Freyja með fína hugmynd og ætlar að finna Dagný í hlaupið en boltinn of fastur og sókn Víkinga rennur út í sandinn

Ísfold Marý liggur eftir eitthvað skrýtnasta fall sem ég hef séð og er borin út af á börum. Óskum henni góðs bata!

Ída Marín með skot fyrir utan teiginn sem fer langt yfir.

FH í hörkusókn og Thelma Lóa kemur með fínan bolta inn á teiginn en skotið fer svo hátt yfir markið.

Dagný fær boltann í hlaupið frá Emmu og ætlar að koma honum fyrir markið en Birna Kristín fylgir henni eins og skugginn og kemur í veg fyrir það.

Ída Marín með geggjaða utanfótar sendingu inn fyrir á Christopher en flaggið á loft.

Emma Steinsen með góðan bolta á fjær þar sem Bergdís kemur á ferðinni en hvorki hún né Aldís ná til hans og boltinn endar á því að fara aftur fyrir.

Boltinn frá Andreu langur á fjær, eiginlega aðeins of langur og FH skalla hann aftur fyrir.

Thelma Lóa keyrir á vörn Víkinga og uppsker horn.

Andrea Rán með góðan bolta á ennið á Ídu Marín sem á fínan skalla sem fer af varnarmanni og á markið. McClellan gerir mjög vel í markinu að bregðast við og ver.

Aftur er Andrea Rán mætt á vettvang, setur spyrnuna á fjær en Ísfold skallar aftur fyrir hinum megin, annað horn.

Andrea Rán tekur gott horn inn á markteiginn þar sem Víkingar skalla hann aftur fyrir í horn hinum megin.

FH halda uppteknum hætti og sækja hornspyrnu.

Sóknin heldur áfram og Nia fær hann á lofti inn á teig en flaggið á loft.

Nauðvörn Víkinga heldur áfram og FH ná loksins skoti á markið. Ída Marín, sem hefur verið öflug í upphafi leiks á fast skot fyrir utan teig sem McClellann fer ágætlega.

Víkingur McClellan Emma, Ísfold, Áslaug, Kristín, Þórdís Birta, Begga Sól Bergdís Dagný, Freyja FH Aldís Anna Heiða, Jónína, Deja Andrea Rán, Ída Marín Birna Kristín Ingibjörg, Nia, Helena, Thelma

FH öflugar fyrstu fimm án þess þó að ná skoti á markið, sækja stöðugt.

Aftur eru FH í sókn en Víkingar ná að koma sér aftur fyrir boltann og gestirnir ná ekki skoti á markið.

FH strax komnar í álitlega stöðu þegar Ída Marín finnur Nia inn fyrir en flaggið á loft.

Bergdís. sparkar okkur í gang og Víkingar sækja í átt að Kópavogi

Allt að verða klárt!

Gaman að sjá að Selma Dögg Björgvinsdóttir snýr aftur í hóp Víkinga eftir að hafa átt sitt þriðja barn. Bjóðum hana hjartanlega velkomna aftur!

Einar Guðnason gerir eina breytingu á sínu liði frá leiknum gegn Þór/KA en Bergdís Sveinsdóttir kemur inn og Jasmín Erla Ingadóttir fær sér sæti á bekknum. FH gera tvær breytingar á sínu liði frá sigrinum gegn Fram en hjá þeim koma inn Birna Kristín Björnsdóttir og Nia Raisa Christopher fyrir þær Berlindi Freyju Hlynsdóttur og Mackenzie Elyze Smith sem taka sér báðar sæti á bekknum.

Víkingur R. 1 - 2 FH Þetta verður hörkuleikur. Vikes kemst í 1-0 en FH gefst ekki upp og þær skora tvö í seinni hálfleik. Aldís lokar rammanum í seinni.

Eftir að hafa byrjað mótið aðeins brösulega eru FHingar komnir á fljúgandi siglingu með fimm sigra í röð. Þær fengu Fram í heimsókn í síðustu umferð þar sem þær unnu sannfærandi 6-2 sigur.

Víkingar hafa ekki byrjað þetta mót eins vel og þær hefðu óskað sér og eru með níu stig eftir fyrstu sjö leikina, þrír sigrar og fjögur töp. Í síðustu umferð sóttu þær Þór/KA heim og sóttu þar góðan sigur í leik sem endaði 4-6.

Verið velkomnir, kæru lesendur, í þessa beinu textalýsingu frá leik Víkings og FH í Bestu deildinni.