Vestri vinna öruggan sigur á Völsungi 5-1. Skýrsla og viðtöl væntanleg, takk fyrir mig.

Frábær skyndisókn Vestra sem endar á að Marínó er komin einn í gegn, hann tekur skotið en það er laf laust framhjá.

Þórður Gunnar komin einn í gegn og tekur skot framhjá Jochum en Arnar Páll nær að tækla þetta í burtu á línunni á ótrúlegan hátt. Spurning hvort þessi hafi verið inni, mjööög erfitt að sjá.

Arnar Pálmi labbar framhjá Gabríel Heiðberg og sendir fyrir þar sem Andri Bergmann er aleinn og skýtur framhjá

Völsungur fara upp í sókn strax eftir færið hjá Breka Tómas Bjarni sendir boltann fyrir á Elmar Örn sem er gal opinn á nær svæðinu og skýtur framhjá á ótrúlegan hátt.

Allt í einu dettur Breki í gegn sem er kominn einn á einn gegn Jochum en hann skýtur hátt yfir.

Sólin því miður farin á bakvið ský, vonum að hún láti sjá sig aftur.

Dagbjartur finnur Fernando í gegn og hann kemst í góða stöðu en Elmar nær að pressa vel á hann og gerir skotið sem Marvin ver erfitt.

Gunnar Jónas fer í áhugaverða tilraun frá miðju en Jochum stóð í markinu og grípur þetta auðveldlega

Breki Þór komst í góða stöðu á vinstri kantinum en var ekki nógu ákveðin að sækja og Völlarar náðu boltanum af honum.

Rólegt yfir þessu fyrstu mínúturnar í seinni hálfleik.

Balde sparkar þessu af stað.

Allt jafn á Kerecisvellinum í hálfleik 1-1. Vestramenn byrjuðu mun betur en Völsungur gerðu vel að vinna sig inn í leikinn þegar leið á hálfleikinn. Tökum okkur 15 mínútna pásu.

Jochum liggur í teig Völsungs og fær aðhlynningu frá sjúkraþjálfara Vestra. Þetta gætu verið slæmar fréttir fyrir Völsung vegna þess að þeir eru ekki með skráðan varamarkmann á bekknum. Jochum stendur upp og virðist vera í lagi með hann.

Fernando Arranz með góðan sprett sem endar á skoti frá honum sem fer yfir.

Vestri fá horn sem þeir taka stutt, Gunnar Jónas fær boltann og kemur með góða fyrirgjöf á kollinn á Edson sem skallar yfir.

Albert Ingi með frábæra sendingu í gegn á Gunnar Jónas sem náði ekki að taka við boltanum og Jochum handsamar hann.

Breki gerir vel að vinna sig upp vinstri kantinn og kemur boltanum fyrir á Gunnar sem reynir einhverskonar hælspyrnu sem er laus og fer beint á Jochum í markinu.

Hættulegur bolti frá hægri kantinum sem Elfar nær ekki til, boltin endar á færstönginni þar sem Guðmundur Páll hreinsar í horn. Ekkert kom úr hornspyrnunni.

Eftir smá klafs hreinsa Völsungur.

Spyrna fyrir frá Guðmundi Arnar sem Arnar Pálmi skallar frá.

Balde gerir vel að snúa á miðjunni og kemur boltanum upp kantinn á Guðmund Arnar sem sendir hættulegan bolta fyrir sem Jochum gerir vel að handsama.

Modoumatarr Mbye stoppar lofandi sókn hjá Vestra og fær tiltal frá Róberti dómara.

Spyrnan fyrir og Vestramenn hreinsa.

Elfar Árni sparkar okkur í gang.

Liðin labba hér inn á völlin í þessu gullfallega veðri sem við fáum hér í dag.

Borja Iglesias þjálfari Völsungs gerir einnig þrjár breytingar á sínu liði eftir 2-3 tap fyrir Ægi í síðustu umferð. Inn í liðið koma þeir ochum Magnússon, Fernando Jimenez Arranz og Elfar Árni Aðalsteinsson. Á bekinn setjast Gestur Aron Sörensson og Ýmir Hjálmsson. Stefán Stefánsson sem spilaði í marki Völsungs í síðasta leik er utan hóps.

