SKÝRSLAN: Markaveisla í Laugardal
Hvað réði úrslitum?
Víkingar réðu ekkert við gjörsamlega frábæran sóknarleik Þróttara í dag. Framan af leik lágu Þróttarar í sókn og komust í 5-0 áður en Víkingar mættu til leiks og þá var um seinan.
Bestu leikmenn
1. Þórdís Elva Ágústsdóttir
Þórdís Elva var einfaldlega stórkostleg í dag. Skorar þrjú frábær mörk þar sem mikil gæði hennar koma bersýnilega í ljós. Hún og Caroline náðu virkilega vel saman og komu Þrótturum í sífellu í góðar stöður eftir gott spil á hægri vængnum.
2. Caroline Murray
Sú var öflug á hægri kantinum í dag. Átti tvær fyrirgjafir sem enduðu með marki og í raun hefðu hún hæglega getað lagt upp að minnsta kosti 4 mörk. Það skapaðist alltaf hætta þegar hún komst á sprett upp hægri kantinn. Brynja Rán Knudsen fær líka að vera nefnd á nafn hér en hún átti frábæran leik.
Atvikið
Hér er að nógu að taka. Þegar Þórdís Elva skorar sitt þriðja mark eftir 35 mínútna leik og virtist ætla að klára þennan leik upp á sitt einsdæmi. Aftur á móti var fjörið bara rétt að byrja þá og á 13 mínútna kafla í seinni hálfleik eru skoruð 4 mörk.
Hvað þýða úrslitin?
Þróttarar eru áfram í Mjólkurbikarnum og verða í pottinum þegar dregið verður í 8-liða úrslit en Víkingar hafa lokið leik í keppninni þetta árið.
Vondur dagur
Varnarmenn Víkings fá þetta í dag. Það var mikið um klaufagang og lélegar hreinsanir sem að Þróttarar náðu að nýta sér.
Dómarinn - 7
Vel dæmdur leikur, mögulega eitt - tvö innköst sem voru vafa atriði en annars líklega þægilegur leikur að dæma og hann leyfði leiknum að fljóta vel.