SKÝRSLAN: Selfoss tekur stigin þrjú í Kótelettu leiknum
Hvað réði úrslitum?
Selfyssingar miklu sterkari og sýndu mikla yfirburði í fyrri hálfleik og gerðu svo mjög vel í seinni hálfleik og leyfðu Fylki að vera með boltann og náðu að koma nánast öllum boltum í burtu sem að reyndu á þá
Bestu leikmenn
1. Reynir Freyr Sveinsson (Selfoss)
Var gjörsamlega frábær í dag. Sýndi hörku, vilja og trú í öllu sem hann gerði. Hoppaði í alla bolta og vann nánast öll einvígi sem hann fór í og var lang besti maðurinn á vellinum í dag
2. Jón Vignir Pétursson (Selfoss)
Átti að minnsta kosti 2 stoðsendingar í dag, mögulega 3 var ekki alveg viss hver átti stoðsendinguna í 3 markinu, stjórnaði spilinu vel á miðjunni og vann fullt af einvígum úti á velli. Kom Selfossi á bragðið í fyrsta markinu þegar að hann vann boltann og kom honum strax á Aron Lucas
Atvikið
Það var ekkert sérstakt atvik sem að stóð upp úr en mistök frá varnarmanni Fylkis sem átti hættulega sendingu út úr vörninni sem Jón Vignir étur og leggur upp fyrsta markið var það sem kveikti í Selfyssingum í dag
Hvað þýða úrslitin?
Selfoss fer upp í 10. sæti og er loksins búnir að lyfta sér upp úr botnsætinu eftir langan tíma og eru jafnir Fylki af stigum með 10 stig en aðeins markatala skilur á milli 9. og 10. sæti
Vondur dagur
Fyrri hálfleikur hjá Fylki var algjör martröð þangað til að þeir gerðu tvöfalda skiptingu og þá fóru hlutirnir að skána. Selfoss völtuðu yfir þá fyrstu 35 mínúturnar í leiknum og Fylkir sá ekki til sólar á þeim kafla
Dómarinn - 6
Fær 6,5 í einkunn. Var mjög fínn en sum brot sem hefðu getað verið sleppt og sum brot sem hefði átt að vera flautað á. Stjórnaði annars leiknum mjög vel