Leik lokið með frábærum sigri heimamanna og þeirra fyrsta á tímabilinu. Vegna tæknilegra örðugleika náðist ekkert að uppfæra síðasta korter leiksins. Njarðvíkingar voru mun betri í fyrri hálfleik en mun meira jafnræði var í þeim seinni. Elfar Árni skoraði sigurmarkið þegar hann stýrði sendingu Gests glæsilega upp í þaknetið. Þvílíkur baráttu og karakter sigur hjá Völsungi!

Sigurjón á góðan sprett upp vinstri kantinn og leggur boltann út á Valdimar sem á gott skot sem Jochum ver frábærlega.

Darraðadans! Völsungar eiga hornspyrnu sem Arnar tekur og við tekur mikill darraðadans en Njarðvíkingar ná að bægja hættunni frá.

Njarðvíkingar nálægt því. Arnar Helgi með fína fyrirgjöf á Omar Diouck sem skallar rétt framhjá.

Enn ein hornspyrna Njarðvíkinga. Í þetta skiptið er hún stórhættuleg en Elfar Árni nær að skalla frá.

Enn ein hornspyrna Njarðvíkur. Þær eru orðnar 10 talsins segir mér tölfræðigúru hér í stúkunni. Kemur ekkert úr henni þó.

Njarðvíkingar eru byrjaðir aftur að fá hornspyrnur. Þær eru orðnar helvíti margar í þessum leik. En sem áður ná þeir ekki að skora úr þeim.

Heimamenn byrja seinni hálfleikinn ágætlega. Elfar og Arnar spila vel sín á milli og Arnar vinnur hornspyrnu sem þó ekkert kemur úr.

Seinni hálfleikur er hafinn. Náði að kíkja á atvikið milli Elfars og Eiðs í háfleik og Eiður traðkar á bringunni á Elfari. Alveg ótrúlegt að Eiður hafi sloppið með þetta.

Völsungar vildu fá víti hér í blárestina en dómarinn flautar til hálfleiks. Njarðvíkingar verið heilt yfir miklu betri en hér undir lok hálfleiks kviknaði eitthvað lífsmark með heimamönnum.

Arnar Pálmi missir boltann á hættulegum stað en nær að redda sér með tæklingu en boltinn berst á Valdimar sem er í góðri stöðu rétt utan teigs en Jochum ver vel í horn. Eiður Aron skallar svo rétt framhjá eftir hornspyrnuna.

Enn eru Njarðvíkingar að skapa mikinn usla eftir hornspyrnu en hafa ótrúlegt en satt ekki enn náð að skora eftir slíka.

Nú er Bragi nálægt því að bæta við. Á gott skot utan teigs en aftur ver Jochum vel í horn. Boltinn speglast svo í slánna eftir hornspyrnuna. Tímaspursmál hvenær gestirnir bæta við

Valdimar svo nálægt því að tvöfalda forystuna. Leikur á varnarmann úti vinstra megin og köttar út og á gott skot sem stefnir í fjærhornið en Jochum ver vel.

Ágætis séns hjá heimamönnum. Ýmir dansar í teignum og leggur boltann svo út á Elfar sem lætur vaða en framhjá fór boltinn.

Er í smá veseni með að breyta og bæta við færslur en þegar vítið var dæmt slapp Valdimar í gegn og Indriði braut á honum. Pjúra víti.

Aron Bjarki missir boltann fyrir framan eigin teig, Bragi Karl fær boltan í fínni stöðu en skýtur rétt framhjá. Þarna hefðu gestirnir átt að gera betur.

Fyrsta sókn heimamanna er álitleg. Arnar Pálmi á fína fyrirgjöf frá vinstri en Elmar nær ekki til boltans.

Njarðvíkingar eru mikið meira með boltann hér í upphafi og hafa reynt þrisvar sendingar í gegnum vörn heimamanna en alltaf verið rangstæðir.

Stefán dómari flautar í flautu sínu og leikurinn er hafinn.

Byrjunarliðin eru komin inn og má sjá þau hér til hliðar.

Það er ævintýralega gott veður á Húsavík í dag, enda eins og Gunnar Sigurður Jósteinsson sagði við Ólaf Ragnar Grímsson, þáverandi forseta, um árið: "Það er alltaf sól á Húsavík"

Eftir tvö jafntefli hjá Völsungi í fyrstu tveimur leikjunum hefur hvorki gengið né rekið. Þeir grænu hafa tapað 6 leikjum í röð og sitja sem fastast á botni deildarinnar.

Gengi Njarðvíkinga hefur verið upp og niður. Liðið situr í 8. sæti deildarinnar með 11 stig. Hafa unnið 3 leiki, 2 jafntefli og 3 töp. Njarðvík rústaði ÍR 5-1 í síðustu umferð en hafa hins vegar ekki náð að vinna tvo leiki í röð á tímabilinu. Spurning hvort að það gerist hér í dag?

Góðan daginn og velkomin í beina textalýsingu frá GPG-vellinum á Húsavík. Hér í dag fer fram viðureign Völsungs og Njarðvíkur í 9. umferð Lengjudeildar karla.