Sæbjörn Þór Þórbergsson Steinke @saebjornth

- Meðalaldur 22 ár

- Meðalaldur 18 ár

Textalýsing Skýrslan

Hvað réði úrslitum? Klaufagangur Þórs/KA í fyrstu sókn Þróttar í leiknum og svo klaufagangurinn í góðum færum seinna í leiknum, sérstaklega fékk Kimberley gott skallafæri til að jafna leikinn og hitti ekki markið. Annars var það Mollee í markinu sem sá til þess að Þróttur tók öll stigin. Bestu leikmenn 1. Mollee Swift Varði stórkostlega frá Henríettu með fætinum og var svo vel staðsett í öðrum tilraunum Þórs/KA í leiknum og gerði sitt í að koma í veg fyrir mark frá heimakonum. 2. Jelena Tinna Kujundzic Með mikinn leikskilning og greip oft inn í á mikilvægum tímapunktum. Erfitt að gera á milli hennar og Sóleyjar íen ég vel frammistöðu Jelenar í þetta box. Atvikið Setjum þetta á skallafærið hjá Kimberley, hefði getað jafnað leikinn og augnablikið var svo sannarlega með Þór/KA.

Hvað þýða úrslitin? Þróttur vann sinn fyrsta leik eftir fjögurra leikja hrinu án sigurs. Þar sem FH tapaði eru einungis tvö stig upp í Meistaradeildarsæti. Þór/KA hefur tapað þremur leikjum í röð og er eftir sigur Víkings gegn FH komið í neðri hluta deildarinnar. Vondur dagur Sonja Björg Sigurðardóttir er klaufi að hafa farið yfir strikið eftir að hafa verið nýbúin að fá sitt fyrra gula spjald. Mikið undir og hausinn aðeins vanstilltur, hún lærir af þessu. Kimberley er svo líklega mjög svekkt með að hafa ekki skorað úr skallafærinu eftir frábæra hornspyrnu Karenar Maríu. Dómarinn - 8 Ég hefði ekki nennt að vera dómari leiksins í dag. Mér fannst Sveinn dæma þennan leik nokkuð vel, jújú það voru brot hér og þar sem hefði mátt flauta á, en það var ofboðslega mikil spenna í heimafólkinu í dag, of mikil myndi ég segja og óþarfa munnsöfnuður úr stúkunni sem mér fannst smitast inn á völlinn. Stuðningsfólk lét eiginlega allt sem Sveinn gerði fara í taugarnar á sér. Mér fannst í augnablikinu Þór/KA ekki eiga að fá víti í lok fyrri hálfleiks og ekki heldur eftir að hafa séð atvikið aftur.

- Meðalaldur 26 ár

- Meðalaldur 21 ár