Þessu er lokið hér í Árbænum og það eru Fylkismenn sem fara áfram í undanúrslit þar sem þeir mæta Aftureldingu.

Skýrsla og viðtöl innan tíðar!

Tveimur mínútum bætt við

Fáum við enn meiri dramatík í þetta?

Kári Sigfússon var skyndilega kominn fyrir aftan alla vörn Gróttu, tók sprettinn og skýtur að marki en Guðmundur Rafn, eina ferðina enn, varði vel.

Máni Austmann fær boltann á vítapunktinum og skýtur beint á Guðmund.

Frábær fyrirgjöf sem Aron Snær skallar en boltinn rennur meðfram marklínunni áður en Gróttumenn hreinsa frá

Máni Austmann með tvö skot inni í teig. Fyrra ver Guðmundur, beint til hans aftur, því næst verja Gróttumenn á línu og senda boltann í horn.

Upp úr horninu fá Fylkismenn annað dauðafæri en aftur vörðu Gróttumenn á línu

Tveimur bætt við

Gróttumenn komast hvorki lönd né strönd og Fylkismenn éta þá ítrekað á eigin vallarhelmingi. Í einu slíku skipti vinna þeir boltann, boltinn berst á Kára Sigfússon sem er aleinn inni á teig og skýtur hann boltanum hátt yfir.

Þvílíkt færi. Kom langur bolti upp allan völlinn sem Gróttumenn láta vera. Boltinn berst til Theodórs sem á fast skot sem Guðmundur verí horn. Ekkert kom úr horninu

Eru mun aðgangsharðari hér í upphafi

Smá tæknilegir örðugleikar hér á lokamínútum venjulegs leiktíma.

Fylkismenn vildu fá víti þegar þeir töldu á sér brotið innan teigs. Strax í kjölfarið af því áttu þeir frábært skot sem Guðmundur Rafn varði glæsilega í stöng og út. Skömmu síðar flautar Jóhann til leiksloka og við verðum því að framlengja hér!

Þvílík skemmtun sem boðið er uppá hér!

Fær stunguna inn fyrir vörn Fylkis en Ólafur ver vel í horn

Aron Snær gerir sig gildandi strax með fyrstu snertingu! Góð fyrirgjöf inn á markteig og Aron rís upp en skallar framhjá. Jóhann dómari hefur séð snertingu varnarmanns Gróttu og dæmir horn

Sókn sem hófst á innkasti við miðlínu. Axel Sigurðarson kemur boltanum upp að endalínu og sendir fyir. Þar er Mattías Kjeld með boltann og Ólafur markvörður fer á móti honum. Mattías leggur boltann á Kristófer sem skýtur boltanum yfir. Þarna hefðu Gróttumenn átt að gera betur.

Fær boltann út á kantinum, keyrir á vörn Gróttu og vinnur horn.

Fylkismenn eiga skalla í slá! Dagur Traustason stekkur manna hæst í teignum og á góðan skalla í slánna. Hann tekur frákastið sjálfur og skallar aftur að marki en laust var það og Guðmundur grípur.

En Jóhann dómari telur að Gróttumenn hafi tæklað boltann fyrst og gefur hornspyrnu

.. og vinna hornspyrnu. Spyrnan fer inn á markteig og grípur Guðmundur hann og kemur boltanum hratt í leik.

Björgvin Brimi fékk góða stungusendingu og gerði vel allt fram að skotinu sem var rétt framhjá

Líkt og í fyrri hálfleiknum eru Fylkismenn meira með boltann en Gróttumenn sitja og reyna að beita skyndisóknum.

Þetta var það síðasta sem gerðist hér í þessum fyrri hálfleik. Tökum okkur korter

Tvær mínútur í viðbót í dag

Fékk boltann á D-boganum en skýtur boltanum hátt yfir.

Flott fyrirgjöf Kára Sigfússonar inn á teig er skölluð aftur fyrir endamörk.

Það hefur aðeins lækkað tempóið í þessu, enda var það í hæstu hæðum hérna fyrstu 30 mínúturnar.

Eftir góða fyrirgjöf frá hægri rekast þeir Guðmundur Rafn og Eyþór Wöhler saman og liggur Guðmundur eftir.

