Kári Snorrason @karisnorra

- Meðalaldur 29 ár

- Meðalaldur 26 ár

Textalýsing Skýrslan Viðtöl

Hvað réði úrslitum? Leikurinn var í járnum framan af, stórskemmtileg viðureign í alla staði. Mikið af færum og mikil dramatík. Blikar með yfirhöndina framan af leik en Valsmenn komu sér betur og betur inn í þetta. Bæði lið fengu mikið af færum en svo sem engin dauðafæri sem fóru forgörðum. Þegar á botninn er hvolft er jafntefli eflaust sanngjörn niðurstaða, en Blikar vissulega sitja með sárt ennið eftir að fá jöfnunarmarkið á sig á áttundu mínútu í uppbótartíma. Bestu leikmenn 1. Kristinn Jónsson Erfitt að finna einhvern einn sem stendur upp úr. Kristinn stóð sig með prýði í liði Breiðabliks og var góður bæði varnar- og sóknarlega. 2. Ögmundur Kristinsson Fyrsti leikur í deild eftir rúmlega árs fjarveru. Stóð sig vel og var traustur þrátt fyrir ekkert leikform. Byrjaði þó brösulega og hefði getað fengið sprellimark á sig eftir nokkra mínútna leik en allt kom fyrir ekki og hann fær þessa tilnefningu. Atvikið Vítaspyrnudómurinn undir lok leiks er auðvitað stóra atvik leiksins. Það er þó vert að nefna partýið hjá Kópacabana, stuðningsmannasveit Breiðabliks. Þeir sprengdu gígantískar konfettísprengjur í þrígang og glimmer út um alla stúku og inn á völl. Þá voru jafnframt sprengdir flugeldar í upphafi leiks, sem er nú alltaf skemmtilegt.

Hvað þýða úrslitin? Víkingur færist nær Íslandsmeistaratitilinum. Bæði Valur og Stjarnan eru fjórum stigum frá Víkingi nú þegar fjórar umferðir eru eftir. Breiðablik er sex stigum frá Evrópusæti og þurfa að knýja fram sigra í komandi leikjum til að eiga möguleika á áframhaldandi veru í Evrópukeppnum. Vondur dagur Markus Nakkim gerðist sekur um slæm mistök þegar hann renndi sér í teig Valsmanna og braut á Tobias Thomsen. Algjör óþarfi að renna sér niður og að eiga í hættu á að fá víti á sig. Dómarinn - 5 Vilhjálmur heilt yfir flottur í leiknum. Gerði vel í vítaspyrnudóminum á Val, fannst það galið í fyrstu en var laukrétt. Hann gerist þó sekur um slæm mistök í aðdraganda vítaspyrnudómsins á Breiðablik. Hólmar Örn greinilega slær í boltann og þaðan fer hann í Valgeir og í hornspyrnu sem dómurinn kemur upp úr. Að hafa misst af þessu reyndist Blikum ansi dýrt og gæti kostað þá Evrópusætið þegar á hólminn er komið.

- Meðalaldur 29 ár

- Meðalaldur 21 ár