SKÝRSLAN: Vindurinn stoppaði ekki Tryggva Hrafn
Hvað réði úrslitum?
Valsmenn fara heim með stigin þrjú á meðan Stjörnumenn fara heim með sárt ennið.
Bestu leikmenn
1. Tryggvi Hrafn Haraldsson
Tvö mörk og stoðsending, erfitt að velja hann ekki sem mann leiksins. Ótrúlega góður og sýndi gæði í dag, tók mörkin vel í dag sérstaklega slúttið í seinna markinu.
2. Hólmar Örn Eyjólfsson
Þegar það þarf að pakka í vörn þá er gott að hafa Hólmar, hann skallaði nánast alla boltana burt sem Stjarnan sendi inn í teiginn, sérstaklega í seinni hálfleik.
Atvikið
Þegar þriðja mark Valsmanna kom þá var Valur komnir í fimm manna línu og voru þeir frekar rólegir og tilbúnir til þess að sigla sigrinum heim. Stjarnan vissi ekkert hvað þeir áttu að gera og fóru bara í háa bolta sem vörn Valsmanna skölluðu bara burt.
Hvað þýða úrslitin?
Valsmenn eru komnir í þriðja sætið með 9 stig og fá KR í næsta leik en Stjarnan er í sjötta sæti með 6 stig og fara til Akranes. ÍA þarf sigur líka og getur þetta orðið áhugaverður leikur.
Vondur dagur
Skiptingarnar sem Stjarnan gerði í dag var ekki að gera neitt fyrir þá, það kom mjög lítið framlag frá þeim sem komu af bekknum. Kannski hefði mátt setja Hauk Brink meira snemma á en hann kom inn á á 90. mínútu. Annars voru Stjörnumenn frekar ráðalausir eftir þriðja mark Valsmanna og fóru bara í háa bolta sem gerði ekki neitt fyrir þá. Árni Snær hefði kannski átt að gera betur í þriðja marki Valsmanna.
Dómarinn - 6
Ágætt, engin svaka vafa atriði og var bara fínt.