Valur tekur þennan leik 2-1 í dag á Hlíðarenda! Í rauninni stálheppnar að labba með þennan sigur. Grindavík/Njarðvík væntnalega hundsvekktar að ná ekki allavega stigi úr þessum leik miðað við spilamennskuna í dag. Takk annars fyrir samfylgdina! Viðtöl og skýrsla kemur inn síðar í dag

Grindavík/Njarðvík reynir og reynir að finna jöfnunarmarkið, eru búnar að henda Natöshu fram með Tinnu Hrönn

A.m.k. 3 mínútur í uppbótartíma

Brotið á Tinn Hrönn, hún tekur spyrnuna sjálf, setur boltann inn í pakkann og Hannah nær skalla að markinu en Tinna Brá grípur þetta

Lily FARKAS! Ég sá þennan inn en rétt framhjá samskeytunum

Nadía sleppur ein í gegn... Er aaaaaaleiiiin en setur boltann beint á Kellet í markinu, þarna hefði hún átt gera betur

Teater á frábæra fyrirgjöf á Tinnu Hrönn sem skýtur í hendina á Kimberly inn í teig... Þetta hefði frá mínum bæjardyrum séð átt að vera hendi, Víti!

Grindavík/Njarðvík halda áfram að finna tækifæri til að jafna

Tinna Hrönn er nautsterk, nær að snúa manninn af sér og senda boltann niðri fyrir markið en vantaði bara eina tá til að pota boltanum inn

Teater tekur aukaspyrnu á miðjum vallarhelmingi Vals finnur Hönnuh stutt en ekkert verður síðan úr þessari sókn.

Aufí finnur Nadíu innfyrir en flaggið fer á loft

Sóley Edda reynir fyrirgjöf en Kellet stekkur kvenna hæst og handsamar boltann

Danai reynir skot eftir ágætis sókn hjá Gri/Nja en það er laflaust og framhjá

Tinna Hrönn er komin ein í gegn, gleymir hins vegar aðeins boltanum og missir hann frá sér, mætir svo Tinna Brá fellur við og fær svo skóinn á Helgu Rut í smettið.... Þetta hefur ekki verið þægilegt

Helga Rut tekur aukaspyrnu, setur langan bolta og reynir að finna Ágústu en Sophia er á undan í boltann

Ása Björg nær geggjuðum bolta fyrir en Valskonur sterkar og ná að vera á undan í boltann.

Natasha setur boltann upp á Tinnu Hrönn í fyrsta, hún snýr með boltann og þrumar honum á markið, hann smellur í þverslánni og yfir, Tinna Brá var eitthvað að misreikna boltann því hún reyndi ekki einu sinni við hann.

Ísabella Sara tekur horn fyrir Valskonur, Natasha nær fyrst til boltans, skallar burt og Tinna Hrönn sparkar honum svo fram

Ása Björg kemst í ágætis stöðu og reynir skot en Tinna Brá ver sem fyrr

Tinna nær boltanum af Bryndísi og setur hann út á Sophia Romine sem reynir skotið en Tinna Brá á ekki í vandræðum með það

Aufí er komin í gegn en flaggið á loft

Ágústa María hefur leikinn á ný fyrir Valskonur

1-1 hér í hálfleik í fínasta leik hér á Hlíðarenda. Nýliðarnir hafa verið töluvert sterkara liðið á vellinum og í raun eiga þær heiðurinn á báðum mörkunum, þar sem Kellett í markinu gaf Valskonum fyrsta markið.

Ása Björg nær frábærum bolta út í teiginn, reynir að finna Tinnu en Helga Rut nær að komast fyrir

Hrafnhildur Salka brýtur á Danai, Teater tekur þetta fljótt og reynir að lauma boltanum inn á teiginn fast niðri en Tinna Brá er vel vakandi og nær til boltans fyrst. Þetta var ágætis tilraun

Teater og Romine stillar sér upp til að taka spyrnuna. Teater ætlar að lauma honum til hliðar á Romine en boltinn of fastur og rennur út fyrir endalínu

Kolbrá Una brýtur á Rakel upp við vítateigshornið

Aufí og Natasha eigast við, Natsha skrefinu á undan og nær að koma boltanum frá

Grindavík/Njarðvík er að sundurspila Valsliðið inn á miðjunni og þær eiginlega bara eiga ekki séns í Ellie Coffield

Teater tekur spyrnuna ágætis bolti inn á teig en það er eins og engin í Gri/Nja hafi verið tilbúnar að hlaupa og Tinna Brá handsamar hann örugglega

