Spila það stutt og tefja. Þeir ætla bara að reyna halda forystunni

Aukaspyrna fyrir Selfoss rétt fyrir utan teig hægra megin!

Aron Fannar Hreinsson reynir skotið en boltinn fer hátt yfir. Fjölnismenn að pressa með mikilli ákefð. Lítið eftir

Selfyssingar með skot á Snorra en hann ver þetta vel

Mikill darraðardans eftir þessa aukaspyrnu. Aron Lucas reynir á endanum skotið en Snorri ver örugglega

Úffffffff Elías næstum búinn að henda í mark strax eftir hann kemur inná. Einn á móti marki og reynir að sneiða hann framhjá Snorra sem hleypur á móti. Boltinn fer útaf

Aron Lucas reynir skot rétt hliðina á D-boganum. Flottur snúningur á honum en hann fer rétt framhjá

Selfyssingar vilja fá dæmda hendi á varnarmann Fjölnis, ég gat ekki betur séð en að þetta átti að vera hendi

Mikill hiti í leiknum. Leikmaður Selfoss tekur niður sem virðist sparka eitthvað svo í Orra meðan hann liggur. Orri ætlar svoleiðis að hjóla í manninn en leikurinn ekki stöðvaður

Sýnist Frosti brjóta á Agli. Aukaspyrnar er fyrir framan teig, hægra megin. Príma skotfæri. Slök spyrna. Reynir krossið en þar er varnarmaður mættir að skalla þetta burt. Illa nýtt

Sýnist hvorugt lið gera breytingar

Vá!! Egill Otti með frábæra takta! Tekur boltann í fyrsta á hægri væng, og boltinn fer í þverslánna! Þetta var síðasta færi fyrri hálfleiks þar sem Ásmundur flautar beint eftir þetta!

Frábær tækling frá Ívani Breka í aðdragandanum! Fjölnismenn fá hinsvegar annað horn eftir að skot Viktors að ég held fer í varnarmann. Selfyssingar ná þó að hreinsa eftir mikinn skallaleik

Frosti fær boltann, reynir að leika á varnarmann en missir hann frá sér. Var í flottu færi en kastaði þessu algjörlega frá sér þarna

Lítið að gerast eftir þetta færi Viðars

Dauðafæri fyrir Viðar Örn hér sem fær boltann einn á móti markmanni, en boltinn flækist eitthvað milli lappa Viðars og missir hann frá sér

Spila sig vel hérna. Orri með flotta sendingu á leikmann vinstra megin inn í teig en Selfoss hreinsar út í horn. Fjölnismenn menn ná þó ekki að nýta tækifærin

Senda boltanum út fyrir teig á Mikael Breka sem reynir skotið sem fer aftur á manninn sem tók hornið sem ég sá ekki hvað heitir, hann nær fallegum boga á boltanum í teiginn en Selfoss hreinsar

Orri með góða sókn fyrir Fjölni! Fær boltann hægra megin, hleypur að D-boganum og leikur á einn þar!

Frábær skyndisókn fyrir Selfoss! Ívan Breki fær frábæran bolta fyrir, hleypur upp allan hægri vænginn og á sendingu á Viðar sem tekur hann í fyrsta, en boltinn er auðveldur fyrir Snorra Þór

Fjölnismenn komast í sókn eftir mislukkaða sendingu. Hlaupa upp hægri venginn og reyna háa sendingu inn en Dagur er þar mættur og hreinsar í horn, en Fjölnir nær ekki að nýta sér þetta tækifæri

Aron Lucas komst í skyndisókn fyrir Selfoss, en varnarmaðurinn var fljótari fyrir.

Aron fær boltann í teignum en nær ekki skotinu alveg nægilega vel, boltinn fer af varnarmanni og út fyrir endalínu. Selfoss fær síðan annað horn eftir að Dagur gerir tilraun að marki sem Fjölnir hreinsar út. Í seinna horninu þarf svo að stöðva leikinn eftir að tveir Fjölnismenn skella saman höfðum í skallabaráttu

Þetta var heldur betur nálgt! Aron Lucas kominn á hægri kant og nær að sneiða flottum bolta á Aron. Aron tekur hann í fyrsta en boltinn lendir beint í andlitinu á Snorra og út í horn! Selfoss nær þó ekki að nýta þetta horn

Selfyssingar reiðir út í Ásmund. Snorri kominn rétt út fyrir teig, þeir ná að leika á hann en Snorri brýtur á sóknarmanninum en ekkert dæmt

Viðar dæmdur rangstæður, flottur bolti frá Daða en hárrétt hjá AD

Rétt eftir hornið voru Fjölnismenn í dauðafæri! Egill Otti komst á vinstri kant og reyndi lágan bolta inn, en Selfyssingar náðu að hreinsa! Þetta var kjörið tækifæri fyrir Fjölni!

