Sæbjörn Þór Þórbergsson Steinke @saebjornth

- Meðalaldur 22 ár

- Meðalaldur 20 ár

Textalýsing Skýrslan

Hvað réði úrslitum? Gæði Breiðabliks komu í ljós þegar þær náðu, frekar óhindrað, að spila sínar fléttur sóknarlega. Þríhyrningspil í fyrstu tveimur mörkunum og svo mynduðust stór göt í vörn heimakvenna í seinni hálfleik sem gestirnir nýttu sér. Gæðamunur og vel skipulagður sóknarlegur réði úrslitum. Breiðablik hefur unnið alla þrettán leiki þessara liða í meistaraflokki kvenna. Bestu leikmenn 1. Andrea Rut Bjarnadóttir Gjörsamlega óstöðvandi í dag, náði að finna sér pláss alls staðar þar sem hún vildi og gerði oftar en ekki frábæra hluti með boltann. Það stoppar enginn Andreu í þessum ham. 2. Berglind Björg Þorvaldsdóttir Skoraði tvö og hefði hæglega getað skorað tvö til viðbótar. Berglind kom frá Val í vetur og var í nokkrar mínútur í dg með jafnmörg mörk skoruð og allt Valsliðið á tímabilinu. Atvikið Mig langar að setja þetta á færið sem Makala Woods fær á 37. mínútu. Bandaríski framherjinn setti boltann yfir mark Tindastóls. Það er svona smá ef og hefði stimpill þarna sem ég er að horfa í.

Hvað þýða úrslitin? Breiðablik er á toppi deildarinnar með 13 stig eftir fimm leiki, fjórði stóri sigur liðsins í upphafi móts. Það getur haft áhrif þegar uppi er staðið, að vera með góða markatölu. Tindastóll er með þrjú stig. Vondur dagur Það er mikill getumunur á liðunum, það sást í dag, en það var stundum eins og heimakonur væru svolítið á hælunum og lentu óþarflega langt á eftir gestunum í þeirra aðgerðum. Veit ekki hvort það var einhver misskilningur með færslur eða hvað það er, gestirnir voru oftast einu skrefi á undan inn á vítateig Tindastóls. Það þarf eitthvað að skoða skipulagið held ég. Dómarinn - 8 Nokkuð vel dæmt í dag, gleypti svolítið flautuna í kjölfar fyrsta marksins fannst mér, en það er nánast bara til að reyna finna eitthvað að dómgæslunni. Ekki erfiðasti leikurinn til að dæma.

- Meðalaldur 27 ár

- Meðalaldur 19 ár