Ísabella tekur aukaspyrnuna sjálf, setur hann á fjær þar sem Bryndís kemur hlaupandi og er alein en hún stýrir boltanum ekki næginlega vel á markið

Þessa stundina hafa nýliðarnir verið mun meira ógnandi og hafa bæði verið að pressa vel og komast í góðar stöður

Emma nær frábærum bolta fyrir, Tinna Hrönn er í baráttu við Tinnu Brá í markinu sem missir boltann frá sér en Vals konur ná að koma boltanum frá

Barátta í teig Vals, Tinna tekin niður en ekkert dæmt

Markmaður Gri/Nja Kellett spilar hér greinilega sem sweeper hún er bara hérna að leika listir sínar á miðjum vallarhelmingi sínum. Hefði getað reynst dýrkeypt

Natasha gerir ótrúlega vel, laumar sér mjög hátt á völlinn og á svo frábæran bolta inn fyrir vörn Vals en Teater ekki alveg nógu fljót að átta sig

Margrét Brynja við það að sleppa í gegn en Danai nautsterk ýtir henni frá boltanum og hirðir hann af henni. Smá líkamlegir yfirburðir þarna á ferðinni...

Kimberly Dóra laumar boltanum á Ísabellu Söru í hraðri sókn en aftur er Natasha hárrétt staðsett og kemst inn í þetta.

Margrét Brynja brýtur á Danai, sem er eitthvað pirruð á henni og ýtir henni frá

Kellet reynir langan bolta á Rakel en boltinn útaf

Aukspyrna sem Ísabella tekur fer yfir allan pakkan á fjær þar sem Bryndís ætlar að setja hann inn en Natasha er rétt kona á réttum stað og fer fyrir skotið,

Tinna Hrönn hefur leik fyrir gestina. Þeirra fyrsti leikur í deild þeirra bestu!

Það er eitthvað vesen í/á markinu, aðstoðardómararnir eru ekki tilbúnir að samþykkja að hefja leikinn fyrr en það er búið að laga netið sýnist mér

Leikmenn ganga hér inn á völlinn, þetta fer að hefjast!

Nýliðar ÍBV gerðu sér lítið fyrir og unnu lið Fram 4-3 í Úlfarársdalnum fyrr í dag. Það er spurning hvort hinir nýliðar deildarinnar nái einnig að gera sig gildandi hér í dag og taki stigin þrjú gegn Val

Grindavík/Njarðvík ætla að koma upp og keyra á liðin, þær eiga Val úti i dag og yfir 3,5 mörk er á stuðlinum 1.95 á Epic og það er gott veðmál.

— Kristalkúlan (@kristalkulan) April 25, 2026

Valur 1. Tinna Brá Magnúsdóttir (m) 3. Sóley Edda Ingadóttir 4. Helga Rut Einarsdóttir 5. Bryndís Eiríksdóttir 6. Kimberley Dóra Hjálmarsdóttir 7. Ísabella Sara Tryggvadóttir 8. Arnfríður Auður Arnarsdóttir 15. Hrafnhildur Salka Pálmadóttir 16. Margrét Brynja Kristinsdóttir 18. Málfríður Anna Eiríksdóttir (f) 28. Kolbrá Una Kristinsdóttir Lið Vals er stútfullt af ungum og efnilegum leikmönnum úr öllum áttum en Valur hefur verið duglegt á markaðnum í vetur. Það eru fáir leikmenn sem ekki eiga leiki með yngri landsliðum. Nú síðast kom til þeirra U-19 landsliðsfyrirliðinn Helga Rut Einarsdóttir frá Breiðablik sem byrjar einmitt inn á hér í dag. Grindavík/Njarðvík 1. Lauren Kellett (m) 2. Ellie Coffield 5. Natasha Anasi 12. Hannah McLaughlin 15. Tinna Hrönn Einarsdóttir 17. Sophia Faith Romine 18. Ása Björg Einarsdóttir 19. Rakel Sigurðardóttir 22. Sigríður Emma F. Jónsdóttir (f) 24. Danai Kaldaridou 26. Maci Nicole Teater Síðasti formlegi leikur Gri/Nja var 7. mars, frá þeim tíma hafa fleiri leikmenn bæst við líkt og Ellie Coffield sem m.a. skoraði gegn Íslandsmeisturum Breiðabliks í æfingaleik á dögunum. Þá verður gaman að sjá Natöshu Anasi byrja leikinn en hún hefur verið að koma sér í gang eftir krossbandsslit í fyrra.

