SKÝRSLAN: Njarðvíkingar aftur á sigurbraut og halda pressu við toppinn
Hvað réði úrslitum?
Leikur þar sem úrslitin voru nánast aldrei í neinni hættu. Njarðvíkingar voru sterkari og unnu sanngjarnan og sannfærandi sigur. Smá móment með Leikni í lokin en aldrei þannig að það ógnaði sigri Njarðvíkinga að einhverju leyti.
Bestu leikmenn
1. Oumar Diouck
Er orðin markahæstur í deildinni eftir leikinn í kvöld. Skoraði tvö góð mörk og hefur verið frábær fyrir Njarðvíkinga í sumar.
2. Arnleifur Hjörleifsson
Fannst hann virkilega öflugur í vinsti bak í kvöld. Óheppin að skora ekki og lagði svo upp þriðja markið. Happafengur fyrir Njarðvíkinga í sumar.
Atvikið
Leiknismenn eru við það að sleppa í gegn þegar staðan er 3-1 fyrir Njarðvíkingum undir lokin en flaggið fór á loft. Alls ekki sannfærður um að þetta hafi verið rangstæða en ef Leiknir hefði náð inn marki þarna hefði það hleypt leiknum upp í loft.
Hvað þýða úrslitin?
Njarðvíkingar halda pressu við toppinn en þurfa að láta annað sætið duga í bili allavega. Leiknismenn eru ennþá stigi fyrir ofan fallsæti en mæta liðunum í kringum sig í síðustu tveim leikjum svo þetta er í þeirra höndum.
Vondur dagur
Shkelzen Veseli spilaði fyrri hálfleikinn í kvöld en það sást ekki mikið til hans.
Dómarinn - 5
Sleppi teyminu með fimm en það voru nokkur atvik sem stungu. Hvernig Thomas Boakye hjá Njarðvík slapp án spjalds úr þessum leik er magnað. Rangstaðan í lokin [sjá atvikið] hefur mikið að segja líka. Alls ekki sannfærður. Hvort það hefði breytt niðurstöðu leiksins er hinsvegar erfitt að segja svo við sleppum þessu með fimm.