Tryggvi Guðmundsson @fotboltinet

- Meðalaldur 26 ár

- Meðalaldur 23 ár

Textalýsing Skýrslan

Hvað réði úrslitum? Frekar lokaður leikur og þá sérstaklega í fyrri hálfleik. Eyjamenn spiluðu mjög agaðan og skipulagðan varnarleik og áttu Víkingar í erfiðleikum með að finna opnanir. Víkingar sýndu meiri gæði í leik sínum í síðari hálfleik, sérstaklega sóknarlega. Auðvitað verð ég að minnast á bæði mörk leiksins þar sem mér fannst Ari eiga að gera betur. Í fyrra markinu finnst mér Ari eiga að verja frekar lausan skalla Óskars Borgþórssonar og í seinna markinu hittir hann boltann illa og boltinn beint til Gylfa Þórs sem klárar fagmannalega. Bestu leikmenn 1. Óskar Borgþórsson Óskar var sprækur á kantinum og bjó til færi fyrir samherja sína nokkrum sinnum. Skoraði svo fyrsta mark leiksins. 2. Gylfi Þór Sigurðsson Er auðvitað eins og allir vita mótorinn á miðjunni hjá Víkingum. Skoraði fallegt mark í fyrri hálfleik sem var dæmt af vegna brots og átti annað skot í slá. Gerir svo stórkostlegt mark í síðari hálfleik og loka leiknum fyrir Víkinga. Atvikið Þegar Ari hittir boltann illa og beint í lappirnar á Gylfa Þór sem klárar með mjög góðu skoti fyrir aftan miðju.

Hvað þýða úrslitin? Víkingur heldur áfram að berjast við KR-inga um efsta sætið og heldur þeim við efnið. Eru komnir með 19 stig og eru á toppnum eins og er, KR á leik til góða. ÍBV hefur ekki enn unnið leik eftir sjö umferðir og situr því á botni deildarinnar með eitt stig. Vondur dagur Ari i Haraldstovu, markvörður ÍBV, átti ekki sérstakan dag. Mér fannst hann eiga að verja fyrra markið, þar sem að fótavinna hans var afar hæg. Og svo auðvitað títtnefnt atvik þegar hann gefur á Gylfa Þór í öðru markinu. Dómarinn - 8 Pétur lögga átta bara fínan dag. Einhverjir Vestmannaeyingar vildu fá vítaspyrnu í fyrri hálfleik þegar Sesar Örn fékk hönd leikmanns Víkinga í andlitið, en frá okkar sjónhorni úr blaðamannastúkunni þá virtist vera um algjört óviljaverk að ræða.

- Meðalaldur 28 ár

- Meðalaldur 26 ár