Daniel Badu þjálfari Vestra gerir þrjár breytingar á sínu frá 0-1 sigri liðsins á ÍR í síðustu umferð. Inn koma Gunnar Jónas Hauksson, Albert Ingi Jóhannsson og Guðmundur Arnar Svavarsson. Guðmundur er að byrja sinn fyrsta leik í sumar og Albert Ingi er að byrja sinn fyrsta leik í deildarkeppni. Út koma Emmanuel Duah, Sergine Fall og Thibnag Cafu Phete. Fall og Cafu Phete lykilmaður Vestra eru utan hóps hjá Vestra í dag.

Vestri og Völsungur hafa mæst 8 sinnum og síðast þegar þau mættust vann Vestri 1:0 sigur, það var árið 2019. Liðin hafa bæði unnið þrisvar sinnum í innbyrðis viðureignum þeirra og tvisvar sinnum hafa leikir liðanna endað með jafntefli. Vestri og Völsungur hafa aðeins spilað gegn hvor örðu 8 sinnum, ein af ástæðum fyrir því að liðin hafa ekki mæst oft er sú að Vestri er frekar nýtt lið og var stofnað árið 2016. Fyrir það var liðið BÍ Bolungarvík. BÍ Bolungarvík og Völsungur mættust sex sinnum þá fyrst árið 2010. Þar er það sama nánast sama tölfræði á sigrðuðum leikjum liðana, BÍ Bolungarvík og Völsungur skiptu sigrunum jafnt á milli sín, þrír sigrar hver.

Sigurður Hrannar Þorsteinsson, sóknarmaður Hauka fékk það verkefni að spá fyrir leikjum 8. umferðarinnar. Sigurður Hrannar hefur farið vel af stað í sumar og er búinn að skora sex mörk í fimm leikjum í 2. deild. Vestri 2 - 0 Völsungur (15:00) Ég bara sé ekki Völlara skora í þessum leik með Marvin Darra í þessu standi í marki Vestra.

Það hefur margt gengið á hjá Völlurum á tímabilinu, gegni liðsins hefur verið slæmt og þeir eru ennþá í leit af sínum fyrsta sigri. Liðið situr í síðsta sæti í deildinni með tvö stig. Borja Iglesias var nýlega ráðinn þjálfari liðsins eftir að Belgíski ævintýramaðurinn Patrick De Wilde fór frá félaginu rétt fyrir mót. Þá fóru Völsungur í þjálfaraleit, Elfar Árni Aðalsteinsson og Bjarki Baldvinsson komu inn sem bráðabirgðar stjórar þangað til Borja var ráðinn í miðjum maí mánuð.

Vestramenn hafa verið frekar óútreiknanlegir hingað til á tímabilinu og þeir hafa sýnt allskyns hliðar á sínum leik. Þeir hafa spilað leiki þar sem þeir sækja mikið og skora mörk, einnig hafa þeir spilað leiki þar sem þeir eru alveg yfir spilaðir og tapa illa. Það má segja að það vanti stöðuleika í leik Vestra hingað til. Í síðustu umferð spiluðu þeir gegn ÍR og unnu þar 0-1 iðnaðarsigur þar sem þeir vörðust vel og héldu hreinu í fyrsta skipti sitt á tímabilinu. Vestri situr í 8. sæti með 10 stig og það verður spennandi að sjá hvaða lið og frammistöðu við fáum frá Vestra í dag.

8. umferð Lengjudeildarinnar fór af stað í gærkvöldi með þremur leikjum. Leikir gærkvöldsins: Ægir 0-3 Leiknir R. Njarðvík 5-1 ÍR HK 2-1 Afturelding Leikir dagsins: Fylkir- Þróttur (14:00) Vestri- Völsungur (15:00) Grótta-Grindavík (Frestað)

Róbert Þór Guðmundsson er dómari leiksins í dag og honum til halds og trausts eru þeir Guðmundur Ingi Bjarnason, Óliver Thanh Tung Vú. Eftirlitsmaður KSÍ er Lúðvík Þorgeirsson.

Góðan daginn kæru lesendur og verið velkomin í þessa þráðbeinu textalýsingu frá Kerecis-vellinum á Ísafirði. Vestri taka á móti Völsungi í 8. umferð Lengjudeildarinnar og leikurinn fer af stað á slaginu 15:00.