Guðmundur er staðinn upp eftir að hafa fengið aðhlynningu og við höldum áfram með leikinn

Þeir eru að færa sig aðeins ofar á völlinn og eru aðeins að lyfta sér upp úr skotgröfunum

Fylkismenn eiga aukaspyrnu um 10 metrum fyrir utan teig. Arnór Breki stendur yfir boltanum.

En það var Kári Sigfússon sem tók spyrnuna en Guðmundur Rafn var vandanum vaxinn og varði vel.

Það skilar sér í því að þeir fá hornspyrnu.

Arnór Breki tekur spyrnuna, boltinn drepst á markteig og verður mikill darraðadans þar sem einir 10 leikmenn stóðu í kringum boltann og reyndu að ná til hans. Hver það var sem gerði það svo sá ég ekki en skotið var framhjá.

Thedór vinnur boltann á miðjunni, tekur á rás upp hægri kantinn og setur boltann fyrir á Kára Sigfússon sem hittir boltann ekki nógu vel og skotið slakt. Gott færi og Kári hefði átt að gera betur.

Það er meiri ákefð í Fylkismönnunum þessar síðustu mínútur eftir að Gróttumenn byrjuðu eilítið betur.

Theodór Ingi skeiðar upp allan völlinn á miklum hraða og boxanna á milli og endar á að eiga hörkuskot á nærstöng sem Guðmundur Rafn ver vel í horn!

Þetta fer skemmtilega af stað!

En lítil hætta skapaðist út frá henni. Boltinn skallaður út í teig og kom laflaust skot framhjá í kjölfarið

Það eru Gróttumenn sem eiga það. Nökkvi á það en það er laust og á Ólafur ekki í vandræðum með það

Það eru Fylkismenn sem sparka þessu af stað!

Það er hörkustemning hérna í Árbænum - lifandi tónlist og mikill fjöldi fólks mættur á völlinn. Veðrið eins og best verður á kosið, um 18° hiti smá gola og léttskýjað. Allir á völlinn!

Byrjunarliðin eru komin og má sjá þau hér til hliðar

Byrjunarlið Fylkis og Gróttu - Eyþór Wöhler byrjar

Búið er að draga í næstu umferð bikarsins en sigurliðið hér í dag mun taka á móti Aftureldingu í undanúrslitum.

Bikardrátturinn

Grótta hefur aldrei komist í undanúrslit bikarsins og geta þeir því skrifað nýjan kafla í sögu Gróttu slái þeir Fylkismenn út í dag.

Fylkismenn hafa átta sinnum komist í undanúrslit bikarsins í sinni sögu og farið alla leið tvisvar sinnum í sinni sögu, tvö ár í röð árin 2001 og 2002.

Núna klukkan 12 hefst leikdagshátíð á Tekk vellinum. Hoppukastalar, trúbador og Fan-zone! Það er frábært veður á höfuðborgarsvæðinu og því tilvalið að mæta snemma á völlinn með alla fjölskylduna!

Hátíð í Árbænum fyrir bikarleik Fylkis og Gróttu

Leið Gróttu að 8-liða úrslitunum hófst með 0-2 sigri gegn Þrótti Vogum. Í annarri umferð tóku þeir á móti á Úlfunum á Vivaldivellinum og lauk leik með 2-1 sigri Gróttu í spennuleik. Í 32-liða úrslitum sigruðu þeir lið Álftaness 1-0 sömuleiðis á Vivaldivellinum og í 16-liða úrslitum gerðu Gróttumenn góða ferð á Ísafjörð og slógu út heimamenn í Vestra þar sem lokatölur voru 0-4.

Fylkismenn hófu leik í bikarnum í annarri umferð þar sem þeir slógu út KV með öruggum 6-0 sigri á Tekk-vellinum. Í þriðju umferð voru það KFA sem komu í heimsókn í Árbæinn og lauk leik með 2-0 sigri Fylkis. Því næst var það Bestu deildar lið FH sem þurfti að lúta í gras á Tekk vellinum þegar Fylkismenn tóku þá í bakaríið með 5-0 sigri.

Verið velkomin í Árbæinn þar sem heimamenn í Fylki taka á móti Gróttu í 8-liða úrslitum Mjólkurbikarsins