View this post on Instagram

A post shared by Valur FC (@valurfc)

View this post on Instagram

A post shared by Grindavík/Njarðvík - Meistaraflokkur kvenna (@grindaviknjardvik_mfl.kvk)

Valur Komnar Ísabella Sara Tryggvadóttir frá Rosengård Margrét Brynja Kristinsdóttir frá FH Kimberley Dóra Hjálmarsdóttir frá Þór/KA Sonja Björg Sigurðardóttir frá Þór/KA Helga Rut Einarsdóttir frá Breiðabliki Eyrún Vala Harðardóttir frá Fram Sigrún Ísfold Valsdóttir frá HK Ágústa María Valtýsdóttir frá Haukum (var á láni) Hrafnhildur Salka Pálmadóttir frá Tindastóli (var á láni) Glódís María Gunnarsdóttir frá Haukum (var á láni) Farnar Fanndís Friðriksdóttir hætt Elísa Viðarsdóttir í Breiðablik Jordyn Rhodes Jasmín Erla Ingadóttir í Víking Guðrún Elísabet Björgvinsdóttir Helena Ósk Hálfdánardóttir í Víking Arna Sif Ásgrímsdóttir í Þór/KA Natasha Anasi í Grindavík/Njarðvík Anna Rakel Pétursdóttir ólétt Grindavík/Njarðvík Komnar Natasha Anasi frá Val Rut Sigurðardóttir frá Haukum Lily Anna Farkas frá Fram Lea Björt Kristjánsdóttir frá Þrótti Maci Teater frá Bandaríkjunum Hannah McLaughlin frá Bandaríkjunum Lauren Kellett frá Bandaríkjunum Júlía Ruth Thasaphong frá Víkingi Ellie Coffield frá Bandaríkjunum Rakel Sigurðardóttir á láni frá Víkingi Farnar Emma Björt Arnarsdóttir í KR (var á láni frá FH) Brookelynn Paige Entz í Fram Krista Sól Nielsen í Tindastól

Grindavík og Njarðvík mættu í fyrsta sinn með sameiginlegt lið til leiks í kvennaflokki síðasta sumar. Liðinu var spáð sjöunda sæti fyrir Lengjudeildina en þetta nýstofnaða lið kom mikið á óvart og endaði í öðru sæti deildarinnar, og vann sér þannig inn rétt til að spila í Bestu deildinni í sumar. „Grindavík/Njarðvík er að mörgu leyti óskrifað blað en það sem einkenndi liðið á síðasta tímabili voru öflugir erlendir leikmenn og mikil stemning." „Undirbúningstímabilið hefur verið upp og niður en sigur gegn FH og jafntefli við Stjörnuna ætti að gefa liðinu kraft til að ná lengra og hafa trú á að liðið geti haldið sér uppi." „Heimavöllurinn mun vega þungt og þarf liðið að gera grasvöllinn að vígi. Það þarf að vera standandi partý en ef byrjunin verður þung er líklegt að tónlistin hætti og grasið fari að súrna ansi hratt."

Liðinu er spáð 6. sæti, sem endurspeglar ákveðna óvissu í kjölfarið á breytingum sem hafa orðið eftir að tímabilinu 2024 lauk. „Reykjavíkurmeistarar en varla unnið leik eftir það og vandræðalegt tap við Fram í Lengjubikar sagði manni ansi margt um ástand liðsins." „Hópurinn er stór og verður fróðlegt að sjá alla þessa ungu og efnilegu leikmenn fá þann leiktíma sem búið er að lofa þeim. Það verður enginn millivegur í ár þetta verður annað hvort hörku toppbarátta eða alvöru fallbarátta."

Tveir opnunarleikir Bestu deildar kvenna voru spilaði í gær. í dag eru þrír leikir á dagskrá sem klára umferðina. Leikirnir í gær: Breiðablik - Þróttur 2-0 Víkingur R. - Stjarnan 2-1 Í dag: Fram - ÍBV 13:00 Valur - Grindavík/Njarðvík 16:00 Þór/KA - FH 16:00

Á flautunni í dag verður Hreinn Magnússon og honum til halds og trausts verða Daníel Ingi Þórisson og Nour Natan Ninir aðstoðardómarar. Eftirlitsmaður er Sigurður G. Friðjónsson og fjórði dómari í kvöld er Breki Sigurðsson

Heil og sæl kæru lesendur! Verið hjartanlega velkomin í beina textalýsingu þráðbeint frá N1-vellinum á Hlíðarenda þar sem Valur tekur á móti nýliðum Grindavík/Njarðvíkur í fyrstu umferð Bestu deildarinnar! Leikurinn hefst á slaginu 16:00!