SKÝRSLAN: Fimmti sigur Skagamanna í röð
Hvað réði úrslitum?
Í raun og veru nýttu Skagamenn færin sín betur heldur en Eyjamenn. Mikið rok hafði að sjálfsögðu áhrif á leikinn og ÍBV náði ekki að nýta sér vindinn nægilega vel á meðan Skagamenn voru skilvirkari í sínum aðgerðum.
Bestu leikmenn
1. Árni Marinó Einarsson
Var mjög öruggur í sínum aðgerðum í erfiðum aðstæðum og varði oft á tíðum mjög vel. Svo hélt hann auðvitað markinu hreinu.
2. Gísli Laxdal Unnarsson
Gerir náttúrulega vel í marki sínu sem kom á frábærum tíma fyrir Skagamenn. Hann var mjög ógnandi á hægri kantinum með hraða sínum og leikni.
Atvikið
Marcel gerir sig sekann um mistök í seinna marki Skagamanna sem að einmitt drap leikinn. Auðveld sending frá hægri kanti sem hann á að grípa auðveldlega en missir boltann fyrir fætur Viktors Jónssonar sem gat ekki annað en skorað.
Hvað þýða úrslitin?
Úrslitin þýða að ÍA eru komnir töluvert frá Vestra, Aftureldingu og KR og eru með 31 stig. Vestri á þó leik til góða. ÍBV eru efstir með 33 stig í neðri hlutanum og búnir að tryggja sæti sitt í efstu deild að ári.
Vondur dagur
Elvis Bwomono átti ekki góðan dag. Hann missti boltann oft illa og átti erfitt með sendingarnar sínar. Hugsanlega óvanur rokinu sem var í boði. Verð að nefna Marcel Zyppytowski líka vegna atviksins í seinna marki Skagamanna.
Dómarinn - 7
Nokkuð góð frammistaða hjá dómaratríói dagsins. Spurning með vítaspyrnu í stað aukaspyrnu hjá Eyjamönnum undir lok leiks annars bara solid leikur.