SKÝRSLAN: Framarar stálu sigrinum af toppliði Vals
Hvað réði úrslitum?
Einstaklingsgæði skinu svolítið í gegn á þessum leik. Freyr Sigurðsson var mjög góður í leiknum ásamt Simon Tibbling.
Bestu leikmenn
1. Freyr Sigurðsson
Freyr var stórkostlegur í kvöld. Undirbúningurinn í fyrsta markinu var algert augnakonfekt og svo skaut hann í hendina á Sigurði sem varð að víti.
2. Simon Tibbling
Hann er bara einn gæðamesti leikmaður deildarinnar. Skoraði tvö mörk í dag og sveif um völlinn.
Atvikið
Vítadómurinn í lok leiks verður að vera atvik leiksins. Það skilaði Fram sínum fyrsta sigri síðan 5. júlí.
Hvað þýða úrslitin?
Úrslitin þýða að Fram situr í síðasta sæti efri hlutans eða 6. sæti. Þar sem að Víkingur og Breiðablik gerðu jafntefli, þá sitja Valsmenn enn á toppi deildarinnar en aðeins með eins stigs forskot.
Vondur dagur
Bara heilt yfir fyrir Val. Náðu ekki að klára nokkur færi nægilega vel. Þeir áttu líklegast skilið jafntefli og má deila um nokkra dóma í leiknum.
Dómarinn - 6
Nokkrir vafasamir dómar sem ég á bara eftir að sjá betur. Rangstöðudómur á Tryggva Hrafn, vítadómurinn og víti sem Valsarar vildu fá undir lokin.