þjálfarar í þessari deild og stefna eflaust bæði Hemmi og Siggi á að koma sínum liðum upp í sumar. Þessi leikur er eflaust mikilvægur í þeirra augum enda munu þessi lið skipa sér ef allt gengur upp, í efri hluta deildarinnar. Sannkallaður 6 stiga leikur (eins og reyndar allir). Sem sagt, geta verið frá því að vera þremur stigum ofar til þess að vera þremur stigum undir.

Fyrir leik

Áhorfendur Það er korter í leik og áhorfendur flykkjast inn í Bogann enda frábært veður þar. Logn og um 15 stiga hiti.

Hér verður stemming og ég vil hvetja Þorpara til að fylla Bogann. Nægur tími til að drífa sig, það er ekki umferðinni fyrir að fara og tekur aðeins 5 mínútur að koma sér hingað.

Fyrir leik

Fyrsti leikur lengjudeildar Liðin í dag koma á mismunandi forsendum inn í þennan fyrsta leik Lengjudeildarinnar.
Þórsarar ollu vonbrigðum hjá mörgum í fyrra. Kannski var ætlast til of mikils af þeim eins og stundum áður. Þeir eru búnir að styrkja sig auk þess sem ungu strákarnir eru ári eldri og með fleiri leiki undir beltinu þannig að þeir vilja eflaust byrja vel í sumar og gera heimavöllinn aftur að vígi.

HK féll í fyrra og vill eflaust fara beint upp aftur, helst í efsta sæti eins og sumir spekingar hafa spáð en að öðrum kosti vinna úrslitakeppnina um síðasta lausa sætið í Bestu deildinni. Þeir hafa hins vegar misst lykilmenn frá því í fyrra en byggja samt sem áður á mörgum þeim sem spiluðu í fyrra.

Það er talsvert meiri pressa á HK þó svo að Þórsarar séu líka undir pressu, sérstaklega á heimavelli og vitandi að ef þeir ætla í úrslitakeppnina þá verða HK líklega andstæðingar á einhverjum punkti þar. Því er gott að vera með sigur í deild áður en að því kemur.

Fyrir leik

Nýjustu leikmennirnir Þessir leikmenn sem sóttir voru síðastir af liðunum fá misjafnt vægi í dag. Báðir nýjustu leikmenn HK, þeir Jóhann og Dagur Orri byrja á meðan Affi byrjar á bekknum og Páll Veigar er utan hóps. Þeir eiga eflaust eftir að sanna sig, enda nýkomnir í Þorpið.

Fyrir leik

Leikmannamarkaðurinn HK virðist vera fyrir talsvert löngu sátt með sinn hóp þar sem enginn hefur verið fenginn til liðs við HK undanfarinn mánuð. 3. apríl náðu þeir sér í 2 menn, þá Dag frá Stjörnunni (lán) og Jóhann frá Þrótti Vogum, og létu þar gott við sitja.

Þórsarar hafa aftur á móti aðeins bætt við hjá sér. Þegar leið að gluggalokun þá sóttu þeir Yann Emmanuel Affi frá BATE Borisov (Hvíta-Rússland) þann 24. apríl og svo Pál Veigar frá Magna fimm dögum síðar.

Fyrir leik

Júlíus Mar spáir jafntefli Júlíus Mar Júlíusson, leikmaður KR, spáir jafntefli í þessum leik.

Þór 2 - 2 HK
Markaleikur inni í Boganum. Þórsarar komast 2-0 yfir en Dagur Ingi með fullhlaðna byssu skorar 2 og bjargar stigi fyrir sína menn.

Júlíus Mar spáir í 1. umferð Lengjudeildarinnar

Sæbjörn Þór Þórbergsson Steinke

Fyrir leik

Spáin Þjálfarar og fyrirliðar settu Þórsara í 5. sætið í síðasta umspilssætið en HK var sett í 3ja sætið þannig að þetta gæti orðið hörkuleikur tveggja góðra liða.

Byrjunarlið:

('65)

('82)

('61)

('82)

('61)

- Meðalaldur 25 ár

Varamenn:

('82)

('61)

('65)

('61)

('82)

- Meðalaldur 23 ár

Liðsstjórn:

Gul spjöld:

Dagur Ingi Axelsson ('30)

Atli Arnarson ('93)

Kristján Snær Frostason ('95)

Rauð spjöld: