SKÝRSLAN: Kolrangur dómur og þrjú rauð spjöld
Hvað réði úrslitum?
Erfitt að segja hvað réði úrslitum. Leikurinn var mjög jafn og hafði getað dottið fyrir bæði lið. Suðurnesingar voru manni fleiri í þrjú korter sem hjálpaði og þegar leikurinn er 120 mínútur þá þýðir mikið að vera manni fleiri svo ætli það hafi ekki ráðið úrslitum.
Bestu leikmenn
1. Jordan Smylie
Jordan skoraði jöfnunarmark Reynis og ógnaði ítrekað að marki heimamanna. Mjög öflugur í dag.
2. Tristan Snær Daníelsson
Hann skoraði fyrsta mark leiksins og var sprækur. Skaut í stöngina einu sinni og var eins og Jordan, ógnandi og sprækur í dag.
Atvikið
Dómaramistökin undir lok leiks. Kolrangur dómur sem gæti hafa breytt útkomu einvígisins algjörlega. Hiti færðist í leikinn eftir atvikið og 3 rauð spjöld til viðbótar fóru á loft í leiknum.
Hvað þýða úrslitin?
KH situr eftir með sárt ennið á meðan Reynir Sandgerði verða í pottinum þegar dregið verður í 8 liða úrslit Gatorade bikarsins.
Vondur dagur
Verð því miður að klína þessu á Kristófer Heimisson sem skellti sér í harkalega tæklingu á gulu spjaldi. Hún misheppnaðist algjörlega, hann sá rautt og skildi liðsfélaga sína eftir manni færri í 45 mínútur eða svo.
Dómarinn - 3
Teymið gerði sig sekt um afar slæm mistök en gerðu vel að öðru leyti í vafaatriðum og það hífir einkunnina aðeins upp.