Vestramenn næla sér í sterkan 0-1 sigur í heldur bragðdaufum leik.

Skýrsla og viðtöl væntanleg seinna í dag.

Ég þakka fyrir mig.

Leiktíminn er liðinn en aðeins bætt við vegna meiðsla Marvin.

Skalli sem ratar ekki á markið og Vestramenn fá markspyrnu.

4 mínútum bætt við.

Fall með vesen inni í eigin teig og nær ekki að hreinsa en Marvin handsamar knöttinn að lokum og virðist hafa fengið eitthvað högg þar sem hann liggur eftir.

Vestri að spila 6-3-1 þessar lokamínútur og ætla að sigla þessu heim.

ÍR klaufar að missa boltann og Vestramenn gera vel og halda í boltann og róa þetta niður.

Góð hreyfing hjá Ágústi sem kemur sér í gott færi en Marvin ver vel.

Tíu mínútur eftir og ÍRingar í leit að jöfnunarmarkinu.

Balde sendir Breka inn fyrir vörnina en Vilhelm nær snertingu á boltann og Vestri fær hornspyrnu.

Víðir Freyr fær frían skalla á fjærstönginni eftir hornspyrnu ÍR en hittir boltann illa og setur hann yfir.

Orri með skot rétt fram hjá markinu. Enn sækja Breiðhyltingar.

Langt innkast hjá ÍR sem Bergvin fannar skallar áfram á Guðjón sem kemur honum á markið en beint á Marvin.

ÍRingar með öll völd þessa stundina.

Emil tekur spyrnuna sem ratar beint í veggnum og Balde liggur eftir. Virðist hafa fengið boltann beint í magann.

Konstantin sparkar Orra niður rétt fyrir utan teig og er niðurstaðan aukaspyrna á hættulegum stað.

Guðjón Máni með fastan skalla úr fínu færi en beint á Marvin sem grípur boltann.

Konstantin fullur sjálfstrausts reynir skot frá miðju úr aukaspyrnu en ekkert vesen á Vilhelm í þetta skiptið.

ÍRingar þjarma að marki Vestra en komast ekkert áleiðis.

Boltinn fer aftur fyrir mark ÍR og Vestri fær hornspyrnu og bekkur Breiðhyltinga lætur vel í sér heyra.

Við vonumst eftir aðeins meiri skemmtun.

Ekki sekúndu bætt við þennan rólega fyrri hálfleik.

Tökum okkur 15 mínútna hlé.

Halldór Atli með hægri fótar skot sem fer rétt yfir markið.

Síðustu mínútur hafa verið líflegar.

ÍRingar keyra hratt upp völlinn og Hákon rennir boltanum á Guðjón sem skýtur fram hjá markinu.

Selvén með góðan bolta fyrir markið úr hornspyrnu og mikið klafs myndast inni á teignum sem endar með skoti frá Phete en það ratar ekki á markið.

Hákon Dagur með góðan sprett og sækir hornspyrnu. Boltanum er hreinsað frá og Halldór tekur skot af 40 metra færi sem endar víðsfjarri markrammanum.

Balde vinnur boltann af Hákoni og gefur á Fall sem tekur skot sem fer yfir markið.

Duah dæmdur rangstæður í þriðja sinn hér í dag og Badu ekki sáttur út í hann.

30 mínútur á klukkunni og hafa þær verið afar rólegar.

Marvin neglir boltanum fram beint á pönnuna á Breka sem flikkar boltanum í gegn á Duah sem er einn á móti Vilhelm sem sér við honum.

Selvén keyrir upp völlinn og gefur á Balde sem kemur með góða fyrirgjöf en Breki nær ekki að teygja sig í boltann og Vilhelm handsamar hann.

Góð fyrirgjöf í hættusvæðið frá Ágústi en Bergvin Fannar kiksar boltann úr góðri stöðu.

Nú komið að Vestra að halda aðeins í boltann en við bíðum enn eftir fyrsta alvöru marktækifærinu.

ÍRingar halda áfram að þjarma að Vestramönnum og fá aukaspyrnu í góðri fyrirgjafastöðu.

Spyrnan tekin stutt og Emil Nói á fyrsta skot leiksins sem ratar fram hjá markinu.

ÍR heldur meira í boltann hér og sækir fyrstu hornspyrnu leiksins.

Leikurinn fer rólega af stað.

Leikurinn farinn af stað hér í Breiðholtinu.

Jóhann Birnir gerir 5 breytingar frá skellnum gegn Ægi í síðustu umferð. Halldór, Hrafn, Kristján, Guðjón og Hákon koma allir inn í byrjunarliðið.

Badu gerir þrjár breytingar frá 0-3 tapinu gegn Njarðvík en Johannes Selvén, Emmanuel Duah og Guðmundur Páll taka sæti í byrjunarliðinu frá síðasta leik.

Vestri situr í 9. sæti einnig með 7 stig eftir 6 leiki en þeir koma inn í þennan leik kaldir eftir síðustu leiki liðsins. Liðið hefur fengið á sig 8 mörk í síðustu tveimur umferðum, nú síðast tapaði liðið 0-3 gegn Njarðvíkingum á Kerecisvellinum.

ÍR situr í 8. sæti með 7 stig eftir 6 leiki en einungis 2 stig eru í 5. sætið sem gefur sæti í umspilinu um sæti í Bestu deildinni á næsta ári. Í síðustu umferð máttu Breiðhyltingar þola þungt 4-1 tap fyrir Ægi sem var fyrsti sigur Ægismanna og er því mikilvægt fyrir Breiðhyltinga að ná í úrslit hér í dag.

Adam Ægir Pálsson, leikmaður Vals, spáði fyrir um úrslit 7. umferðar Lengjudeildar karla. Spáði hann þægilegum 3-0 sigri heimamanna og bendir á að fylgjast með Ísaki Atla, leikmanni ÍR.

Í gær tilkynni knattspyrnudeild ÍR að nýr leikmaður væri genginn til liðs en það er hann Róbert Kolbeins Þórarinsson. Róbert kemur úr háskólaboltanum í Bandaríkjunum þar sem hann er nýústkrifaður úr Eckerd College og er hafsent að upplagi.

Dómari leiksins hér í dag er hann Stefán Ragnar Guðlaugsson pg aðstoðardómararnir tveir eru þeir Ragnar Þór Bender og Breki Sigurðsson, eftirlitsmaður er Jón Magnús Guðjónsson.

Heil og sæl og verið velkomin í textalýsingu fyrir leik ÍR og Vestra í 7. umferð Lengjudeildar karla. Bæði lið þurfa á stigum að halda hér í dag en liðin sitja í 8. og 9 sæti með jafn mörg stig.