Mjög flott sókn fyrir heimamenn, Birgir Þór leikur á einn, sendir út, þeir reyna síðan háan bolta í teig en boltinn fer af Aron Fannari

Viðar Örn fær boltann, nær að hringsóla einhvern og reynir skot, en Snorri nær að verja þennan bolta

Selfoss búið að ógna meira. Ásmundur dæmir síðan brot í teig gegn Snorra Þór og aukaspyrna niðurstaðan

Selfyssingar áttu fína sókn. Boltanum var skipt snyrtilega yfir á Aron Fannar sem var hægra megin, en Fjölnismenn voru flottir í vörn og náðu á enda að hreinsa boltanum

Stórleikur 2. deildar hafinn!

Þessi veisla fer að byrja! Liðin mætt út á völl!

Gunni gerir tvær breytingar á Fjölnisliðinu. Inn koma Patryk Hryniewicki og Sölvi Sigmarsson. Óli Flóvents gerir eina breytingu á sínu Selfossliði, en inn kemur Daði Kolviður sem fyrirliði fyrir Reyni Frey, en stóru fréttirnar eru þær að Jón Daði er kominn aftur inn í Selfossliðið, en hann byrjar á bekknum

Samkvæmt KSÍ hafa þessi lið mæst 26 sinnum, Fjölnir sigrað 12, Selfoss sigrað 13, og í eitt skipti hafa liðin gert jafntefli. Fyrsti leikur fór fram 1996 í 1. umferð 3. deildar, en sá leikur fór 4-5, Selfossi í vil! Þar skoraði Sævar Þór Gíslason fjögur mörk fyrir Selfoss! Stærsti sigur Fjölnis fór 4-1 í Lengjudeildinni 2022, Fjölnir endaði það tímabil í 4. sæti, en Selfoss sat í 9. sæti. Stærsti sigur Selfoss var 0-4 sigur í 2. deild á því herrans ári 1998, en þar skoraði Njörður Steinarsson þrennu. Selfoss hélt sér uppi í 8. sæti, en Fjölnismenn þurftu að bíta í það súra epli að lenda í neðsta sæti deildarinnar

Bæði lið taka þatt í yngstu og virtustu bikarkeppninni, en Fjölnir fóru norður í Bogann á Akureyri og tóku magnaða Magnamenn í kennslustund, og sigruðu 1-4! Selfyssingar tóku ferð í Reykjaneshöllina og sigruðu Hafnir 1-3. Fjölnir fá heimaleik gegn Álftanes, sem sitja ósigraðir í 1. sæti 4. deildar! Selfoss fær skemmtilegan leik í 16-liða úrslitum, en þeir munu mæta sínu aðildarfélagi, Árborg! Það er ekki oft sem maður sér svona lagað í íslenskum fótbolta en þetta verður klárlega einn af skemmtilegri leikjum sumarsins!

Selfoss situr í 5. sæti eftir 5 umferðir, en þeir hafa sigrað tvo gegn Kormáki/Hvöt og Víking Ó., gert tvö jafntefli gegn Hvíta Riddaranum og Dalvík/Reyni, og tapað einum gegn KFA. Í þessum 5 leikjum hafa þeir skorað 5 en Aron Lucas Vokes og VÖK eru þar helstu markaskorararnir með þrjú mörk hvor. Í seinasta leik fengu þeir lærisveina Tomasz Luba frá Víking Ó. í heimsókn og sigruðu þeir örugglega 3-1, en Viðar Örn skoraði þar tvö mörk. Mikið hefur verið rætt og ritað um hvort það sé eitthvað vesen að ræða í Selfoss, en stærstu nöfnin í liðinu, VÖK og Jón Daði Böðvarsson, hafa báðir farið í agabann á þessu tímabili. Jón Daði hefur ekki verið ´í hóp í seinustu tveimur leikjum Selfoss. Spurningin er, verður Jón Daði með í dag?

Fjölnismenn sitja eins og er í 4. sæti 2. deildar, en með sigri geta þeir komið sér upp fyrir ofan Kormák/Hvöt og Kára og upp í 2. sæti! Fjölnir hefur sigrað þrjá leiki í deildinni, þá á móti Magna, Dalvík/Reyni og Víking Ó., og tapað tveimur gegn Haukum og KFG í seinustu umferð. Fjölnir hefur skoraðp 15 mörk í þessum 5 leikjum sem þeir hafa spilað, en Viktor Andri Hafþórsson hefur verið helst á skotskónum með 4 mörk! Í seinasta leik gegn KFG fékk Bjarki Fannar Arnþórsson að líta tvö gul spjöld og verður því ekki með í dag. Eins og frægt er féll Fjölnir niður í 2. deild eftir seinasta sumar í Lengjudeildinni, og eru því 100% að reyna ná þessum tveimur efstu sætum til þess að fara aftur upp í næstefstu deild!

Dómari leiksins er Ásmundur Þór Sveinsson, en honum til halds og trausts verða Kári Mímisson og Nour Natan Ninir

Góðan og blessaðan daginn kæru lesendur og verið hjartanlega velkomin í þráðbeina textalýsingu úr Egilshöllinni, en hér munu Fjölnir og Selfoss keppast í 6. umferð 2. deildar karla!