SKÝRSLAN: Stórmeistarajafntefli hjá Brautarholts systkinum
Hvað réði úrslitum?
Það sem réði úrslitum hér í dag var barátta og seigla hjá báðum liðum. Tindastóll var betri aðilinn fyrstu 36 mínúturnar eða allt þar til Fram setur 2 mörk með stuttu millibili og kemst yfir, þær taka svo yfir leikinn og setja þriðja markið snemma í fyrrihálfleik. Tinadstólskonur hins vegar gefast ekki upp, sýna gríðarlegan karakter, koma til baka og jafna leikinn. síðustu mínúturnar í leiknum hefði sigurmarkið getað dottið hvorum megin sem er en leikurinn var þá galopinn!
Bestu leikmenn
1. Birgitta Rún Finnbogadóttir
Ótrúlega sterkur og hraður leikmaður sem varnarmenn eiga í erfiðleikum með að ráða við. Skorar fyrsta mark Tindastóls með algjöru einstaklingsframtaki, pressar varnarmann Fram og nær af henni boltanum, kemst ein í gegn og skorar með þvílíku öryggi. Átti síðan marga hættulega spretti og fyrirgjafir. Makala, Elísa og Hrafnhildur Salka áttu þá líka mjög góðan leik fyrir stólana.
2. Ólína Sif Hilmarsdóttir
Átti góðan leik fyrir Fram í dag, skoraði annað mark Fram og var mjög öflug fram á við. klókur leikmaður sem náði að koma sér í góðar stöður. Una Rós, Eyrún Vala og Mackenzie áttu einnig mjög góðan leik en þeim var þó skipt útaf snemma í seinni hálfleik
Atvikið
Set þetta á vítið sem Tindastóll hefði klárlega átt að fá í stöðunni 3-2. Makala var tækluð inn í teignum, allir sammála í blaðamannastúkunni að þetta hafi verið pjúra víti og staðfest í sjónvarpsútsendingunni. Eiginlega óskiljanlegt að hvorki dómari né línuvörður hafi ekki séð neitt athugavert við þetta brot.
Hvað þýða úrslitin?
Úrslitin þýða það að hvort lið tekur með sér eitt stig úr leiknum. Fram þarf að vinna Þór/KA til að taka 1. sætið í neðri hlutanum en úrslitin hafa engin áhrif á Tindastól þar sem þær eru nú þegar fallnar.
Vondur dagur
Mig langar eiginlega bara setja þetta á dómarateymið... Það voru margar skrítnar ákvarðanir í dag...
Spurning með hvort snemmbúnar skiptingar hjá Fram hafi líka átt sinn þátt í að þær missa 3-1 sigur niður í 3-3 janftefli en það var mikið rót á liðinu með skiptingu snemma í seinni hálfleik
Dómarinn - 4
Mér fannst þetta ekkert sérstakur leikur í dag... Sleppir vítaspyrnu fyrir Tindastól og mjög mörg brot sem ekki var dæmt á og önnu brot sem ekki fengu spjald, m.a. rugby tækling þegar varnarmaður fram tekur um mittið á Hranfhildi ölku og hendir henni niður. Þetta var mjög skrítin lína...