Kristján Hrafn Kristjánsson @fotboltinet

- Meðalaldur 28 ár

- Meðalaldur 21 ár

Textalýsing Skýrslan

Hvað réði úrslitum? Fyrri hálfleikurinn sem Njarðvík spilaði var í raun það sem réði úrslitum í dag, Njarðvíkingar komu inn í leikinn með gríðarlega mikla orku og vilja til að vinna leikinn og það uppskar þennan sigur í dag. Njarðvík voru sterkir báðum megin á vellinum, vel skipulagðir til baka og hættulegir fram á við. Á hinn endann létu Vestramenn valta yfir sig af þessu sterka Njarðvíkurliði og veittu því litla mótspyrnu. Bestu leikmenn 1. Bragi Karl Bjarkason Auðvelt val, Bragi skoraði tvö mörk og var nálægt því að skora það þriðja í seinni hálfleik. Mjög hættulegur og góður í dag. 2. Freysteinn Ingi Guðnason Freysteinn skoraði frábært mark og fiskaði víti í leiknum. Atvikið Þriðja mark Njarðvíkur sem Freysteinn gerði vel í gerði alveg út um þennan leik og lið Vestra átti ekki séns að koma til baka eftir það.

Hvað þýða úrslitin? Það er erfitt að segja nákvæmlega hvað úrslitin þýða vegna þess að það eru enn þá leikir í gangi þegar þetta er skrifað, en þessi sigur Njarðvíkur kemur þeim inn í þennan þétta pakka sem er að myndast í kringum umspilssætinn. Vestramenn hreyfast lítið milli leikja, þeir eru með sjö stig eftir sex leiki og eru um miðja deild. Vondur dagur Konstantin Cheshmedjiev og Edson Eduardo Dias Gomes deila þessu í dag. Konstantin spilaði í miðverðinum í kvöld og átti algjöran hausskúpuleik, margar sendingar upp völlinn beint á andstæðinginn og yfir allt slakur í dag. Edson var sömuleiðis í miklu brasi í dag, gaf víti í fyrri hálfleik og átti mjög erfitt í vinstri bakverðinum í kvöld. Dómarinn - 8 Sigurður Hjörtur og hans menn voru mjög flottir í kvöld, negldu allar ákvarðanir að mínu mati og höfðu góð tök á leiknum.

- Meðalaldur 27 ár

- Meðalaldur 24 ár